صباح الورد
كيفكم
عرض للطباعة
صباح الورد
كيفكم
تخيلي
تنهضي الفجر وتتجهزي للدوام وتطلعي مسافة 2كيلومتر لموقع الباص
وفجأة
تحصلي ساعة السيارة تشير لساعة 2منتصف الليل
وتتذكري ان جهاز الفون امس مجيوب من المصلح ونسيتي تضبطي الوقت
عاد يجيك الوسواس الخناس يتفلسف عليك ويطلع لك خزعبلاته
ترجعي البيت بسرعة 160..ماتعرفي اذا السيارة تمشي ولا تطير
وتنامي انتي وروجك والماسكارا لحد ماتجي الساعة 4ونص
تقومي تحصلي الساعة 6 الصبح والباص واصل مسقط عاد
هذا يسمونه نحس ولا قرادة؟؟؟
..
في هذا الصباح ,,,
دعوة أرفعها لرب الفلق
بأن يكفيني ويكفيكم شر ما خلق
.
http://up.omaniaa.co/do.php?img=13340
حصنوا انفسكم جيدا بكلام الله
فهناك شياطين من البشر
يضرونك اكثر من شياطين الجن
من المدونات الرائعة التي تستحق التقييم
مدونة بن راشد
مدونة مثرية
كذلك مدونه اميرة الروح مدونة راقية كصاحبتها
وتستحق ايضا النجوم الخمس
من كم يوم رحت اكمل تسجيل خلدون صف اول
وشليته معي ..وهو حرف الراء عنده مغبر وينطقه غاء
عاد الي تسجل قامت تساله وين يدرس وويش خذوا بالروضة
وقام يعدد لها الحروف وشو خذوا ووين واصلين بالقرآن
قالها ماخذين سوره النصغ(يعني سورة النصر)
قالت له اقراها
وبدا يقرا ولما وصل مع (واستغفره ) غرز وما قدر يعدي
واستغفغه واستغفغه ويطالع علي مسكين
رفعت ابهامي يعني (احسنت كمل) وكمل
بعد ما خلصنا ورحنا يقولي فالسيارة (باكر جهزيلي كندور العيد حق المدرسة
وخلي ابوي يشتريلي جوتي جديد..ونهضيني من وقت لا تخلين الامير يروح عني ..وراي باكر مدرسه)
قلتله انت باكر روح الروضة بعده المدرسة السنه الجاية
قال ماعلى كيقك..المعلمة قالت خالد شاطر ونبغاه معنا
وتم وارم طول الدرب علي هههههههههه