السلام عليكم
كل عام وانتم بخير
الليلة كان عندي عزومه...
وحبيت اشاركم فيها
بنزل الصوره وعقب اقولكم الاطباق بالتفصيل
[IMG]http://b.*******.net/p_156ycnk0.jpg[/IMG]
نبدا
الطبق الرئيسي
نسميه مفطح وهو زي ماتشوفون خروف كامل
طبعنا طابخته ...
نضيف الماء والبهارات الحب
القرنفل القرفه الليمون الاسود الهيل
والملح وبصل مفروم لللحم ..تقريبا ساعة وينضج
عقبه ناخذ مرق اللحم. ونصبه على الرز
ونضيف لرز بهارات صحيحه زي السابقه
وفلفل حار اخضر 3حبات
لما يستوي الرز نضيف له ماء الزعفران على طرف منه
ونقلبه عشان يصير حبه بيضاءوحبه صفراء
نجهز الحمسه الي توضع على وجه الرز
نسلق مكرونه طوال
نحمس بصل حلقات. ونضيف له الكبده مقطعه صغير
والبقدونس. والكركم وفلفل الاسود
نرتب الرز في الصينيه الي تشوفون ثم اللحم
ونرش الحمسه على الوجهه ونزينها بحلقات الليمون والطماطم
والخيار..
الاطباق الثانويه
الجريش والقرصان
وهذي اكله شعبيه عندنا
الجريش. هو قمح مجرووش
يطبخ باضافة اللبن او الحليب اليه
وبصل مفروم يحمس،مع سمن وكمون
ويطبخ حوالي 3ساعات..
حتى ينظج. وطعمه لذيذ
نضعه في،طبق. بجانب القرصان ونضيف له حمسة بصل. بالليمون الاسود والقرفه والفلفل مع السمن البري
القرصان رقايق بر محمسه
نسوي،لها مرق خضار فاصوليا لوبيا قرع بطاطس
ثم نرش،القرصان فيها
حتى تتشربها
ونضعها بجانب الجريش مثل ماتشوفون بالصوره
الطبق الثالث
ايدام خضار مشكل معروف للجميع
السلطة
سلطة خضراء
مكوناتها
بقدونس
خس،
طماطم
جزر
خيار
وتزين بقطع الليمون
بجانبها متبل تباشير
هو عباره عن
4زبادي
ملعقتين كبيره طحينه سايلة
3ملاعق..صلصة الرانش
وعلبة ذره صفراء
نخلط المكونات مع بعض
ونضيفه بجنب السلطه الخضار
ونزين الوجهه بالزيت زيتون وقليل من الزعتر
الحلو
جلي،فراوله
مزين بقطعة موز
وكريم كرمل
مزين بشكولاتة الفليك
وبالغافيه عليكم
