بعثر احلام السنين وروح نام
بعثر أحلام السنين وروح نام
ضيقتي من امس لليوم سهرت
خلني لليل وكفوف الظلام
هو بقى بالعين دمعه ما سرت
اي بقى للهجر خطوه للامام
ليه خطواتك عن الدرب اقصرت
كنت اثق في كل ليله وكل عام
وكل حاجه كنت اثق فيها اغدرت
انتلاقى ويرتبك ريح وغمام
وكل ليله نجتمع فيها امطرت
كنت غصن وكان عمري لك حمام
شوف الايام الغريبه شكسرت !!
جيت بختار لموادعنا / كلام
وكل كلمه جات تطلع ما اقدرت !!
كَبرت فينا الاماني يا حرام
ليتها ظلت صغيره ما اكبرت
وليتني من قبل لـ اعطيك اهتمام
نظرتي راحت ولا عنك درت
خلني بغيب في برد وسلام
وهاك كل فكرة وصل عندي طرت
بعتبرك نجوم طاحت بالظلام
واعتبرني ضيقه ايام وسرت
