ملف مرفق 15617
إن كان تنشدني .. عن الحال ياحال
أرجوك لاتنشد .. ترى الحال مدمور
كلي عذاب وحزن .. مع ضيقة البال
وأضحك وأنا في داخلي قلب مقهور
وأصبحت ضايع .. والسبب حزن قتال
قلبي محطم .. خاطري حيل مكسور
وين السعاده .. دام الأحزان موال
صرت أتمنى لو يجي يوم مسرور
مجبور أجامل والشقى داخلي .. طال
ساكت على ظلم المحبين مجبور
وصابر مع إن الدمع بالخد همال
مالي غنى عن عيشة الهم و الجور
غصب علي الحزن في كل الاحوال
والهم مرسوم على الوجه منثور
معذور أمسح .. مارسمته من امال
وياللي تقول بعالي الصوت .. دكتور
صحيح انا دكتور في .. هم الاجيال
لوحدي أعيش بعالم الحزن مهجور
عايش حزين .. بوحدة ماله أمثال
وأشوف صف الحزن بالعين طابور
تعبت من دنيا .. بها الحزن يختال
ضحكة زماني .. ودعتني ومعذور
ولا عاد تنشد ليه .. انا ضايق البال
أرجوك تسكت .. دام أنا حيل مدمور
