بلغ حبيبك و قله : باخذك منه
بلغ حبيبك و قله : باخذك منه
و شلون مدري نطقها القلب يالغالي
احيان قلبي جريء و يختلف ظنه
يسوي اشياء ما تطري على بالي
الله يسامح جماله و يغفر عنه
و شلون تل الخفوق و زاد غربالي
اخفي ملامح جنون القلب و اكنه
مير البلا بالقصايد يفضح احوالي
ياليت الاقدار يا مشعل ما جابنه
القلب مرتاح ، وانا داله و سالي
من اول البيض قلبي ما يتلنه
و من يوم صادفت زوله ماني بخالي
وجهه لحاله دمار ولا ضحك سنه
يا قبلة الله عليه و يا بري حالي
الوجه من زود نوره و الحلا كنه
الشمس لا طلت و عاكسني ظلالي
بعده عذابي و قربه للوصل جنه
لا يقطع وصاله ولا اقطع وصالي
الله يسامح جماله و يغفر عنه
و شلون تل الخفوق و زاد غربالي
http://24.media.tumblr.com/tumblr_lt...7wumo1_500.gif
