نبض الإحساس .. سجّل احساسك في هذه اللحظه

تدري وش اللي تعتبرها مصيبه
إليا فقدت إنسان غالي وهو حي

وتدري وش اللي تعتبرها غريبه
إنك تضحي والمقابل ولا شي ♡

-


يخطون وأقول يمكني أنا المخطي ،
أحيانا : الناس تغفل عن خطاياها !
صحيح افقد كثير اشياء بس اعطي
ومع ذلك وجيههم ما تحترم ماها !

خبروه ، و فهموه ، و علموه
إن قلبي غير حبه / ماشرى

وإن بغى من دم شرياني عطوه
إن طراله وصل ، ولا ماطرى
....

-


ليت لي لا مرت الذكرىء ..جنااح
كاان لاامن غاب لي غالي ؟ أجيه
منت أكثر شخص أوجعنيء وراح
أنت اكثر شخصء ؟ يوجعني وأبيه

اشتاق للصبح يجمعنا بلا موعد
والحب تصحى لك بقلبي عصافيره
طفل وطفله .. بياض ارواحهم يصعد
حد السما .. لين ماتمطر من الغيره !

دنيتي من غـير حسكـ سـطـر خالـي مـن حروف ..
ينتهي الإحـساس فـيني كالجـسـد من غـيـر روح ..
لا تـظـن صـمتي غيـاب أو تجـاهـلـ أو ظـروف ..
أنت شي في حـياتـي ما يـتعـوض لـو يروح ..

-


متى ترجع تجيب العذر ، وآعذرك /
تعب قلبي ليا هب الحنين يْميل !
حبيبي والزمان اللي على : خبرك /
ترى ماهو على خبرك . . تغيّر حيل !

جيتك وقلبي دقته تسبق خطاي
جيتك اقول مفارقك ماقويته

جيتك وان ماني بأنا تايه الرأي
جيتك وانا مدري وشلي بغيته

انت الوحيد اللي يرد بسمة شفاي
وانت الوحيد اللي بروحي فديته

يازهور العشب في غب المطر
يوم علتها مراويح السحاب

وياشبيه الورد من بين الزهر
نظرتك تجلى عن النفس العذاب

ما تشوف العين مثلك في البشر
ياعديل الروح لا تطري الغياب

وغير زولك ماعلى بالي خطر
لو تروح بعيد طيفك ما يغاب

-


دمعة الحزن مرّه ماهي بـ تُستساغ
طعمها في شفاتي ما مسحتها يدي *
كلّ جرحٍ فصدري ما وُجد من فراغ !
*كل خيبه سببها ( ما حسبته ردي )