العمر وقفــات

العمر وقفــات والدنيا دروس وعبر

والعاقل الي عرف الايام وحمولها

ردات الافعال للفاطن ترد الخبر

شوف تجربه عمري فادتني وبفصولها

ان زل غالي للغالي مكان وقدر

وان غاب صاحب فله عذرين ويقولها

والثالثه ثابته معاد نقبل عذر

سلم على الي لا قال الحاجه يطولها

ان جاملوك القراب خلهم واعتبر

وان اكرموك الكرام بعز مرسولها

ما رح تعرف خويك غير بعد السفر

وما كل ما يحتمل للصعبه ينولها

ان فادك الطيب ولا ما الك الا الصبر

انصا وجيه الحشام وجنب حمولها

حنا بشر بس دام الله خلقنا بشر

ما فيه نفسن ما هي تخطي ويبدو لها

الحمد لله والشكر بيبان رحمته مفتوحه على طولها

والي يخاف الهزيمه ما يجيب النصر

غامر على الكايده حتى تجي حولهـا

ومعرفت الاجواد كنز وكنز طول الدهر

والناس جنسين كلن عارفن زولها

يا طيبن طاب فعله لين قد له ذكر

ولا ردين مع الرديان وذيولها

والي يسمى صقر ما هو بلازم صقر

احيانا الاسماء تأتي عكس مدلولها

اربح رفيع المعرفه وانتبه لا تخسر

من قال انا الي لها لا قيل من هو لهااا

وعشان تسلم من الزله وحكي البشر

ثمن حجم كل كلمه قبل لا تقولها

من جادل الجاهلين يضيع له في بحر

لا تخاطب الناس الا بمستوى عقولها

ثنتين خذها معك يا من يهمه الامر

وصا عليها الحكيم لطيب فعولها

لا تمدح العود لين ينحط فوق الجمر

ولا تمدح الناس حتى تظهر فعولهـاااااااااا

سلمت يمناك اخوي
انتقاء جميل وتواجد اجمل
دمت في حفظ الرحمن ورعايته

ياسلام عليك مبدعنا ابيات والاروع يعطيك الف عافيه ياذوووق

.
.


أخي / هجرس ..
كلماآتٌ جميلة ، ذوقٌ راآقي !
اسعدكـ الرحمن !

قصيده جميله
كل الشكر على الأنتقاء
يعطيك الله العافيه :)'

قصيده جميله .... يعطيك الله العافيه