ترى يكذبون للشاعر المبدع سعد علوش
قالوا لك الورد مايجرح.. ترى يكذبون
الورد سكين لامن جاك قبل الوداع
قالوا لك الطيب ماينفع.. ترى يكذبون
الطيب ينفع ..اذا ما كنت راجي انتفاع
قالوا لك الخوف ينجي .. قل لهم تكذبون
ياكم مات الجبان .. وكم عاش الشجاع
قالوا لك الضيق ضيق القبر .. قل تكذبون
ياكم قبور على أهلها كبار ووساع
قالوا لك العزله تقسي .. ترى يكذبون
العزله تعلمك وش قيمة الاجتماع
قالوا لك الناس غدارين .. قل تكذبون
بس الردي من ردى وجهه لبس له قناع
قالوا لك النور نور الشمس .. قل تكذبون
النور نور القلوب اللي بليا شعاع
قالوا لك اليأس قاتل .. قل تكذبون
اليأس أول امل .. فـ آخر محطة ضياع
قالوا لك ان النزول يعيب.. قل تكذبون
المسلم إليا سجد لـ الله بدا الارتفاع
مما راق لى واتمناه يروق لكم
https://encrypted-tbn1.gstatic.com/i...W9GGHpNFTTh7vo
