مــًثلْ صحــرآءْ أنتظٍـرْ ’ طقْ ي مططــرْ طقْ ي مططــرْ
مدخل ...
فارقت كل الناس من أجل عينك . . .
حتى مع قلبي ~ عشانك تفارقت !
والحين ويني عن حياتك ووينك ؟
فارقتني وماهمّك إني تضايقت .
{ ودّعتني } يا جعل ربّي يعينك |
ومع المشاكل في فراقك تعانقت . .
ما رِجَع ؟ سألوا عليه يمكن إنه فيه شي .
غيبته عنّي { غريبه } روحوا جيبوا لي الخبر :
والله ماهي عادته أيّام ما يسأل علي !
حجة الغايب معاه . . بس . . مافيني صبر .
لا تخبّون الحقيقه |
وماحصل ؟
- قولوه لي .
ولا تقولوا لي : نسى أو لهى ،
ماهو عذر !
أكذِب إن قلت الليالي في غيابه : هي / هي
ويَصْدِق إن قال المفارق راح يسبّب لي : قهر
قلبي حيل إشتاق له وحبي له ماهو [ شوي ] :
مثل صحرا أنتظر . . طق يامطر | طق يامطر .
في وداعه ، كنت أمسك راحتي براحة إيدي
لين شفته بعيد عنّي .. كنّي ماسك لي : جمر !
ظلمه هالدنيا بدونه مابها نورٍ و { ضي } .
ليش سافر عن عيوني ؟ يعني وشفيه السفر !
من غيابه . .
راح عمري !
{ حي } لكن ~ ماني حي .
يا تجيبونه ،
يا إمّا :
روحوا جيبوا لي عُمُر .
الشعر : أفضل وسيله توصِف إللي صار بي . .
وإلا أنا ماكنت أصلًا فاضي وحول الشعر !
مخرج ...
لا تسولف لي عن { جْروح الليالي } . .
وإنتْ قلبي .. ياما داواك ، وخدعته !
إيه أنا صابر .. لأنك : حيل غالي ،
ولو أحد ثاني مكانك ؟ - كان بعته
