نـــامــــي بـــــعـــيــنــي

نامي بعيني كان ودك تنامين
بلحفك رمشي بلطف وليانه
لكن طلبتك قبل ماتغمض العين
قولي لقلبك لا يشح بحنانه
انا عشقت الحب عشق المجانين
ونذرت نفسي للحبيب وزمانه
امنت بان القلب ما يعشق اثنين
وامنت بان الروح تهدا عشانه
انا لقيت القرب روض وبساتين
وذقت السعاده والهنا في جنانه
وعرفت نار البعد مثل البراكين
وايقنت ان الموت لحظة خيانه
اثر الهوا خارج نطاق القوانين
مايعترف باعراف والا ديانه
ماضي مجرب مايبيله براهين
ومن لا اعتبر ذاق بزمانه هوانه
واليوم جيتك من عنا البعد والبين
ابشرح الخافي وابطلق عنانه
بقولك عن سر خافي من سنين
عجزت اخفي لوعته في مكانه
المشكله ماهي قضية لبنان وفلسطين
المشكله اني احب ( بأمانه )

ذائقتك جميلة جدا
تسلم هجرس وربي يعطيك العافية..

سلمت يمناك اخوي
انتقاء جميل وتواجد اجمل
دمت في حفظ الرحمن ورعايته