لاتنصـدم لا قلـت انـا اليـوم مابيـك
القلب عافـك وانتهـى اليـوم دورك
عفتك وعفت اللـي يحبـك ويغليـك
وعفت العطور اللي تشابـه عطـورك
مرتاح انا بليـاك لا صـرت ناسيـك
وخل الهموم اللـي نستنـي تـزورك
سبعه شهور اللـي مضتلـي تباريـك
تستقبلك باول شهـر مـن شهـورك
كنت اتباهى فيـك واتبـع خطاويـك
وكنت الامير وشورنا تحت شـورك
كنت الغلا دايم علـى البـال طاريـك
كنت الهوى واحلى هوى في حضورك
كنت السماء عالي ولا احـدن يوطيـك
والكل تحتك ما وصـل حـد سـورك
كنت الغرام وكنـت غالـي ونفديـك
ونفس الشعوراللي احسـه شعـورك
حتى القمر لا غـاب شفتـه يناديـك
تقعد مكانـه ويجهـر الكون نـورك
اعميتنـي بحبـك عسـا الله يعميـك
ورميتني يـا زيـن بأعمـق بحـورك
والحمـدلله انكشـف كـل خافـيـك
ماتت غصونك واكشفتلـي جـذورك
يالله توكـل لا تجينـي ولا اجـيـك
يالله حبيبـي قـوم رتـب امــورك
ولا تنصدم لا قلت انا اليـوم ناسيك
القلب عافـك وانتهـى اليـوم دورك
