المخزن المظلم
قصة رعب
** المخزن المظلم
هنبدأ بحكاية جميلة
انا جميلة عندي اختين نجوى وحنان نجوى اصغر مني بسنة وحنان اكبر مني بسنة كنا قريبين من بعض مررة انتقلنا بيت جديد توه مبني في حي صراحة مخيف أبوي يحب الهدوء وهذا الي خلاه يبني بمكان مافيه سكن يعني على بعد أمتار في بيوت مهجورة وبالعادة المكان هذا مثل ماسمعت من صديقاتي يجوه شباب يشربوا مخدرات الله لايبلانا ما أعرف لو كلامهم صحيح أو لا يعني بالآصح أنا ماشفت بعيني،،، إنقطعنا عن العالم والناس حتى أقاربي ماعادوا يجونا يتثقلوا من المشوار يقولوا بيتكم في آخر البلد بعيد مررة فبالعادة حنا نروح لهم،،،
،،،
[،،،
،،،
[،،،
،،،
،،،
بيتنا كان كبير عبارة عن ثلاث أدوار وتحت كان فيه مخزن فيه أغراض زيادة وآدوات قليل ما نستخدمها لوح ودهان وكذا الدور الاول فيه مجالس الضيوف وغرفة طعام ومطبخ وصالون والثاني غرف النوم والمعيشة والمطبخ وصالة والثالث ملحق مع سطح حق الشغالة ،،، كان اذا ابوي طلع نجتمع بمكان واحد ونخاف نبتعد عن بعض انا وخواتي امي بالعادة اما على التلفون او نايمة هذا حالها الدايم انا وخواتي اما بغرفتنا او بغرفة المعيشة على التلفزيون أو تلقونا بالمطبخ نسوي آكل،،في يوم من الآيام على المغرب أمي كانت نايمة وأنا وأختي حنان ونجوى صاحيين وكان الملل والطفش موصل حده معنا وكل وحدة تعطي فكرة نسلي طفشنا لكن كل فكرة ماتعجبنا،،،
،،،
،،،
،،،
،،،
،،،
،،،
تعالوو عيشوووا معي الموووقف
***********************
حنان:وش رايكم ننزل للمخزن ترا في لوح حق بابا كان زمان وهو فاضي يرسم وش رايكم ننزل نجيبها
نجوى:فكرة مو بطالة والله
جميلة:بس المكان تحت يخوف يابنات
حنان ونجوى:خوافة
حنان:أقول تعالي معنا نبي نسلي نفسنا ولاعاجبك كذا ملينا حتى التلفزيون كله إعادات وبرامج سامجة،،،جميلة تنهدت وبقلة حيلة راحت معهم نزلوا الدرج للدور الاول كان ظلال فتحت حنان الضوء حق الصالة الي كانت كبيرة مرة ومقسمة قسمين قسم مرتفع وقسم منخفض وعبارة عن ابواب كثيرة حق الغرف والمجالس الخاصة بالضيوف كان الدرج مقارب باب المبنى اتجهوا له وخرجوا من المبنى لان باب المخزن في الحديقة الخلفية من المبنى مشيوا وهم ماسكين ايادي بعض،،،رجل حنان خبطت بجميلة من دون قصد وجميلة صرخت بأعلى صوتها "يمممممممممممممممممممة"
حنان: اشبك ليش تصرخي هذا انا ياغبية
جميلة بخوف: خلونا نرجع يابنات هونت خلاص ما ابي
اقعد ملانة وطفشانة احسن لي
حنان :بلا دلع ،،،نجوى سحبتها من يدها: بلا سماجة خلينا ننزل مافي شئ يخوووف ،،،نزلت معهم وقلبها دقاته تزيد من الرعب والخوف الي بداخلها
فتحت حنان الباب كان المكان مظلم حاولت نجوى تدور الكبس حق الاضائه الا ان لقته حاولت تفتح زلقت رجلها وطاحت على الدرج تدحرجت الا ان سمعوا صوت جسمها وهو يصقع بالارض وصرختها،،،"آآااااااآاااااااااآه"
حنان بصوت عالي:نجوى انت بخير
لكن لارد
جميلة بدأ ينتابها الخوف وبصوت كله خوف:نجوووووووى ردي
لكن لارد،،،
جميلة من الخوف بدت تصيح
جميلة بخووف: خلنا ننادي امي
حنان: بلا سماجة خلينا ننزل نشووفها يمكن تعورت لدرجة مو قادرة تنطق
جميلة: طيب خلينا نضوي المكان
حنان: الضوء خربان معك جوالك
جميلة : لحظة اشوف ،،،وحطت يدها بجيب بنطلون بجامتها وطلعته
جميلة:الحمدلله معي بقدر افتح الكشاف،، وفتحته طبعا الدرج طوويل جدا يعني مو شايفين آخر الغرفة بدأو ينزلوا خطوة خطوة ومع كل خطوة جميلة تسمع خطوات خلفهم
جميلة:حنان وقفي،،، وسمعت صوت الخطوات وبعدها وقف الصوت
جميلة: سمعتي صوت الخطوات
حنان:شكله يتهيأ لك،،،كملوا نزولهم ورجع صوت الخطوات ماقدرت جميلة تلتف لورا من شدة خوفها
ووقفت لكن الصوت مستمر وشوية اختفى تماما
حنان قالت وهي معصبة:جميلة انت تتهئي بطلي سماجة الدرج طووويل ومتعب وحضرتك واقفة مدري ليش أبووي حط المخزن تحت مرررة كذا
جميلة:لا متاكدة سمعت صووت متاكدة ،،،شدت حنان يد جميلة وخلتها تنزل معها وكانت تمشي بسرعه لانها تعبت من هالجميلة
جميلة بتعب:خلاص فكي يدي بمشي معك بس آلمتيني،،، تركت يدها حنان وصاروا ينزلوا بهدوء والي استغربته جميلة ان الصوت توقف واخير وصلوا ل لتحت وجهت جميلة بشكل عشوائي الكشاف على المخزن لكنهم انصدموا نجوى مو موجودة ،،،
حنان بستغراب: وينها ذي اللحين طيحتها من الصوت باين قوية ماظنيت انها قامت من مكانها خلنا ندورها،،،جميلة جات بترد بس سمعت صوت الخطوات يقرب منهم ورغم خوفها حاولت تشجع نفسها وتقوي روحها التفت لورى لكن الي صدمها وخلاها بدهشة وحيرة مالقت اي شئ على الدرج ضحكت في نفسها وقالت في خاطرها "شكلي بتهيأ مثل ماقالت حنان" لكنها في نفس اللحظة سمعت صوت الخطوات بشكل أقوى وبدأ يقرب الصوت زاد خوفها،،،حنان الي مشيت وتركتها من اول التفت لها وشافتها بنفس محلها ماتحركت:وبعدين معك مو وقتك ترا خلنا نشوف وين راحت نجوى اعرفها غبية تخوفنا عليها وبالاخير تلقيها عند اللوح حق بابا ،،،مشيت معها ونوعا ما هدت نفسها وابعدت عنها الخوف طبعا المخزن كبيرة بكبر المبنى ممتد وفيه ممرات والاشياء مو مرتبة محطوطة كلها بشكل عشوائي كانت جميلة بيد ماسكة يد حنان وبالثانية جوالها الي فيه الكشاف فجئه وهم يمشوا شافوا جاي من ممر من الممرات ضوء خافت يروح ويجي يروح يجي هذا خلا جميلة تصرخ "يمممممممممممممممه"
حنان بنفاذ صبر: ماتوقعتك خوافة لذي الدرجة وبعدين
إنت عارفة إنه احد بإضائته،،، هدت جميلة نفسها ومشيت مع حنان وتحاول تشجع نفسها وتقاوم خوفها فجئه انفتح الضوء وانطفى وانفتح ثاني وانطفى هنا جميلة ضمت حنان بخوووف : حنان الله يخليك برجع لأمي مو متحملة أكثر،،،حنان مسكتها من يدها : بطلي سماجة اللحين تنتظرنا نجوى اكيد عند اللوحات حق بابا وانت تقولي ترجعي لامي ما بنطلع الا وحنا الثلاثة مع بعض مثل مادخلنا ثلاثتنا سوى بنطلع ثلاثتنا سوى غير كذا مستتتحيل سامعه و اذا تبي ترجعي لامي روحي لحالك،،،
جميلة بخوف : خلاص بظل معك لين نحصل نجوى ومسكت يد حنان كانوا يمشووو وفجئه سمعوا صوووت صراااخ نجوى" ااااآااااااآإااااه" ،،،،حنان وجميلة بصوت واحد وبصوت عالي: نجوووووى
لكن لارد
توجهوا لمكان اللوحات حق الرسم وكانت جميلة موجههة الكشاف للوحات تبي تشووف رسم ابوها وكانت تبتسم اول لووحة كان راسم مهرج شكله يضحك وثاني لوحة كان راسم غروب الشمس واختفت ابتسامتها على ثالث لووحة وحل مكانها الرعب والخووف وصرررخت بصووووت عالي" يممممممممممممه نجوووى"
كانت جميلة موجههة الكشاف للوحات تبي تشووف رسم ابوها وكانت تبتسم اول لووحة كان راسم مهرج شكله يضحك وثاني لوحة كان راسم غروب الشمس واختفت ابتسامتها على ثالث لووحة وحل مكانها الرعب والخووف وصرررخت بصووووت عالي يممممممممممممه نجوووى وحطت يدينها الاثنين على خدودها ،،،حنان طالعت في نجوى وقالت انت متى تعقلين ها خلاص وبعدين معك إذا بتزعجيني روحي لأمي ياخوافة،،،جميلة الي كانت لسه على نفس حالتها لدرجة ما انتبهت لكلام حنان كانت تطالع في الرسمة وتآشر عليها بيد مرتجفة وتحس رجولها موحاملتها من شدة الرعب،،،حنان قالت وبعدين معك انت على ايش تاشري،،جميلة ويادوب يطلع صوتها بصوت باكي قالت طالعي الرسمة،،،حنان طالعت في الرسمة وفطست من الضحك وقالت وش فيها الرسمة بلاك أصلا مافي رسمة اللوحة بيضا فاضية مافيها اي رسمة اشبك اليوم انت مو بطبيعيه ابد يتهيئ لك بشكل استغفر الله بس خلنا نكمل طريقنا وندور نجوى الي الله اعلم وين راحت ،،، جميلة وحاسة ان مخها جرا له شئ واعصابها تلفت وبصرخة قالت لا لا انت كذابة احلف لك بالله اني شايفة رسمة نجوى وهي مشنوقة وينزل منها دم ،،،حنان مسكت جميلة من كتوفها وحطت عينها في عين جميلة وقالت بسم الله عليك جميلة وش صار فيك مافي شئ وهي تآشر على الرسمة قالت طالعي ،،، جت جميلة تلف راسها تبي تطالع الرسمة وتقنع حنان بوجودها ولسه بتنطق لكن الصدمة الجمتها مافي اي رسمة قالت في خاطرها في شئ قاعد يصير كيف اشوف اشياء واسمع اصوات وحنان ماتسمعها كيف حست بشوشرة وقالت حنان والله تعبت خلينا نمشي بسرعه ونشوف نجوى والا ترجعيني لغرفتنا وتعالي دوري عليها لحالك،،،حنان قالت هيا تعالي معي ولا اسمع لك نفس يقال انا اللحين الي اخرتك اقول روحي ياشيخة ما شفت شخص خواف كثرك وسحبتها معها،،، اما بالنسبة للي تحس فيه جميلة فهو خوف ورعب وتشتت في الافكار وخايفة يطلع لها شئ ثاني مرعب،،، كانت توجه الكشاف للمكان الي يمشو فيه عشان يقدرو يشوفوا طريقهم وطبعا المخزن مليان أغراض وكل ماتوجه جميلة كشاف الجوال على مكان يطلع ظل الاغراض بطريقة مرعبة فتصير تتخيل تخيلات مرعبة زيادة على خوفها ،،،
كانت تمشي جميلة بخوف وفجئه وقفت وصرخت بأعلى صووت يممممممه،،،حنان قالت اللهم طولك يارووح وش بعد تهيأ لك ست جميلة
حنان وجسمها من الخوف ينتفض قالت حسيت بيد تمسك رجلي،،،حنان قالت جميلة بطلي سماجة و هبل كله بسبب تخيلاتك تتخيلي آشياء مو موجودة الا في خيالك ،،، جميلة كانت تبكي بصوت عالي وترتجف من الخوف قالت والله ما اتخيل حسيت فيه وفي هذه اللحظة حست بيدين تمسك رجلها الاثنين وتتركهم يممممممممه يمممممممممممه وزاد صياحها حنان والله يخليك وديني عند أمي مو قادرة مو قادرة اهئ اهئ
كانت تمشي جميلة بخوف وفجئه وقفت وصرخت بأعلى صووت يممممممه،،،حنان قالت اللهم طولك يارووح وش بعد تهيأ لك ست جميلة
حنان وجسمها من الخوف ينتفض قالت حسيت بيد تمسك رجلي،،،حنان قالت جميلة بطلي سماجة و هبل كله بسبب تخيلاتك تتخيلي آشياء مو موجودة الا في خيالك ،،، جميلة كانت تبكي بصوت عالي وترتجف من الخوف قالت والله ما اتخيل حسيت فيه وفي هذه اللحظة حست بيدين تمسك رجلها الاثنين وتتركهم يممممممممه يمممممممممممه وزاد صياحها حنان والله يخليك وديني عند أمي مو قادرة مو قادرة اهئ اهئ ،،،حنان حضنت جميلة وقالت صدق خواافة
خلينا نكمل واقري المعوذات ومابضرك شئ وهذا كله تهيئات لا اكثر والدليل من يوم مادخلت ماسمعت شئ ولا حسيت بشئ
جميلة قرت المعوذات في نفسها ومشيت مع حنان وهي تحاول تقضي على الخوف وصلوا لآخر المخزن تقريبا لكنهم ماشافوا نجوى،،،حنان بتعب لأن المخزن كبير كثير قالت جميلة خلينا نقعد هنا تعبت وبعدين وين نجوى هذه راحت بالله ،،،جميلة قالت بخوف تحملي ياحنان خلينا نرجع من مكان ماجينا ونجوى مابتضيع اكيد بتلحقنا هذه هي طاحت وماشاء الله مثل الحصان قامت ،،،جت حنان ترد عليها سمعوا صوت باب المخزن يتقفل بقووة،،، هنا صرخت بصوت عالي جميلة وبنفس الوقت حست بشئ يخبط بظهرها التفت لورى وانصدمت وقالت بصوت متقطع من الخوف ج ج ج ث ث ةة ن ن ن ج و ى حست جميلة ان رجليها مو شايلتها وجسمها كله ينتفض ماعادت تتحمل اكثر بدت الرؤية تنعدم وطاحت مغمى عليها،، حنان بسرعه قامت خبطت بخفة على خد جميلة وقالت جميلة جميلة تسمعيني جميلة،،،هنا صرخت حنان بصووت عالي بنااات بنااات تعالوو جميلة اغمى عليها ،،، البنات بسرعه فتحوا الانوار وكلهم جو وحاولوا يفوقوها بدون فايدة ،،نجوى وداخلها قلق وخوف قالت هاتو مويه او عطر بسرررعه ،،،وحدة من البنات اسرعت وجابت مويه،،،رشت حنان قطرات من الموية على وجهه جميله،،،بدت جميلة تفتح عيونها بشويش وتقفلهم وتفتحهم وتقفلهم وبعدها فتحت عينها ببطئ الا ان ثبت نظرها على حنان الي كانت حاطة يدها تحت راسها وتطالع فيها بخوف،،،جميلة تعصر راسها تحاول تتذكر الي صار ،،وفجئه صرخت بنهيار وقالت حنان نجوى مـ ـ ـاتـ ــ ـت،،،هنا البنات فطسوا ضحك،،، وقالت أسيل بنت خالتها وهي تمسك كتف نجوى من ورى شوفي هذه نجوى قدامك ،،،جميلة رفعت راسها عن يد حنان ورفعت حواجبها بستغراب وقالت كيف ؟مافهمت كيف نجوى والجثة و...،،،
قاطعتها حنان وهي تضحك هذا مقلب حبينا نعمله فيك والاصوات كلها حقيقة الي سمعتيها انا ونجوى وبنات خالتك كنا طفشانين وحبينا نتسلى،،، ومن بين ضحكات البنات قامت جميلة وهي زعلانة كثير منهم متجهة لباب المخزن تبي تطلع منه هنا وقفتها زهور وقالت جميلة لاتقلبيها زعل والله كنا نمزح معاك حبينا نفاجئك ان المرة هذه جينا لكم ونعرفك تتمني نجيكم ونعرفك بعد خوافة ،،هنا جميلة رجعت لهم بس باين من شكلها معصبة على الآخر ولا كأنهم سوو شئ الموضوع عندهم عادي وهذا الي عصبها زيادة ،،، قالت وهي حدها معصبة اللحين لو مت انا كنتم بترتاحوا الموضوع عندكم بسيط ومستهينين بالموضوع لذي الدرجة تعرفوا قد ايش انا اخاف ومع هذا عملتم هالمقلب فيني
ماتعرفوا ان الي عملتوه حكمه شرعا ايش؟؟جاوبوا انطقوا بس فالحين تخططوا وتضحكوا بس على حساب من على حسابي أنا،،،وهي تاشر على نفسها ،، هنا البنات التزمو الصمت ولا قدرت أي وحدة فيهم تتجرأ وتنطق بربع كلمة ،،،كملت جميلة وقالت هذا اسمه ترويع المسلم وحكمه محرم شرعا والدليل قال رسول الله -صلى الله عليه وسلم-
(لا يحل لمسلم أن يروع مسلماً. )
انتم عارفين اني بسببكم كان ممكن أموت من الخوف إنتم مستهينين لهذه الدرجة،،،نزلوا البنات راسهم في الارض خجل ،،حنان قالت سامحينا ياجميلة ابد ماكان قصدنا كذا كنا حابين نشوف ردة فعلك ومنه ننبسط ونفاجئك ان بنات خالتي عندنا وهذا مخططين له من اسبوووع ،،،جميلة قالت معذورين بس انا عرفتكم الحكم الشرعي وبعد ماشاء الله كذا الي يفاجئ ولا مخططين من اسبوع ماشاء الله عليكم ،،صفقت لهم بكل قهرر من تصرفهم الي بالنسبة لها تصرف غبي ،،،نجوى تذكرت الرسمة وجابتها وقالت وهي تضحك
أبوي طلبت منه يرسم هذه واستنكر طلبي كثير بس ترجيته قلت له ابي افوز بالتحدي يبه ترضى اخسر بالتحدي تحديت صحباتي بهذه الرسمة وابي اوريهم هيا ووافق ورسمها لي ،،،جميلة حطت يدها على خصرها وقالت بضيق لا وبعد فنانة بالكذب يعني مو كفاية ترويع مسلم زيادة عليها انت وهيا ،،،وهي تاشر بأصبعها على نجوى وحنان،، تكذبووا ،،،حنان قالت هذه فكرتها ،،وهي تاشر على نجوى،،،نجوى رفعت حاجب وقالت مو كانك وافقتيني وخططتي معي،،،أسيل تسكتهم قالت خلاص يابنات غلطة وتعلمنا منها كل بني آدم خطاء بس لاتنسوا انه مو في كل مرة تسلم الجرة خلونا نطلع اللحين نسوي لنا آكل حدي جوعانة ،،،جميلة اخيرا ابتسمت وقالت وانا بعد بموت من الجووع ومن بعد جو الرعب زاد جوعي خلونا نطلع ناكل اندومي يمي يمي ،،،كل البنات ضحكوا على جميلة يعرفوها لاجاعت ماتقدر تتحمل،،، وهم خارجين من المخزن سمعوا صوت،،،هذه المرة مايتهيأ لهم كلهم يسمعوا الصوت نفسه ،،،التفتوا البنات لورى يبوا يشوفوا مصدر الصوت شافوا في حركة ورا اللوح وبصوت واحد صرخوا يمممممممممه،،،حاولوا يسرعوا بخطواتهم من الخوف وتوقفوا للحظة لما حسوا بحركة قريبة منهم وقرب منهم أكثر ،،،،التفتت نجوى لورى بعد ماسمت بالله وماقدرت تمسك نفسها من الضحك لما اكتشفت ان الي اصدر هالصوت وارعبهم مجرد فار صغير مما خلا البنات تلتفت وتشوف ايش يضحك نجوى وشاركوها بالضحك ،،والبنات مادرو ان الفار هذا كان شريك معهم ،،، كملوا طريقهم بعد ماسكروا المخزن متجهين للمبنى وكل وحدة فيهم تدندن والابتسامة شاقة الحلق
،،،،،،،،،،،،،،،،،،،،،،،،،،،،،،،
الـــنــهـــــاية
