تعبت من كثر انتظاري
تدري غيابك هد حيلي وحالي
....................تعبت من كثر انتظاري ولا جيت
تاتيني اطيوفك ولو سال بالي
.................تاخذني الذكرى ولليل التناهيت
اضحك واجامل والفرح مأهنالي
.................لبستني ثوب الحزن يوم صديت
قبل الكلام وقبل قولن وقالي
.................ماقول شيٍ دون علمن وتثبيت
وانا صعودي مايشابه محوالي
...............والجرح لو يبرى تري ماتشافيت
ياويل منهو طاح مثلي وغدالي
...............يالله عسى غيري مسارات وابخيت
أبسألك جاوب بقًًد السؤالي!
...............وشهو عشانه يوم صديت وقفيت
ليتك تشوف الحال واللي جارالي
...............ضيعت عنواني ولا عادلي بيت
دايم على شانك اشيل الثقالي
.............وانته على همي همومك كباريت
عيني على خاطرك اداري وابالي
............!ماكني في حقك ولاشي سويت
مدري وش اللي صار فيني وجالي
..............حيٍ بهالدنيا وكني كما الميت
اتصورك جنه على الارض غالي
..............خيبتني منته على ماتهقويت
!! منك الاماني والفرح والامالي
..............تبعثرت في داخلي ماتمنيت
انشهد انك زدت همي وغربالي
............ياليتني مارحت يمك ولاجيت
