يهزني الموت وطاري وحشة قبوره !~
♥ '' ♫ٌ
.
.
.
يا مرحبا الساع
مساكم الله بالخير
# قصيدة لمحمد جار الله السهلي
يهزني الموت وطاري وحشة قبوره
وتطري ذنوبي علي وربي ادرابي
واحس في داخلي هالروح مذعوره
وايمـمـ الوجه للخالق ولا القابي
سوى امنية شاعر ٍ خجله ومغروره
وخوف وطريق وبقايا طيبة اصحابي
واحساس لو اكتبه بتعاتب سطوره
حظي وطيبي وعقلي واول احبابي
يارب .. ساعدني ابني حلمي وسوره
ودي اشرّع لـ بكره .. كل ابوابي
تعبت اشوف النهار بدفتري نوره
واجامل الليل واقول انه (( اولابي ))
يا عين لاهنتي وعن جد مشكوره
يا ما حشمتي سواد الليل باهدابي !
قلتي : زهقت الظلام وقلت : معذوره
ما دام جسمي عجز عن شيلت ثيابي
تبت يدين الصبر لا طالت شهوره
ما هي بسهله سنه ناطر على اعصابي
قدام عيني تطيح احلام .. مقهوره
يا رقة القلب .. ويش القلب .. سوّابي
ماني مكمل ياهمي خلها مستوره
بيني وبينك ( قصيدي ) واعتق اسرابي
لان ( الشعر ) لا طرالي جفت بحوره !
واحس كنه يموت بـ صفحة كتابي !!
لاني احبه واحب اراعي شعوره
احسب حسابه مثل ما يحسب حسابي
ابيه لامن حظر يجمّل ... حظوره
وان قدّر الله وغبت؟؟ يقدّر غيابي !!
شاعر ( ماهوجس ) بقولة كم جمهوره ؟
يكفيني ان ما كتبته (( كاسب اعجابي ! ))
