اللّهم ارزقني خيرَ الأيّام القادمة ، واكتب لي نصيباً يُسعد قلبي ، و حقّق لي ما أتمنّى، و أرح بالي و يسّر لي أمري
عرض للطباعة
اللّهم ارزقني خيرَ الأيّام القادمة ، واكتب لي نصيباً يُسعد قلبي ، و حقّق لي ما أتمنّى، و أرح بالي و يسّر لي أمري
اللهُم إني استودعتك مُستقبلًا لا أعلم خفاياه ولكني أعلم أنك خير مدبر
لن يحمّلك الله ما لاتطيقه،
لذلك أنت دائما تستطيع...
كثير اوقات
تتضايق فيها
وتزعل ..
تحاول قد ما تقدر
انك تتناسى حزنك
وضيقك
تشغل نفسك بأي شي بالنهار
بس اول ما يبدأ الليل
تختنق مع حزنك
وجعك يزيد
تحس انفاسك تضيق
وفجأه تنقطع
تنزل بعدها دمعة يتيمه
ع خدك
ما تلاقي احد يمسحها لك
يثقل جفن عينك
وينزل بعدها سيل دموع
تتشربه وسادتك
وسادة مليانه هموم
وسادة تشاركك همك
لما تكون تعبان
وتنام مرتاح بعد التعب
مالك بارض تقوم لاي سبب
حتى لو كانت نومتك غلط
والنتيجه تصحى
تمشي ع اتجاه واحد من الم رقبتك
ههه
اليوم في مزاج جيد
الحمدلله نعمه ..
https://up.omaniaa.co/do.php?img=6693
من الارشيف
https://up.omaniaa.co/do.php?img=6764
ذكريات الزمن الاغبر
ههههههههههه
اللي يشوف كلمة التجميل يقول هنا الدنيا
ما يعرف انها عيادة اي كلام
ولكن الحمدلله ع كل حال
متعبه قليلا ..
https://up.omaniaa.co/do.php?img=6875
اكثر شي يغيضني ..
https://up.omaniaa.co/do.php?img=6877
اجمل ما وصلني
كلن ونيته
ولك اجر نيتها
جعلها الله في ميزان حسناتك ..
صباح الخير ..
https://youtu.be/TdVEOBJ_Ra4
الام شي عظيم
لو تعطيها عيونك يبقى قليل بحقها ..
لو الاعمار تعطى لكانت الامهات هن المعمرات ف الارض
انا من صغري ما اتذكر اني انضربت من ابوي ولا مره.
امي كانت دايما تقول انتو مدلعين ما مثل اخوانكم الكبار اللي شبعو من الضرب
احيانا كنت احسها تتضايق من افعالنا وتصرفاتنا
ف تضربنا
وكانت كل ما تضربني اقولها انتي ما تحبيني
وطبعا مش الضرب المبرح كان ضربه ع الماشي
كبرنا وخلصت ثانوية
ونحن ع نفس حالنا كل يوم مناقر وضرابه
كانت دايما لما تطلع وترجع تحصل صاير حرب
تقول محد غيرك انتي يضارب هههه
وكنت ازعل واقولها نفس العباره
انتي ما تحبيني
لين بيوم كنا بنروح مزرعه
وشاء القدر ان يتحول المشوار من المزرعه لمستشفى خوله
طبعا صار لي حادث بذاك اليوم
واتصلو بالكل وقالو لهم تكنسلت الطلعه حتى اشعار اخر ..
امي طبعا ع اعصابها
قالو لها حادث بسيط واني بالمركز عشان اجراءات الحادث وتخطيط وغيره
وانا كنت باالطواري من س 2 لحد 5
وف ذيك اللحظات تقررت عمليتي وراح تكون بعد ساعه ينتظرو دكتور التخدير بس
ف اخوي قال لازم نخبر امي
اتصل فيها
وجات تصيح
لليوم اذكر كيف داخله تصيح
انا اللي دوم اقول لها انتي ما تحبيني
واشوفها بهذيك الحاله
قد ايش كنت قاسيه
قد ايش كنت بلا احساس
تقولهم لو صار لبنتي شي ما اسامحكم كيف تقولو انها ف المركز و بنتي بتدخل عمليات بعد شوي
وجعني قلبي عليها
اكثر من الوجع اللي كنت احس فيه وقتها ..
وما انسى لما تنومت ف المستشفى يومين امي واقفه ع راسي
من الم ركبها كانت ما تقدر تطول وتجلس فترات طويله ع الكرسي
كانت تجلس ع الارضيه
ع البلاط البارد
عشان تكون قريب مني ..
شفت امي وهي واصله لمرحله الانهيار
لاني انا كنت اتوجع وهي ما بيدها شي
ما قدرت توقف ع رجلها نفذت كل قوتها
وبأخر حادث صار لنا قبل كم شهر نفس الشي
دخلت لها اقولها انا بخير كانت فيني رضوض بس لكن امي تحضني وتبكي
والله بكيت من شفتها تبكي
تعور الفواد غصب عنك تبكي
الام جنه
لو ابوس رجلها ليل نهار ما اوفيها حقها ..
https://up.omaniaa.co/do.php?img=7009
امس ابوي منازع كل حد ف البيت
انا واخواني واختي
ع ايش يا ترى؟!
ع نظافة السيارات
يقول كل واحد سيارته اوسخ من سيارة الثاني
كل الاعذار ما شفعن لنا
ف الاخير الكل قرر ينظف سيارته
وطبعا انا حصلته عذر عشان اطلع اباها من الله
طلعنا انا واختي وبدل المغسله وصلنا العذيبه شربنا عصير ونظفنا السياره
اول ما نوصل البيت بعدني ما مسكره السياره
تجي اختي وتسال انتن وين رحتن وليش تأخرتن
اشوف ع السيارة هالعلامه ظاهره ما انتبهت لها قبل
https://up.omaniaa.co/do.php?img=7063
لانه اساسا اختي كانت تسوق ونحن راجعيين
اشيك ع التواير اشوف الخلفي واصل 16
نزلت اشوف احد ينقذني و رجعت لها
شفته واصل 9
طبعا ف الاخير مات الله يرحمه
https://up.omaniaa.co/do.php?img=7065
يقولي انتي شكلك دايسه مسمار وخاطفه وواجد ضغطي عليه ولازم تغيريه
عادي عادي متعودين اصلا لما تبدي تدفع لازم تدفع وتكمل دفع هههه
امس منتهيه ومجدده وما كفاها لازم ندفع اكثر
ترضي غرورها
ف الاخير قلت لاختي كله منك انتي مقورفه من عند الباب استلمتينا
عموما شكرا للمنقذ محمد جزاك الله الف خير ..
https://up.omaniaa.co/do.php?img=7069
عيديتي طبعا
لين اكبر
واعجز
بعدني اشارك الصغيرين بالعيديه
حتى100 بيسه ما اردها
تنفع للبارد
https://up.omaniaa.co/do.php?img=7078
ف هالدنيا
تصادف انواع كثيره من البشر
فيه نوع يكون معك طيب
ع تواصل دائم معك
وفجأه يحطك ع الهامش
لانك تطلب تواصله في وقت هو ما محتاج لك ..
مش من أولوياته
الدنيا كلها تجي قبلك
واخر شي انت ..
والمضحك ف الموضوع
انك لما تسأل عنهم
الجواب بسيط
نحن موجودين وينك انت مختفي ..!
ايش نسمي هاالبشر..؟!
حمام زيت من فاتيكا ولا اروع
اللي ما يجربه خصرران سراحه
عن تجربه
بعد غسيل الشعر حطي من حمام الزيت ع الشعر
يترك ع الشعر مدة ربع ساعه او 10دقايق
وممكن تغطي الشعر بمنشفه دافيه او يترك مفتوح عادي
بعدها غسلي شعرك بالماي من ينشف الشعر تحسي باحساس الصالون هههه
وهذاك الملمس الناعم
انا صراحه تركته فتره والحين رجعت له
استخدمه مرتين بالاسبوع
https://up.omaniaa.co/do.php?img=7075
طبعا فاتيكا اللي حاطه له قلب بالصوره
وبس كيذا
استراحة محارب ..
حمقاء ..!
ارغب الاعتراف ب اشياء بداخلي هههه
ما اقدر اخبي اكثر
احس بنفجر بأي لحظه..
https://up.omaniaa.co/do.php?img=7428
احسن من واجد ناس ..
https://up.omaniaa.co/do.php?img=7525
والطعم من جد من جد جوووونان
يعافيك يارباقتباس:
المشاركة الأصلية كتبت بواسطة غيمة ،
هههههه سوي نفس وصفته وضيفي لها لمستك الخاصه بتضبط
لازم يكون فيه مكون سري
انا واختي دايم نجرب وصفاته ونسوي تحدي
واخواني الحكم مال من احلى:143:
كلنا كذااقتباس:
المشاركة الأصلية كتبت بواسطة غيمة ،
مع التجارب تكسبي خبره
وانتي ما شاء الله عليك عندك اراده وسهل تتعلمي الشي
ربنا يسعدك ويوفقك يا حلوه
مساء الجمال ..
المساء شفت خبر وفاة الطفله عائشة الهوتي
وجعني قلبي عليها
وعلى اهلها
الله يرحمها طير من طيور الجنة
موتها ذكرتي بوفاة شخصيين عزيزين ع قلبي
توفو بالسرطان بعد
كانو طهر ، طيبة قلب مش طبيعيه
مرضهم صار فجأه ووفاتهم صدمه
لليوم اتذكر لما توفى " .... "ودخلت ع امه وهو قدامها مغطينه بقماش ابيض
تحضني وتقولي ولدي راح
كنت داخله بكامل قوتي
عبارتها خلتني ابكي ما قدرت اتحمل
احسها كانها اللي تقولي كذبي الخبر وقولي انه ما توفى
كانت تنتظرني وكأني الامل الوحيد الباقي لها
اول ما انكشف القماش عشان تودعه قبل تغسيله
احس انهرت
وهي تبوسه ع جبينه
تحضنه ومش قادره تتركه متمسكه فيه بكامل قوتها
اقسى انواع الوداع
الوداع الابدي
وداع شخص عارف انه ما راح يرجع
بكيت وتحسفت لاني كنت عارفه قبل اسبوع من وفاته انه حالته صعبه ورغم كذا ما رحت ازوره المستشفى
احيانا الظروف تجبرك وغير انه وضعه الصحي كان حرج
هالشي وجعني اكثر
نفس المشهد اللي صار لي ف وفاة جدي
ما كنت مصدقه انه توفى لاني شايفته قبل ساعات من وفاته ف المستشفى وكان بصحه احسن من الايام اللي قبلها
لحقت عليه بأخر لحظه ، قبل لا يندفن ، شفته وودعته رجعت طفله بعمر صغير ادور اي احد يحتضني
يخفف ع النار اللي احسها تأكل قلبي
صحيح مع الايام يمكن ننشغل ويظل مجرد ذكرى بس ذكراهم تمر علينا بكل قسوة
كل ما تتذكرهم ترجع تبكي وكأنه توفى امس
الله يرحم جميع موتانا ..
لما تتعرف على اي شخص بهالحياة
لازم تحط لك معه الف حد
مهما يكون هالشخص بالنسبه لك
تعتبره صديق او اخ او غيره
عساه الشيطان الرجيم
لانه بعد فترة راح تلاحظ انه كل شخص بهالكون
يتعامل معك وفق مزاجه
لما يبا يمزح معك يمزح ولما انت تمزح معه ما راح يتقبل هالشي منك
لدرجه انه يسترخصك
وكأنك مسوي جريمه
بس طبعا انت ما يصير تقوله ولو كلمه
لانه فيه فرق بينك وبينه
انت من وهو من ..!
عالم غريب عجيب
طقوس قبل النوم تغيرت
صارت عبارة عن قطرة عين ..
الحمدلله ع كل حال ..
https://up.omaniaa.co/do.php?img=7611
اصنع لنفسك السعادة ..
اليوم مع قرار فتح الخياطيين
اقول لابوي الخياط بكره يفتح
قال ما يفتح افكر للسبت يفتح او لا
قلتله خياطك لو يقول لي يجهزهن بكره ما بروح له هههه
اصلا اول شي سويته من سمعت الخبر رسلت للخياط اللي متعوده اخيط معه قالي تعالي بكره وبخيط لك
عباره احجز لي ههههههههههه
ترى خياطنا كل سنه نفس السالفه تصير
يجي العيد وما مجهز الملابس
انبح صوتي وراح من كثر ما اصرخ عليه
ودايما يقول ما اريدها تجي يجي اي حد الا هي
واجد مشكل
لين قررت اني ما اخيط عنده وارتحت
ترى عنده او عند غيره ادفع فلوس ليش مذلته
الف خياط غيره