يامالك قلبي اشواقي بتحرقني
..ارحم فؤادي ترى اشواقي هي اشواقي
ليتك تروف بفؤادي وماتضايقني
وانا الذي من اسى الايام ماراقي
ان كان قصدك باسلوبك تأرقني
ابي اوضح ترى اسلوبك ماينطاقي
وان كنت تقصد بكشفي وماتصدقني
انا بصراحة تعبت وطاحت ارواقي
كانك تبيني واشواقك بتعشقني
غير نظامك معاي بطيبة اخلاقي
وكانك تغلى وفي قصدك توهقني
اشعلت فيني حنين البائس الراقي
اسمع تراني بدونك ماني طايقني
.خل الزعل والتغلي واسمع الباقي
حبك بقلبي من افعالك بيحرقني
اشعلت نارك بتحرق كل اوراقي
خفف اساي وعناي ومعك روقني
والا بتخسر فؤادي وتخسر الباقي
ياضي عيني وحلمي معك حققني
..لاتترك احلام عمري تبتر الساقي
بالحيل احبك نعم بالحيل سارقني
وياك عمري احسه من العنا راقي
