غبت يومين وزادت الوحشه
سهرت الليل وحالتي ولهان
عاندت الليالي باحلامي الهشه
ذكرتك والفرح بعيوني الوان
تمرني نسمة صابتني بدهشه
بها صوتك بها ريحك بها الحان
بها من عطر شوقي له غرشه
بعدها عيا وقتي يمر والقلب طفشان
بلشت بالليل الكئيب بدونه بلشه
يرد ابتسامة وفا لعيونه باحزان
عجزت اداري ظلمة الظالم وبطشه
شرب من دموعي مايروي العطشان
ولهت مثل مايوله الطير عشه
كل هذا وبعيونه حبيبي انا الغلطان
يحق له دامه ملك قلبي وعرشه
يامر ويتدلل ويحق له نكران
ترى عادي لوأخذ قلبي وخشه
ماني خسران ولا ندمان انا الكسبان
اموت في جده ومزحه واموت في غشه
لاغشني بكلمتين مااحبك وانا زعلان
وادري به يحبني واما الزعل مشه
نزعل ونرضى والحب باقي ولا هان
وما التفت للواشي لو وشني بوشه
تعبت انا الظيم تعبت انا الحرمان
صرت احيابك لو اخذت لي قفشه
من حنانك وامليت بها جوفي حنان
لوغبت حبيبي تراها زادت الوحشه
وان عدت وسئلت ترى حالتي ولهان
ولو جفت ومن الحزن ترشني رشه
تلقاني باوصاله طفل بأحظانه غرقان
املكتني وملكت انا احلامي الهشه
سهرت وماخسرت لو امسيت سهران
