البعد غربه شمسها مالها ضي .. وصوته مراسيل الوفاء بين الأحباب

آخر دوى فالطب لا شك بالكي
..............إن كان مافادت عقاقير وأعشاب

وأول علاج الحب إحساسه الحي
..............تنقذه من شلفى عذول ٍ وكذاب

وانا جذبني صوت من مسكنه في
..............إللي غرامه سكر ٍ بالشفى ذاب

حبه طفل أضحى يتمتم إغغ غي
..............ومشاعري تضحك حوالينه قراب

مديت يدي ثم مد إصبعه لي
..............ويوم ٍحضنته فاحت زهور وأطياب

صفحة غرامه شامخه مالها طي
..............سطرين منها عادلت محتوى كتاب

وأرض الغلا تحتاج من غيمته مي
..............متى يحس بقلب عاشقه قد شاب

واليوم من بعده هموم الملآ بي
..............وقلبي من أسبابه غدى حيل منصاب

البعد غربه شمسها مالها ضي
..............وصوته مراسيل الوفاء بين الأحباب

من غيرتي سجيت ثم جاتني هي
..............فكره تريّح بال وتهدّي أعصاب

دامه حبيبي ليه مايرحم شوي
..............وأخفيه عن هالناس من بين الأهداب

راااائع وذوق راقي أخيه
يسلموووو

انتقاء عذب مجنونك
يعطيك الله العافيه وكلك ذوق

" نص يستحق النجوم الخمس "

نص جميل...
ربي يسعدكك ..

هلا فيك مجنونك ..
دمتي نبراسا للتذوق والاختيار الراقي
الف شكر لجهدك واختيارك وتفاعلك الجميل
طابت صباحاتك ..

.
.


غاليتي / مجنونك ..
كلماآتٌ جداً جميلة ، ذوقٌ راآقي !
أسعدكـ الرحمن !

قصيده جميله
كل الشكر ع الأنتقاء
يعطيك الله العافيه :)'