تدري هالليلة طويلة..وإحتياجي لك عذاب"

كانت الليلة كئيبة ..والقهر محتاج باب ,
كانت العتمة مُريبة.. والضّيا همسه خفيف ,


زحمة من حولي تناثر.. بينهم شفتك سراب ,
كلما ألهي بصدّي..هبّت الذكرى خريف !


أسمعك تنده [ تعالي ] نبتر اطراف الغياب ,
وضعنا صاير رمادي ..يشبه اوقات الرصيف!


وأشعر بدافي حنينك ..يشعل بقلبي عتاب ,
ذوّب أطرافي بـ [ وينك ! ] هالشّتا برده مُخيف ,


عامٍ أقفى من بعادك , صمت.. دمعة.. واغتراب
تاهت أحلامي بـقُربك.. ليتني ألقاك ضيف !


المباني لك تنادي : لفّها حزنك ضباب !
هو متى ترجع دخيلك..؟! حالنا دونك كسيف !


الأغاني : صارت أقسى, والأماني : شمع ..ذاب ,
والفَقِدْ إني أشوفك ! .. بس كيف أُوصلك كيف !


تدري هالليلة طويلة..وإحتياجي لك عذاب
ماناديت [ عجّل ] رددت ظلماي : طيف

الله عليه عزيزتي ورد القرتفل ابدعتي.. كلمات معبره ..
تسلم يمينج.. الله يعطيج العافيه..

ورد القرنفل


نص في غاااااااااية الرووعة
وذاااااائقة من الطراز الماسي


سلمت يداك المبدعة وذوقك الراقي

"نص يستحق النجوم الخمس"

رائعة جدا ذائقتك
تسلمين ورد وربي يعطيك العافية..

نص جميل ورد
يعطيك الله العافيه

السّلامُ عَلَيكُمْ
كَنَتْ هُنَا .. وَاِسْتَمْتَعَتْ بِهَذِهِ اللَّوْحَةُ الشِّعْرَيَةَ الْفَرِيدَةَ مِنْ ذَوْقِك
دَامَ نَبْضُ ذَوْقِك
لِرَوَّحَك البَيِلَسَانْ

http://www.htoof.com/vb/images/smilies/22.gif

سلمت يمناج اختي
انتقاء جميل وتواجد اجمل
دمتي في حفظ الرحمن ورعايته

اختيار جميل استاذه
سلم الذوق

هلا فيك ورد ..
الله عليك الله وعلى اختياراتك العذبه
الف شكر لجهدك واختيارك وتفاعلك الجميل
طابت مساءاتك ..

اقتباس:

---

المشاركة الأصلية كتبت بواسطة جلنااااار

الله عليه عزيزتي ورد القرتفل ابدعتي.. كلمات معبره ..
تسلم يمينج.. الله يعطيج العافيه..

---

غاليتي..
اسعدني مرورك الرائع
مودتي‘‘