في ذمتي بعض البشر يشبه الطير ،،
مـن لا حفـظ للـجـار حــق (ن) وتوقـيـر
هذاك عـن سنـع الـعـرب فــى خـسـاره
الجـار لـه شـان (ن) وحـق (ن) وتقديـر
والرب وصــى كـــل جـــار(ن) بـجــاره
اصبـر علـى جـارك ولـو جـاك تقصيـر
مـنّـه ولـــو يـحــذف عـلـيـك الـحـجـاره
ســلــم عـلـيــه وصـبـحه بالتـبـاشـيـر
ولاغاب عــنّـــك بــــــادره بــالــزيــاره
خـلـك مــع الاحـسـان يافـاعـل الـخـيـر
من يفـعـل الاحـسـان نـــال الـصــداره
لاتـتّــبــع اهـــــل الــزلـــل والـمـحــاذيــر
واهل الجهااااله و السفـه والدشـاره
شــتــان مـابــيــن الــرجـــال الـمـنـاعـيـر
واهل الحـكـى والفلسـفـه والـفـشـااااره
فى ذمتى بعض البشـر يشبـه الطيـر
عقبان وصـقــور ونــســور وحــبــاره
ومنهم خفافيش(ن) افطوس المناخيـر
منكسات(ن) فــــى بــطــون الـمـغــاره
ومنهم ارجال(ن) فى احلام العصافير
ومنهم احرار(ن) فى العزم والجسـاره
ومنـهـم ارخــوم (ن) فـاغـرات المناقـيـر
بين الـعـفـن تـلـقـاه يـقـضـى نـهــاره
والبـعـض عقـبـان(ن) تـهـب العوافـيـر
ماتاكل الا مـــــن لـــذيـــذ الــمــيــاره
وان اسـتـفـزك جـاهــل (ن) بالتعـابـيـر
خله ولا تـثــنــى عــلــيــة الــعــبــاره
واصحب رفيق الخير تلقى بـه الخيـر
ولا تصحب الملـقـوف تلقـى دمــاره
مـاكــل مـــن تـنـخـاه وقـــت المعـاسـيـر
تلقاه في وقت الرخااااااء والعـسـاره
