سلي سيوف الشوق كلي ميادين
من وين ماودك يالغلا اطعنيني
إن كان دم العشق يامنوتي دين
فدوه لوحتى بعد تقتلينــــــــي
تعبت أدورك مع الناس عامين
تعبت أردد للمخاليق وينــــي
عيني تذرف دمعها في غيابين
غيبة الحظ وغيبتك وسط عيني
عجزت أفرح فرحتي باللقاء وين
صاب الورق من إشتياقي جبيني
من فرحتي بك يالغلا الين هاالحين
وأنا أشوفك حلم بينك وبينـــــــي
أهلا هلابك عد ماهلت العيــــــــن
وأكثر من اللوعات حزة ونيني
وأكثر من إمحارب رقادي وجفنين
وأكثر من أطيافك بعد مع حنيني
ياغايبه عقب البطى بس تكفين
دامك عرفتي عيشتي من دفيني
لاعاد ياحبي عن القلب تبطين
نبضه يردد في غيابك ظنيني
أبيك من ودك تودين قلبين
ونا على ودك مثل ماتبيني
سلي سيوف الحب كلي ميادين
ومن وين ماودك يالغلا اذبحيني
