‘‘
على طاري البوكيمون ‘ اللي صاير حديث الساعة‘
انا لما كنت صغيره ‘ كنت ادفن كره التنس تحت التراب ‘ واجلس ادعي يارب هذي الكره تتحول كره بوكيمون ‘ ويطلع منها بيكاتشوو ومو بس كذا عاد اسألوني عن القبله مواجه الشمس ‘ استغفر الله😹😹
ومن اخلص ادعي اروح اكشف التراب عن الكوره ‘ واحصلها مثل ما كانت ‘ وما أيأس ‘ معرف من قنعني انها بتتحول كره بوكيمون ‘
...
وبعد كان عندي دميه ‘ شعرها وردي ‘ وكنت عاطتنها اسم ‘ مام ‘ هذي مام تبع كرتون داي الشجاع ‘ لانها تشبها شوي ‘ وكنت كل يوم اجيب فستاني واقول لامي قصي منه لحجاتي ‘ نلبس نفس الشيء ‘ وكنت ازعل واعصب اذا ما سمعت كلامي ‘ .. ووقت العصر نجتمع انا وصديقاتي الصغرونات ‘ مال الحارة ‘ وكل وحده تجيب عروستها ‘ ونشوف من احلى فستان وشعر 😹😹 طبعا انا كنت افوز لان ابوي كان يشتري لي عرايس حجم كبير وتغني ‘ 😹😹
...
اما عند كرتون سالي وعهد الاصدقاء وريمي‘ هذولا الرسوم كان تأثيرهم علي وااجد ككبير ‘ لما مات الفريدو صديق روميو ثلاث ايام وانا معزية اصيح ‘ اروح المدرسة واتخيل واجلس اصيح ‘ ومو كنت وحدي نص الشعب في المدرسة مثل طينتي ‘ حزينين😹😹
