نبض الإحساس .. سجّل احساسك في هذه اللحظه

أسّود الصّمت الرّدي , شوّه ألوان الكلام
ــــــــ وإستحال البوح في ليلة البارح ألم ..!!

كلّ ما هزّيت غصن السماء , فاض الملام
ــــــــ وأغْرق الليل الطّويل الدّفاتر بالندم

آه من قوس الزّمن, كمْ رماني بالسّهام
ــــــــ فجّ صدري بالوجع ماترَك موطئ سهَم..!!

الصّباح إللي بنيته , تهاوى للهدام
ــــــــ وابْيض الأحلام يشْكي ,معاويل الهدَم

تحْت زخّات السّهر أنزف آمالي حطام
ــــــــ واشْعر إنّ الفرْح في عمريّ الذابل , عدَم

قلْت في نفسي أبَرْقى على حدّ الغمام
ــــــــ يغْسل الغيث المواجع , وينزاح الوهم

مابقى يمّه سوى صوت ضحْكات الظلام
ــــــــ وإبتسامة جرْح , عيّا يطيب ويلتئم

إيه ابسْكت واتْرك الصمت يتولّى الختام
ــــــــ وش يفيد البوح لاصاب هالدنيا صمم

ما به طريق ولا رفيق ، ولا ركوب ولا سفر
ودي اغادر وانصدم .. إني فقدت الأربعه !
ما باقيٍ غيري / على كثر الفيافي والبشر
تومي بي كفوف الشمل : في كف يمنى المقطعه
وأشيّل كتوفي الحمل .. وأعلّم جفوني السهر
وأملى خفوقي بالبكا .. لين الحنايا تدمعه
وامدّ شوفي واكسره !! وامد قلبي وأنكسر !
وأرجع على اللي لا نبض قلبي ، فقلبي اسمعه
اللي محى من خافقي / كل الاسامي والصور
كنه لمن قبله يقول : الله معه الله معه
كنه وقلبي فالهوى ، قبطان مركب في بحر
تنوخذه واستحوذه وابحر .. وفلّ الاشرعه
ويمّم على [ وجهة غياب ] ولا ترك خلفه عذر
حتى لو اعذاره " م " هي في كل مره مقنعه
دايم وهو / وافي جفا .. ولا الوصل فيما ندر
مع إن ما عنده سبب ؛ في وصل قلبي يمنعه
يا قسوته وأنا على [ قاع الرجاوي منهمر ]
أمني النفس ( بعسى .. دربٍ خذاه يرجّعه )
وأقول لأشيائه معي .. ما للغياب إلا الصبر
وإن خالفتني ، قلت : ما في قطع مثله منفعه
اللي قبل لا أعشقه .. وأنا على بيته أمر
وبالنبض اطلّع مدة الوقت / اللي لأجله بأقطعه
ومن بعد عشقه ما بقى .. شيٍ معي ما ينتظر
صوتٍ ينسينا دفاه ، الكون هذا .. بأجمعه
وشلون مع هذا الغلا والشوق والحب / المطر
أنساه ، وأجبر خافقي يجذب غلاه وينزعه
بأبقى أحبه وأعشقه .. لآخر دقيقه فالعمر
وفداه قلبي لو لقى من جور صده مصرعه !


لـ الشّاعر / محمّد السبيعي

أخاف امْن الثواني و المواني و الرّدى و البردْ
واخاف إن طحتِ من خوفي تِبدّل هالسّما إسمي

و اخاف امْن الذّنوب اللي تِعيث بـْ هالحنايا وَجدْ .................
و اخاف اتْزيد عثراتٍ يِضيق بْها صدِر عزمي

و اخاف تْنوح لي ذكرى و لا القى بي دموعِ الوردْ ...............
و اخاف اتْبيعِني ضحكة أريد أنسى بها همّي

و اخاف تْصافح ألحاني مراسيم الجفا و الفقدْ .....................
و دمعي يْصيح في عيني : أنا بالله شو جُرمي ؟!

ضاقت منافي وحدتي لين اشتكى منّي القصيدْ ................
يبغي ايْتنفّس فرحةٍ ضاعتْ مع أنفاسِ الوَرى

ياما زرعت الابتسامة في ثرى وجهٍ عنيدْ ....................
لكنْ حصدت الآهْ اللي ما تِنود لْيا انطرى :

حلم و أمل ، دمعة فرح ، قطرة مطر ، حزنٍ بِعيدْ ............
ضحكة سطِر ، نزفٍ عطِر ، شطرٍ من آلامه برا

يا ربّ أكرمني بـِ عفوك و انعتاق امْن الجَليدْ ...............
عجّل لِي ابـْ : [ رحلة إلى يثرب و الى أمّ القرى ]

منهو هرج بي . . في قفاي يولي
ناس على لحوم المخاليق جياع __
أنا علـــى العليا محلي محلي
وتركـت نقال الحكاوي على القاع”

السعادة شعور .....وقد تكون السعادة شخص

صباح الخير

مساء الخير

لو خذاك الحزن لدروب العتيم
لا تمل الصبر وتخاف الظروف

ابتسم ما دام لك رب كريم
واحتسب ما دام لك رب يشوف

تبغى ﺎلصراحہ يابعد كل من لي
وانت مععي ما همني غيبہ ﺎلكل

أنا عندي بهالدنيا قناعه
الم جرحي ولا أطلب شفاعه

ولا أشكي ودمعي عيب أهله
ترى الشكوى لغير الله مذله