بركــــــــــــــــــــــــاآآن الغـــــــــــــــــــلآ
يفوح بركان الغلا والصدر فاح
ويضيق من ليل الجفا كون فسيح
يا معود عيني على قل المراح
ويميل غصنك ويتعلق به جريح
وش فيك تاخذني على ريش وجناح
شلون أطيح فراق و أنا ما أطيح
طاح الضيا على جبينك واستراح
والليل من بين الجدايل مستريح
يعني جمعت الليل بأنفاس الصباح
حتى تجسد فيك معناه المليح
الفرحة إلي كنها طعم النجاح
والمده الي تجرح الكف الشحيح
مفاتنك سحر لكن سحر مباح
عليك أسمي منهل الوجه القبيح
يا أعذب من الماء في مصبه يوم ساح
يوم استبحت القلب وش له تستبيح
اجتحتني واتقنت فن الاجتياح
واتعبتني وانا سدودي ما تبيح
متعود تترك على قلبي جراح
ذباح روح وتمشي بدم الجريح
أشوفك بعين الغلا والإرتياح
و أنسى الطعون إلي أنا فيني فحيح
أستوعب أخطائك وأطالبك السماح
ويطغى على كيل الهجاء كيل المديح
لا لاح براقك وبرق الشعر لاح
أصرخ من الأعماق و أقول الصحيح
إنك مليح وتعتبر سيد الملاح
تستقبلك أفواه ويضيع المديح
تستقبلك أفواه ويضيع المديح
تستقبلك أفواه ويضيع المديح
