يا شام شوقي زاد لترابك
يا ريت بعرف أوصف الأشواق
إن قلت ريحة فل ع تيابك
بتعتب علي ريحة الدراق
والياسمين مكلل بوابك
والزنبق هدية قلب مشتاق
بكتب قصيدة حب لترابك
بيبكي القلم..وبتنحني الوراق
مات قلبي مات عغيابك
لو تعرفي قسوة وجع الفراق
شو بيعرفو عنك يا أرض الخير
حبو شجارك..بوسو ترابك؟
شافو سماكي مطرزة بالطير؟
لمو شي مرة الفل ع هدابك؟
عرفو بإنو الدين عندك خير؟
وكل البشر أهلك واصحابك؟
سمعو القصايد فيك عم تصير
نسمة هوا تصلي بمحرابك؟
يا شام شو ماقلت فيك صغير
ضلي بقلبي.. بيوجع غيابك
* لبنى ياسين .
