ياحياتي حط يدك فوق ها لقلب وتسمع..
بس لا تسأل دخيلك ليه دقاته سريعة
كنت اقــول أن ضاقــت الــدنيا توســع
واتسأءل ليه ضاقت في عيوني هالوسيعة
لين شفت الخافق اللي حب من جد وتولع
يحرقه وقته وصارت أيامه حزينةـ
منحرف حظي و.أعرفه طول عمره ماتسنع
من عرفت الشوق قاسي والهوى هذا صنيعه
ياحياتي حط يدك ـ فوق هالقلب وتسمع
بس لا تسأل دخيلك ليه دقاته سريعة
يوم شفتك داخل عيوني نما حب وتربع
يوم شفتك والحياة القاسية صارت بديعة
كيف أعيش وبعدك أنفاسي بها موتي تمتع
كيف وأحلامي غدت دونك كوابيس شنيعة
والحزن آه يالحزن فيني به الخافق تشبع
ليه حملني تناهيد وحمل ما لا أستطيعه
آه من http://www.wadydahon.com/vb/images/smilies/a15.gif وأنأ اشوفه مع الوقت يتقطع
يـأمر عيوني تهل الدمع وعيوني تطيعه
أنت حبــــك غير كل الحب لو ربعه توزع
كل واحد ماعشق قلبه يبي يصبح صريعه
عاد تدري لو هوى كل الخلايق لك تجمع
ما يجي ذرة من إحساسي مدام أنك شفيعه
يازماني دامني ما اقوى على عنادك تشجع
وارسم جروحي وأنا بشكي على رب الشريعة
يالله أني طالبك من قلب صادق ويتضرع
لا يجي بيني وبينه كره وإحزان وقطيعه
يالله أني طالبك وأن ضاقت الدنيا توسع
لين تفرج والحيـــاة تصير بوجوده وسيعة
