شكراً على إ/غْيابك) (غِيَابي .. وأقديت ..
مدخل،،،
لو أطيح إ/بدربي الموحش أقوم ..
وآتسامى فوق .. فوق .. الإرتفاع
كانها غربان وقتي جت تحوم ..
والله إلـ تبطي وهي باقي جياع
هذا دربي في حياتي ما يدوم ..
لكن الفارق إذا مات الشجاع
غيابك ) .. ( غيابي :-
شكراً على إ/غْيابك) (غِيَابي .. وأقديت ..
صبت المشاعر والهدف جايبه صَح
مآ اقول مخطي .. صبت جرحي وأدميت ..
وآطيح ... حتّى إن طحت لو طحت .. بأجمَح
لكن أنا للحين عايش بِـ ياليت ..
يا كم بنيت آمال .. من كثر مـَ / أطمَح
للحين اشوفه حِلْمنا داخل إ/بويت..
جايز أعاني .. بسّ لا تخاف بأفرَح
وإلا.. خلاص إنسى .. أنا كم تمنيت ..
ضاع الكلام وتهت بأعيد وأشرَح
ياليت لكن ( ليت) .. ما عمّرت بيت ..
هدّت أمانينا .. وذا الدمع ينضَح
لكن قَبَل تمشي أبطلبك لوجيت ..
لا إ/تناظر إ/عيوني .. و حالي .. و تسرَح
وِإن شفتني في يوم من كثر حنيت..
جيت أحضن (إ/ديارك) فَأبغاك تسمَح
وإذا الوفا جارح ..فانا آسف أخطيت ..
وإذا الغلا ذنبي فأرجوك تصفَح ..؟!
هـــــروب :-
هانت يا قلبي ما بقى غير أشهر
..وأوْعِدْك يندم جرحك اللي تدينه ..!!
أوعدك تنسى وجه ذا الحزن الأسمر
..واللي إنكتب بسطور صفحة سنينه ..!!
الدمع خلّص .. وإنكتب فوق دفتر
..إنثر ورق شعرك بريح المدينه ..!
يمكن بعد ما تروح .. تقرأ وتذكر
..إ/عتاب شاعر للوطن من حنينه ..!!
دام الوطن .. ما صار لك غير مهجر
..رح للمنافي .. ؟! .. [ذكرياتك حزينة] ..!
