قصيدة منقولة :تعال نعيش أجمل قصة اثنين.
تعال نعـيـش اجـمل قـصة اثنين
نعتزل الزمن والناس والطاري
على طارف جمــالك اغزل اوجاع
وادفن شوكَـ قلبي واخفي اسراري
وعـلى جــيــتـك أوقـت سـاعة الايد
وأعشق تـفـاصيـلك وانته مو داري
كم ليل اليودعك لحن بالروح ؟
وكم صبح التقطع بيه اوتاري
يا همسي وصرختي وهاجسي الموجوع
ويا أهلي وحبيبي وصاحبي وجاري
ويا صعب القوافي (رجز)*بحرك ليش
وزنك من ذهب ومتعب اشعاري
تنغصتك حياتي وياي هـذا اليوم
يا حروف التمني وحركَـتي وناري
تتجاهل حسرتي وتبعـد المشتاق
واضيّفك بالحلم كل ليله خطاري
ويا نخلة بصرية شهل الحوّر بالعين؟
اتعبني حلاها و تعبت ابصاري
ويا قطر الندى اشصار هل التبذير
تـطـفح بالـغـنـج وتغـركَـ ازهاري
گُلك تستفزني وتطلع المضموم
وأقولك أرد أجي ولا تقبل اعذاري
اباريك بحياتي وادعي كل يوم
تصبح بس اللي ويحفظك الباري
نعم حسنك حضارة وحيّر التاريـخ
تـاسـع مـعـجـزة يـا لـوح مسماري
بـابــل مـا رأت مثـلـك ولا آشــور
خـدك سومري والـطـول عـشـتاري
***********
