نبض الإحساس .. سجّل احساسك في هذه اللحظه

أتلى العهد فـي فـؤادي يـوم خليتـه
. . . . . . . . . وقفيـت وأعيونـي الثنتيـن يبكـنّـه*
شرحت وضعي على صدري وفليتـه
. . . . . . . . . .ولقيت صدري من الليّ صار له حنّه!*
أسرف بي الوجد والطـاروق شليتـه
. . . . . . .. . وشعاير الصوت في صدري لها رنّـه
مستاجعٍ مـن يـدي والحـال بريتـه
. . . . . . . . . والوجعـه المدميّـه ماهـي بمنكـنّـه
الله يسامـح صبـي عينـي وراعيتـه
. . . . . . . . . خلانـي أبـدّل السـجّـات فالـونّـه*
مايلتفـت لــوّ تعمـدتّـه ولديـتـه
. . . . . . . . .الاّ على اللي تجيب الشبط .. فالكنّـه
عفريـةٍ حبّهـا الـعـذري تقهويـتـه
. . . . . . . . . وكيّفت الأحساس من هيله ومـن بنّـه*
كل مادعانـي بعـال الصـوت لبيتـه
. . . . . . . . . وأنقـاد مـن غيـر لافضـلٍ ولامنّـه*
أجيـه واليـا وصلـتـه ماتعديـتـه
. . . . . . . . . جيّـة رفيـقٍ رفيقـه مبطـيٍ مـنّـه*
أسـج فـي عالـم أسلوبـه وأتاكيتـه
. . . . . . . . . . وأقول من لاعشـق مثلـه ياعنكنّـه ؟*
ماذاق ملح القبـال .. اللـيّ تحاليتـه
. . . . . . . . . . ولا أغرتـه كلمـةٍ معسولهـا جـنّـه*
أمشاهده .. لا أنكسر خصره ورديتـه
. . . . . . . . . .وميّـل بليـلٍ حريـره يعجبـك فنّـه*
ينسيك طعـم الحليـب اللـيّ تغذيتـه
. . . . . . . . . وتسـج مـع عالـمٍ فالحـب منجنّـه*
والحـب لـولا متاهـاتـه وتنهيـتـه
. . . . . . . . . .ماصوتـوّ للقلـوب وجـات مستنّـه*
قلب الهواوي خضر .. والولف راعيته
. . . . . . . . . ومن حبّها لـه تدكـه رفـق وأتحنّـه*
تصبح بشطّانـه .. وتمسـي بزاويتـه
. . . . . . . . . .. وكل عرق ينبض خطا مسئولةٍ عنّه*
أقفـو بهـا اللـيّ شببهـم ماترجيتـه
. . . . . . . . . . . وأسلوم الأجواد مثل الفرض والسنّـه*
راحت سنه كامله لاجـا .! ولا جيتـه
. . . . . . . . . . . .وحبّه على ظنيّ .. وحبيّ على ظنّـه*
أقفـى وجرحـه بقلبـي ماتشاويـتـه
. . . . . . . . . . . وأقفيت .. والبعد جرحٍ ماأقـدر أكنّـه*
مايوجع الرجـل .. ويحـرّك تناهيتـه
. . . . . . . . . . الاّ ليـا مـن فقـد لـه قطعـةٍ منّـه

ودي أجهـل شـيّ ماكنـت أظنّـه ينجهـل*
. . . . . . . . . . . وأثر من لا يعرف الشـيّ غصـبٍ يجهلـه*
ياعذابـي مابقـى شـيّ فعيونـي سـهـل*
. . . . . . . . . . . دام شـيٍ مانسيـتـه ؟ ربـيـت بمدهـلـه*
لاتخاطبني ؟ بماذا ؟ وكيف ؟ ومن ؟ وهـل*
. . . . . . . . . . . وأنت ؟ لا هذا ؟ ولا ذا ؟ ولا منه ؟ وهلـه*
أنت من قـومٍ علـى الضـد مافيهـم مهـل*
. . . . . . . . . . . . لابةٍ عاشت على الصعب مـن قبـل أسهلـه*
من حلم في قمّة طويق ؟ ما أغـراه السهـل*
. . . . . . . . . . .. . السهل له ربـع ؟ وطويـق ربعـه تزهلـه*
كيف أشوفك علم يكسـر متاهـات الجهـل*
. . . . . . . . . . . . وأنت لا تاريخ باقـي ؟؟ ولا شفـت أجهلـه*
غيـر قصّـة راويٍ يحكـي أفعـال الكهـل*
. . . . . . . . . . . . كيف أصدقهـا ؟؟ وعـذر الليالـي ممهلـه*
لاتقول إني معك ؟ وأنت في حسبـة الأهـل
. . . . . . . . . . . ما أنت بهلٍ لي ؟ وأنا منـك ماجبـت بهلـه*
ولا تعذّر والعـذر مـن تضاريسـك ذهـل
. . . . . . . . . . . لاهوى غربي ؟ ولا الديـم نوضـك ياهلّـه*
عقب مانـت بخايـع القلـب ديـمٍ يستهـل*
. . . . . . . . . . . ربعّت به بهجة العمـر ؟ وأضحـت مبهلـه*
صرت من بينك ؟ ومن بين ذكـرٍ يستهـل*
. . . . . . . . . . . كلّ مـا مريـت صوبـه ؟ خيالـك يذهلـه*
بيّض الله وجه ؟ ماذا ؟ وكيف ؟ ومن ؟ وهل*
. . . . . . . . . . . علمتني شيّ خافـي ؟ وأنـا كنـت أجهلـه

صباح الاحساي والطيييب

دايم اعرف كل شاعر يهيم فكل واد
وانهم دايم يقولون ما لا يفعلون
حتى انا اللي قلت اعشقك وماطيق البعاد
يمكن اطلع ما عشقتك ولاهم يحزنون

من كل قلبي أدعي الرب يرعاه
أهديه عمري ومهجة القلب أهديه
واهديه نور العين اللي كم تمناه
أحبه وبروحي أنا أفديه
وإن ما كفت روحي ترى الكون يفداه

قالو بعيد
قلت فى عيونى اقرب قريب
قالو وحيد
قلت هو دنيتى واغلى حبيب
قالو تحبه
قلت مااريد غيره من جميع المخاليق
قالو خيال
قلت بحياتى يبقى مايغيب
قالو ينسى
قلت بيني وبـيـنه وعد وثيق

إهــــــــــــــــــداء

يارفيق العمر يوم انك نويت
تعرف المكنون في قلبٍ حنون

بأعترف بالصدق لامني حكيت
حبك الغالي والله ما يهون

http://www.youtube.com/watch?v=Fe7Ek-ar1Xg

الله يجآزي ظرؤف عنك حدني
أشره عليها ليآ من شفت صدآتي
احآول أوّقت الصده ، ولؤ أني
ألقاك متواجد (ن) ف كل أؤقآتي
ظنك أبنسآكك ! لآ ؤالله م ظني
لؤ م لقيتك هنا بألقاك ف أبياتي
بدآيتي ف الشعر في قربك اغني
وأخر نتأج الشعر يحسد بدأياتي
الله يسامحك يوم آخذتني منّي
غيّرت شخصيتي وأنكرت في ذاتي
كثير قررت ع الفرقا ولكنّي !
لا شفت عينك تأثر في قراراتي
انا ععليل الوصل ، لؤ كنت متهني
اهنى ب نظرتك وافكر وش الأتي
وان قلت لك ي غناتي لا تواصلني !
يعني تجاهل اذا شفت اتصالاتي
من كثر مَ اهواكك ودي تبتعد عني
بحاول اجفاك ساعدني ولا تاتي
وجفاي ماهو ردى منك ولا مني
بغيت ف بعدكك اراجع حساباتي
في خاطري ضيم حتى لو ضحك سني
م ادري ابرضيك ولا ارضي طموحاتي

على حزنك سكبت الدمع وبكّتني كثير جروح ..
والحزن هذآ مَ أعرفه ولآ وش دآخلك سوّى !

شعرت إن روحك البيضآ تسكن في فِنآهآ روح
ورآحت روحك البيضآ وبقت هـ الثآنيه جوّى

وشعرت إنك تبي تحكي وعيّآ صمتك المبحوح ,
على صوتك وقلت إني بأصير لـ دآخلك سلوى

وصرت لدآخلك سلوى وعرفت إني سكنت الروح
وكتبت بـ دآخل ضلوعك حكآيه مَ تبي تروى
وحكينآ بـ صمت وحبينآ حكآوينآ وعرفنآ نبوح ..
وكتبنآ آخــر أحلآمي على ألوآح مَ تُطوى

لين إنت حنيت الغيآب وحنيت التعب والنوح
ورحت مخلي أحلآمي بـ عيونك شي مَ يسوى

مآبي أفهم هـ الرحيل ومآبي أفهم هـ الجروح
بس أبي أفهم ذرآعي , ليه تعوّدت تُلوى !

محدن يمشينا على رغبته غصب
ولا نزعل على غيرنا بليا سبايب

وثنتين في الدنيا ترى مالها طب
خيانة الصحبه و ظلم القرايب