ردي المتواضع على اهداء العمراني (حرف وشعر)
ياللعجب يوم (ن) قصدت الضامري
لانه جريح (ن) وش يفيد اللي جريح //
والصحاري ما تجود بماطري
حتى مطرها صوبها برق (ن) وريح//
والليالي ما تبوح لسامري
الا ظلام ليتني ابكي واصيح //
وانت يالعمران جنة ناظري
وانت خليلي ان بدا مني مديح //
لانك كريم (ن) للخواطر جابرِ
بيت القصيد وفي منابرها فصيح //
والشوق لا عدا حدود الصابرِ
معذور في صمته بسره ما يبيح //
ولا بديل بالمحبة عامرِ
والباب سده من هواهم واستريح //
هذا كلامي لا تخيب خاطري
لاني صديق واني في حبك نصيح.
تحياتي ناصر الضامري*
كلما اشوفه ..(مجاراه لابيات شذى المسك)
*اعجبتني كلمات للشاعرة شذا المسك .. وحبيت اجاري الفكرة
(ابدي سروري واخفي الهم والضيق
والناس ما تفهم خفايا جروحي
انا قوي قدام كل المخاليق
واضعف بشر لا صرت قدام روحي)
كلما اشوفه.....
كلما اشوفه أبتسم واخفي جروح (ن) دامية
واخفي دموع (ن) في عيوني والحكاوي والشجن
صمتي وبوحي والنوى بين الرياح العاتية
في صرح قلبي موطنه وقصور وديار وسكن
وكلما اشوفه تشتكي مني رموش (ن) باكية
واشكي هواه وغربته بين البوادي والمدن
وان زاد شوقي ولوعته بين الحنايا الشاكية
هذا لجروحي ..بلسمي.. وهذا لاحزاني وطن
مرسى فؤادي ومهجتي ومسرى عيون (ن) ساهية
و اللي سكنها منزله في وسط روحي له سكن
كاني أمامه طفلة تهوى يدين حانية
وان غاب عنها تبتدي قصة حكايات الحزن
كاني عروسة في خجلها وسط حفل(ن) ماشية
اهوى عيوني في عيونه ..بين رمشه والجفن
كلما اشوفه تبتدي احلام ماهي خالية
ودي اغمضها عيوني وينتهي عمر الزمن
انا وحبيبي قصة من الف ليلة راوية
عنوانها شوق وغرام وحب في سر وعلن
ناصر الضامري