نبض الإحساس .. سجّل احساسك في هذه اللحظه

‏في نهار العيد لو غيرك معلمّ /
لا تناسى من وعدنا لا خليتك ،

لا انتهت خطبة صلاة العيد كلمّ /
خلك أول صوت يعايدني فديتك


حمد البريدي!

-


عجزت أدور لي أمل في ظروفك
لين إقتنعت إنك مثل حبّة الكوع
وإن قلت لك متى عيوني تشوفك ؟
قلت الوعد في ثامن أيام الأسبوع

-


الموادع ( مواجع ) ، والصبر منهجي
والمسافه ( حسافه ) والحزن يقتلك !
أدري إنك محال ، ومستحيل بـ تجي
بس ياخي شسوي والله اشتقت لك !

-

ياللي خذتك الظروف وغبت عن دارك
للعيد فرحه ماغيرك انت قاصرها
كل عام وانته بخير وعيدك مبارك
ياللي عليك العيون تهل ماطرها

#بدر_السعد

-


من وين ما اوجّه اشوفك مع الدرب ،
انت ( القديم ) الي يجدّد : جديدي !
مادمت انا وياك ( قلبين ) في قلب :
كل عام وانا بخير ... و يعود عيدي !

-


اقسى علي من فقد الارواح الارواح
اللي خذاها الموت ( وفارقتني )
ليت ( الدموع ) تمر وتطيح ورتاح
اهون علي من دمعةٍ خانقتني !

-

حبيبي من خذاك البعد ماعفتك /
بقى حبّك في قلبي كل يوم يزيد !
وحتى لو : صباح العيد ماشفتك /
انا كل يوم اشوفك فيه : صباح العيد ♡

-


لي ثلاث سنين ، والله العظيـم :
هاتفي ضمن الاسامي زايدك
كل عام اذكرْك لـو خطّك قديـم
ارسـل لـ نفس الرقم واعايـدك

-


ناسٍ خلقها الله .. تخلق مشاكل
وناسٍ خلقها .. الله تلقى لها حل
وناس .. بطعم الذل تشرب وتاكل
وناس تموت ولا رضت عيشة الذل

-

تجي فـ العيد ؟
نتلاقى وأشوفك من هنِا لـ بعيد
واقدم روح مشتاقه
لعينك والشعور يزيد
اخذها جد واسمعها:
تجيني او اجيب العيد؟

#فواز_السعيدي