نبض الإحساس .. سجّل احساسك في هذه اللحظه

-


جيت محتاج ل دِفا ؟.. ياخي عوافي
قرِّب احطب من حناياي .. وتِدفّى .
انفخ اللي في رماد الصدر.. غافي
وصحْ جمرٍ حي .. في قلبٍ توفى !

-


وش اخر هالحضور الممتلي بالصمت ؟
اذا طاري مَفارق لا تعلمني ! .
حضنت عتابي البارح بصمت ونمت ؟
يا اخر من هقيته ما يكلمني !

-


على كثر ما طال البعاد وتجافينا ،
يقولون .. للحين اتذكّر .. وأقول ايه ! .
أنا كيف أبنسى واحدٍ من تلاقينا ،
وأنا يا أسولف معه والا أسولف فيه !

-


بلا معنى ..
يمر اليوم لا صوتك ولا وجهك
يفرّقنا الزمان ومايجمّعنا
ونسهر والحكي نصّه مدامعنا
و الا منه غلبنا الشوق
ننام وما تنام قلوبنا معنا!

-


دفن من ضيقته ثلثـين .. والباقي :
تستّر بإبتسـامة .. تسْتـر الخيبة ! .
على كتف الهقاوي طبطب الهاقي ،
سمَح من هقـوته .. وإنحاز للغيبه !

-


تعشقْك في شرّك وخيرك .. وطيبك
برّك بها : طاعة ، و اجر ، وعباده !
, مادام ... ماترضى تخلي حبيبك
أمّـك تبي نفس الشعور، وزياده !

وقف حبيبي واترك العين بالعين
خل الحديث يطول بيني وبينك
خل اليدين اليوم تبقى بالأيدين
واعيش لحظة حب بيني وبينك

أن كـان غــيرك تبتســم لـه شفايــاي
فأنت عــروق القــلب تضـحك لشــوفك:o

مدامني ( ويّاك ) راح أشعـر بخيـر
لا تنشد : شلوني ؟ .. ويدّك ف يدّي ؟
لوني : فرح .. ورد و " غناوي عصافير "
يعني : محد بالكون الحيـن : قـدّي !!
يازينها الدنيا و ( أنا وأنت ) لا غير !!
وضحك السحاب اللـي علينـا يعـدّي

مـــاودي انــك عابـــر كنــــك الطيــــــــــف
وانـــــي انــــا نجمـــــة وطاحــــت بكونــك

ودي أكــون البحـــر لــك وانـت لـي سيــف
واكــــون لــــــك عمـــرك وقـــرة عيونــك

واصيــر لـــك ديـــوان شعـــر وتوصيـــف
وفـي وســط صحـرا الحـب تهطـل مزونك