-
حيل الله أقوى
حيل الله اقوى مابقى في يـدي شـيّ=مافيه حــــل ٍ فـي يـدي .. ماذخرتـه
،،،،،،،،،،
حاولت .. لكن المحاصيل هيّ هـيّ=الطــــير طـار ولا بقـى الا شجرتـه
،،،،،،،،،،
وقفّت اشوف شويّ واغمّض شـويّ=واللي انكسر في خاطـري ماجبرتـه
،،،،،،،،،،
لين الحقت شمسي على بارد الفـيّ=وشفت ان كل اللي جمعته خسرتـه
،،،،،،،،،،
من كثر ماعزيت ريقي عـن المـيّ=ملّ الصبر من كثر صبـر ٍ صبرتـه
،،،،،،،،،،
كم هقوة ٍ ضاعت على سكـة الغـيّ=وكم حلم فـ( تراب ) الحقيقه قبرتـه
،،،،،،،،،،
واقف .. وطعنات الزمن كلهـا فـيّ=وساقي لو انه كلّ منـي / كسرتـه
،،،،،،،،،،
بعدماعاش اليأس في احساسي الحيّ=اخـــوي .. لو هو صد عنـي عذرتـه
،،،،،،،،،،
مدري عن اللي كنت احسبه بقى ليّ=اللي حزمت ابه الضلـوع وذكــرتـه
،،،،،،،،،،
اللي طوى حالي بحكم الهـوى طـيّ=قصّر .. وانا كل الطريق اختصرتـه
،،،،،،،،،،
ماهو خطا لاقلت ( تآمر على شيّ )=الا الخطا .. لا اشتقت له وانتظرته
-
هلا فيك جلنار ..
الله عليك الله اختيار جدا راقي وعذب
الف شكر لجهدك واختيارك وتفاعلك الجميل
طابت لياليك ..
( نص يستحق النجوم الخمس)
-
صباح الخير .. شكرا اخوي رايق البال .. تسلم
-
جلنااااار
أقف إجلالا واحتراما وتوقيرا لكلماتكِ الراقية في النقل
حروفكِ عندما تصافـح شرفـات البـوح ...
تتـسـاقـط إبداعا وشــهــدا..
وتتغنى السطور كشدو عصافير ..
دمتِي بصحة وسعادة دائمه
-
شكرا هجرس الروح على كلماتك المشجعه لي .. كلماتي متواضعه امام ما تخطووونه
-
اختيار جميل جلنار
يعطيك ربي العافيه وكلك ذووق
-
-
انتقاء جميل وتواجد اجمل
دمتم في حفظ الرحمن ورعايته
-
-
قصيده جميله ;
كُل آلششكرْ عَ آلأنتِقآء
يعطيكِ آلله آلععآفيهً :) !