وش خانت الدنيا مه الوقت تغيير
الله من قلبـن همومـه مغاويـر= شنت على قلب المشقـى دبيلـه
تفعل بقلبي مثل مايفعـل الزيـر= الزيـر لا لاقـا اخـوان الجليلـه
ياليت لوعندي جناحيـن واطيـر= وانسى همومن مثل جمر المليلـه
أو ليت مالي عن غثا الناس تفكير= راع العقل ضاقت عليه الوسيلـه
ياجاهلن بالكون هنيـت بالخيـر= لا واهنيـك ماتجيـك الغليـلـه
حنا نتحـرى بالحيـاة التباشيـر= وأنته مبشـر بالجنـان الضليلـه
وش خانت الدنيا مع الوقت تغيير= دايم لها مـع دورة اليـوم ميلـه
رد الجمايل صار في وقتنا غيـر= صار الجفا والجحـد رد الجميلـه
بعض العرب تسواه بيض الغنادير= وبعض العرب يسوى لحاله قبيله
ماينفعك عند العفـون المعاذيـر= ولا الرجل يدمح ولو هـي ثقيلـه
ولاترتجي من ناقص الجود تقدير= موتك ولا رجوى النفوس البخيله
لاضاقت انحر حاقريـن الدنانيـر= كبار الصحون أهل اليدين الطويله
لاجيتهم تلقـى الـدلال المباهيـر= من ريحها تبرى النفوس العليلـه
سواة شيخـن لالفـوه المساييـر= يشوف جـزلات الذبايـح هزيلـه
محمد ولد زايد زبون المقاصيـر= فكاك عسـرات العقـود المحيلـه
دايم يزود ولا يجي منه تقصيـر= مضرب مثل لاهل الفعول النبيلـه
اللي وقف للشعر من دون تآخيـر= بغى يموت وقـام لـه محتميلـه
مشكور يامحمد عدد ماشدى طير= وعـداد ماحـن الخليـل لخليلـه
ولا بارك الله في جميع الشواعير= ان مااشكروا وقفاتك المستحيلـه
