كنتي أول قلب ناضج .. وصرتي آخر قلب نيّ
أذكر أنك كنتي من مده طويله:
مغريه .. صلبه .. ذكيه .. مستحيله..!!
وأضعف الايمان عندك..
لو لعب (قلبك) بـ (ذيله)..
صبحه ينيّل بـ (نيله)..
وليله بـ (ستين نيله)..
أذكر أنك كنتي من مده طويله:
جامحه .. صعبه .. قويه..
.. كيف اصبحتي هزيله؟!..
من كسر شوكة غرورك؟!..
من نتف ريشة حضورك؟!..
من رسم فوق انحناءاتك جميع أقواسه..
وبللّك بـ (فحيح) أنفاسه؟!..
يا كثيرة وفائضه عن حدّك..
كيف اصبحتي قليله؟!..
كنت أراقب عنفوانك..
يجلد الناس بـ (وقاره) ..
تاره يثرثر بـ (طيشك)..
وبـ (هدوئك) ألف تاره ..
كنتي أنثى .. كنتي أنثى
لين خانتْك العباره..!!
لين جهلك استبد..
واستمد مْن (الغبا) تكوينه..
ولين ذلّك استرد..
من بياضك دينه..
يا سجينه .. يا سجينه
وسط زنزانة ندْمك..
انجرافك..... نحو نشوه زائله..
فـ (آخر) الرغبه هزْمك..
وصرتي لقمه سائغه..
لـ (القلوب) الزائغه..
و لـ (البكاء) المُر من سطوة المْك...
ليه لنتي..؟
واستهنتي بـ (المبادئ).. لين هنتي..
و من على عرشك نزلتي..؟
يا أنيقه..
يا رقيقه..
يا عميقه..
ليه شوّهتي الحقيقه..؟
بـ (إندفاعك)..
بـ (التوغل) في ضياعك..
بـ (إنكسار الطُهر) في لحظة وداعك...!!
شفتي وجه (الطُهر) في لحظة وداعك؟!
كان شاحب...
وبعد خطوه من يقينه..
صار ناحب...
وبعدك انتي..
صار ماله فـ ( إثم ) بعض هذا الظن صاحب...!!
ليه لنتي..؟
لين عرّتك الفضيحه سنتي، سنتي..
وانتي اللي من حمام القلب كنتي؟!
كيف اعيتك الوسيله..
حتى أصبحتي ذليله..؟
كيف....؟!
وانتي اشطر وحده كانت
تتقن التسويف..
يا اللي ذبحتي الستر..
لـ (أخس) وأتفه ضيف..
كنتي في حاجة عفن؟!..
أو كنتي في حاجة رغيف؟!..
أوكنتي في حاجة ثمن..
لـ (البهرجه) والزيف؟..
... واجابتك
اياً تكون اجابتك .. تأكدي:
كنتي أول قلب ناضج
وصرتي آخر قلب نيّ
وكنت أول جوع نافج
وصرت آخر جوع حيّ
ابتدينا بـ (نبض) رائج
وانتهينا بدون شيّ
حيلتك نطفة حوائج
تستر الظلما بـ (ضيّ)
وحيلتي نطفه يُخالج
فعلها: ارجوك عيّ
كان صمتي... صمت دارج
وكان صمتك... صمت غيّ
وكان صوتي ما يخارج
لا تمادى الحب فيّ
وكل ما قررت أعالج
هـ (الجنون) بـ (آه) كيّ
انفجرت بـ (رفض) هائج
وصرت أنا ما نيب ليّ
كنت متوتر ومائج
خايفٍ من كل (هي)
وسط سُم الخيط والج
بـ (اتجاه) أعباء (أيّ)
كنت تافه.. كنت ساذج..
