من غير ميعادن ولاغير.. توقيت
صدفه لقيت الغالي اللي فقدته
فاضت عيوني دمعها لكن اخفيت
جمر الوله والشوق للي وجدتــــه
اللي ملك روحي وكلي له اعطيت
فز الخفوق بداخلي يوم ..شفتــه
ياما على فرقاه ياناس... ونيت
وياما سهرت الليل والنوم عفته
وياما على ذكره وطيبه تغنيت
باحلى مواوييل الوله لانشدته
هو دنيتي لاشفت زوله تناسيت
كل العنا في داخلي ...لاذكرته
قدمت له كل المشاعر ومديت
حبن فتح للعاطفه.. ماقفلتــــه
احساسي الصادق من القلب وفيت .
احساس من.. رب الملا... ماصنعته
طيفه ملازمني في صبحي ولاامسيت
طيفن سكن في داخلي ..ماكرهتــــه
ياما نظمت الشعر بيتن على بيت
ويامايزين الشعر لامن ...وصفتـــه
