#صباااااح_ثاني_يوم_عيد_فطر_سعيد 😃❤
http://www.up-9.com/imagef-149853125465051-png.html
صباح العيد والفرح ،،!
كل عام والكل بخير وعساكم من العايدين والفايزين
http://www.up-9.com/imagef-149853205431951-jpg.html
غايته 😋
http://www.up-9.com/imagef-14985319029152-jpg.html
للأمانة أول عيد يمر علينا ونحنا فرحانيين كذا وحاسين فيه إنه فعلاً عيد والله العظيم السنة بطططططل 💪
حتى ما دخلت السبلة ولاشي 😂😂
المهم الساعة 1 ونص بالليل غفيت لحد الفجر قمنا وصلينا وسمعنا تكبيرات العيد بقناة عمان وحطيت ميكب وعدسات أنا وأختي وجاهزين من وقت حصلت عيديات أكثر من كل مرة والله حماس ياخي بخليهن شي حق الحنا لاني ما تحنيت فالعيد بتحنا فالعرس 😍 وشي بخليه ح أكل المطاعم 😂😂😂😂
ليش أقول هذا العيد أحلى من كل مرة ترا كل عيد نحصل عيديات صح أنه هالمرة أكثر بس ما هو السبب اللي مفرحني ومفرح أبوي وأهله _!
السبب إنه أبوي وعمي متخاصمين من 6 سنين وكانت علاقتنا فيهم وايد يعني نبات بيتهم لما صغار ويباتوا بيتنا ونحنا وياهم يعني مرة كأنا خوان لكن بعدين تخاصموا وكل طرف ينقل سوالف ل هذا وهذا يزيد والبقية يعني عماتي حد إف فريقنا وحد فريق عمي إللي يقَول أبوي كلام ما قاله ولي يطمش واللي مخلي عمره ماله دخل ويحاول يبعد نفسه عن المشاكل واللي راز ويهه في النص والسالفة لا تخصه لا من بعيد ولا من قريب مشكلة صايرة بين اثنين وهذا الشخص مرتز بينهم ومخلي عمره محور الكون بس عشان يلفت الأنظار حوله ويزود بهارات على كيف كيفه ويشعل الفتنة بينهم زيادة بدل لا يهدي الوضع ويقول كلام غبي غير مرتب وتنكشف إنها كذابة وهذا أسخف ما رأت عيني !
عمي بادر بالمصالحة وأبوي صامد ولا راضي ينسى يقول اللي سواه ما شوية راح عند الشيخ ع أساس يحل الموضوع لكن أبوي قال إنه هوه يسلم عليه يعني ما مخاصمنه بس إنه يسولف معه وعادي ويدخل بيته هذا شي مرفوض !
بعدها راح عمي عند جدي كانوا مسوين عزيمة مجتمعين الرجال كلهم في بيت واحد منهم ، عشان يكلم أبوي يحضر عزيمتهم بس ما وافق .
عاد أمس أول يوم عيد الصباح الساعة 9 ونص دق الجرس ولا عمي وأولاده كلهم من أكبرهم لأصغرهم سلموا على أبوي وتكلموا مع بعض وتراضوا الجماعة وكيف كان شكل عمي وأبوي لما يسلموا على بعض 😢
بعدها الظهر اتصل رقم غريب على فون أمي وأمي كانت بالمطبخ تجهز البهارات هيه وأبوي ويلطخون اللحم سوالف ، عشان يدخلوه في التنور لإن معنا أول يوم صالونة لحم ناااار 🔥 ، كلها بهارات العيد والصبح قلية ، أما اليوم الثاني ف يسوون الشواء والثالث الخل ودوا الخل يضيفوه في الشوا ، ويطلع طرطريشن المهم لان أمي مشغولة ويديها كلها أشياءات أنا ما رديت ع الرقم لإنه غريب لكن دق مرة ثانية ورديت كلمتني حرمة وقالت عيدك مبارك وأيامك سعيدة ورديت عليها وبعدها قالت تبا تكلم أمي روحت المطبخ خليت الفون ع أذون أمي وكلمتها وسكرت وخبرتنا إنه هذه زوجة عمي وبناتها يباركون بالعيد ، قام أبوي وغسل ايدينه واتصل على عمي وعزمه على الشوا اليوم ، هوه وأولاده وبناته وزوجته وقالوا تم ، وبعدها اتصل أبوي على عمي الثاني بس عزمه بروحه بدون طائفته لان البيت ما يكفي وجدي وحبوتي كل عيد الشوا يحضرون ف بيتنا لانهم ما يذبحون في عيد الفطر بس فالأضحى لان يطلعون الأضحية .
وتراضوا الجماعة وافتكينا من القيل والقال وانتهى شغل المناقر وإنه كل واحد يحاول يقهر الثاني أو يستفزه وأنا ما أقصد الرجال حاشاهم على هالحركات قسم بالله الحريم يتفنن ف الإستفزاز فن والوقاحة متعلماتنها ع أصول وهذا اللي شفته في عمتي حتى يوم نتلاقى في عرس بحكم إنا عايلة وحدة و نحضر ف نفس الأماكن تبدع ف الحركات وكنها مريضة بالأوفر اللي تسويه واللي تحاول تلفت أنظار الناس فيها مع إنه مالها دخل في السالفة مثل ما قلت قبل لا من بعيد ولا من قريب !!!
عاد اليوم بلبس عدساتي وبتمكيج من خاطر وبتبخر واتعطر وبستوي اوفر بس بحاول ما أخربط بوجهي وايد عشان بنات عمي ينقهروا مني قصدي أنه شسمه أكون أنا وأختي أحلا منهن 😉
http://www.up-9.com/imagef-14985319028461-jpg.html
في أحلا من كذا 😍😍😍 بقول قصة هذه الصورة من خلف الكواليس أنا رحت ورتبتها وصورتها وخليت ف السناب والواتس وكتبت أمي + أبوي عسى الله لا يحرمني منكم عادي دعاء ، ولكن من جانب آخر هذا البوكس قديم عندي ف الكبت من زمان رحت وخذيت العيدية اللي أبوي ساحبنها من البنك بس عشان أصور صورة حليوة وأتفشخر جدام صديقاتي لان كل وحدة لما تشوف سنابها تقول هنا الدنيا وآخر شي الحالة مثلي المهم صورت الهاذا عيدية أبوي والورد وكذاك :confused:
حصلت عيدية محترمة هالعيد عسا دوم يقرقشوا مخابيهم كذا مشتهية ماكدونالدز 😿
http://www.up-9.com/imagef-14985326840491-jpg.html
حبيبتي وأنتي بخير وعافية وعساك من عواده وكل عام عام وأنت سعيدة وعلى خطى النور تمشين والله يوفقك دنيا وآخره ❤
الساعة : 26 :7 صباحاً
الثلاثاء 27 / 6 / 2017 ، 2 / شوال
منتصف الليل ف شو ف خليكم معنا
وبدون مقدمات وخربطة و شطحات رجعت لكم من بعد ما هدت نفسيتي ومن بعد ما قضى الملل علي كلياً ومزقني تمزيقاً حذفت المشاركة المليقة ولإنه ما حد يحب يسمع سوالفي أوني ما أسكت << والله بسولف تراني ما طرمة :p
مع إنه في هذا الصيف استوت ذيك السوالف ومرتبشة فيها وايد 🙈🙈🙈🙈🙈🙈
بس تصدقون ما جاني نوم البر من بعد الكارثة اللي سويتها قبل شوية وحاسة نفسي قسم بالله بموت وقلبي يرتجف ويدق دق الطبول تخيلوا أختكم المحترمة رايحة عرس وكنت قبل المشاركة المليقة اللي حذفتها والدراما اللي سويتها ف الخاص عند الادارة وهنا بالمدونة كاتبة هالشي إن الإجازة بتكون فيها فعاليات عرس وخلصناه ونتايج والحمدلله باقي النونو العسسسلسسل 😍😍😍
عاد حضرت الأخت أنا كنت أصور ف العرس صورت فيديوات وصورات وايد بفوني طبعاً ، العروس والعريس وكل شي خلص العرس ولا إله إلا الله وسولفنا عنه وحشينا ف الناس اللي تبانا نحش فيها وعلقنا ع اللي يبالها تعليق وجا وقت الصور رحت الأستديو وحددت 16 صورة بالتمام والكمال وبدل لا أرسلهن للعروس رسلتهن حق بنت أعرفها من الجامعة لان أسمائهم كاتبتنها بالانجلش وطالعة مثل مثل ومن غير ما أنتبه صار اللي صار المصيبة بعدني ما أعرفها زين ووووصلنهااااا 😢
هيه الشبكة ف ذي الحركات تصير سريعة سريعان استغفر الله منها حتى هيهه ضدي :(
رجعت رسلت ف الجروب وايدي ترجف أن الصور بالغلط رسلتهن ف محادثة صديقتي اللي توني متعرفة عليها وما أي صور ، صور العريسين والله لو صورتي عادي تغيب بس العروسين لا المهم طبعاً رسلت لها إنها تمسحهن وقالت تمام بتحذفهن وتميت أسولف معها بطريقة لبقة إنها تصور لي الشاشة عشان أتأكد إنها حذفت ظلت تقريباً 3 ولا أربع دقايق وبعدها صورت الظاهر كانت تتمنظر في الصور بس صراحة الصور كانت لؤطة ع قولتهم >> شوف شو المهم :confused:
المهم البنت تراها ثقة وخافت يوم اتصلنا فيها وعطت اختها تتكلم أول شي حليلها انتزقت نعم وجلست تحلف إنها حذفتهن بس الآيفون يخزن والمسكينة صورت لي شاشة الأستديو وبعدها صورت المكان الثاني اللي يحفظ فيه وتقول والله العظيم حذفتهن ويوم كنت أراسلها تكتب غلط والحالة حالة ما أعرف ليش تخاف بسرعة ذي الأنسانة صوتها يرتجف نعم 😹😹😹
والله حبيت حركتها فيها برائة نقولها عادي بس خلاص وهيه والله مسحتهن والله العظيم ، ما بيتخزنن معي ؟؟
يا عمررررررري كيف الأسلوب مالها 😭😭😭😭💔💔
قلنالها لا إن شاء الله وأنتي ثقة بس العروس تتراعد وميتة خوف عشان كذا طلبنا تصوري الشاشة نباها ترتاح وأصلاً أكذب العروس ما تعرف إن صورها انرسلت بالغلط بس كذا يعني أسوي أسلوب حلو وفنان عشان ما تقول أنا شسمه ما عندي فن الحوار وما فيني اتكيت >😌
تحسبون ذي المصيبة لا فهناك الأعظم فالمصيبة أني راسلة حق راع الباص لانه قبل الفصل بشوية يقول ما ياخذنا معاه لازم نخبره قبل قبلين حجوزات سفر نعم ما شسمونه وبعد ثقتي الكبيرة في الانجلش خلتني أكتب اسم الشخص مع الشخصة اللي رسلتلها بالغلط مع العروس بالانجلششششش وصايرة اسمائهم الثلاثة نفس الشي ما ذاك الزود اختلاف لا والثلاثة ما حاطين صورة عرض لا والثلاثة محادثاتهم قريبة من بعض لا و اللي رسلتلها بالغلط محادثتها تحت والله حبكت اليوم يعني ترسل مسج جماعي وتطير محادثتها عدالهم المهم أحمد الله سبحانه وتعالى وأشكره شكر عظيم أنه ستر علينا وعلى العروسة وما رسلت صورتها حق راع الباص اللي حشرنا حجزن تو وحجزن تو كنت مفتكة من ذي السالفة لماذا تنتقلين يا أمي لماااااذا سؤال صعب سؤال صعب سؤال يراودني تا تا ؟؟؟؟؟؟😢
والله كل شوية رسل لي السلام عليكم أختي أكدتي الحجز حشى حناية ما ذا عنبووووه أكدناه قسمبلاه أكدناه لازم كل شوية تذكرني أني بداوم ف باص الله يرحم أيام زمان يوم كنت أصحو بسماع زقزقة العصافير من فتحة مكيفنا وأبحلق عيني في الوردات وأتأمل السحب والتلال تو عاد بركض ركض مراكض الصبح وبقوم متأخرة وبيودرني يارب ما يودرني يااااارب أحاتي نعم أخاف ما أشرب شواهي الصبح 🍳🍵
ما يستفاد من القصة لا تكتبوا الأسماء المتشابهة إلا بالعربي ☺
هاي أنا يوم رايقة 👆 أسولف وأمزح وأستتظرف دمي وعادي لكن يوم أكون منفسة من لا شي طبعاً ولا مرة نفست ومديت البوز ع شي يسوا كله بس يالاه ملل يلا بزعل يلا ملل يلا بطنقر :cool:
يلا ملل يلا بخذ قرار غبي وهذا اللي موديني ف داهية تو متضايقة وش دخل السبلة أطلع منها تراها منتدى ما مضيعة علي جويي بالعكس وهذا اللي صار عطيت باباه كلمة وتو شسمونه محتارة بس كنت منفسة وهو يسألني لحظة بتذكر ليش كنت معصبة لا يكون من دون سببببببببب 😲😲💔
أكثر الأوقات أعصب فيها بدون سبب كالعادة لما أرقد العصر سبحان الله لما الإسلام قال إنها مكروهه فيه حكمة ماشي مفروض علينا إلا وله فائدة علينا دنيا قبل آخره
ها حق اللي رسل لي في الخاص أروع 4 أشخاص في السبلة بكبرها 😘😘
http://www.up-9.com/imagef-1499815961431-jpg.html
تصويري ترا هاه عبالكم ما أعرف أسوي حركات بالوردات وتقليد ح ذيلاك 🏃🏃
تبوني معكم ولا أخلي الإجازة ومللها يبلعني ويستمر ف تمزيقي ؟؟http://www.up-9.com/imagef-149981648761111-gif.html
لـــــواهــــيب Kitchena غيررر 🔥🔥🔥
مساء الإنتعاش :cool:
الله يخلي الشاور البارد ومكيفنا الحب 😍😍💘 ولا أنا ألحين ذايبة ف الكتشن صدق يعني تعبت حتى أكثر من رمضان الحر الظاهر إنه زايد بعده >> زايد ولا خليفة 😂😂😂😂😂😂😂😂😂
المهم ما كأني قلت شي إنسوها النكتة البيض ذي بس نعم من الظهر وأنا أتشقلب في المطبخ حسيت خلاص نهايتي قربت والقهر أمي بعدها دقت سلف وراحت تجيب الطلبية يااااااااربي 😭😭 ما كأنه كم حرمة جاية يبالها ذا كله صراحة أوفر يعني طالبة من مع حرمة تسوي سوالف أكلات وحركات ومخلتني معاها نطوبخ ف ذا الحر اونه ربعاتها مال الدوام جايات انزين ياخي تفاح وبرتقال والسلام ولا نفس نظام الأجانب شاي وانتهينا ترا ذا بيت ما مطعم صدق يعني ما مسألة بخل بس أنا مستغربة ليش وبذات عند الرياييل لازم يذبحون ويحطون راس الذبيحة فوق !! >> يعني دليل كرم 😩 انزين عادي ترا هذا ربيعك يعني يعرفك مالازم يوم تعزمه رسميات و شسمه أقول بس خلاص يمكن هذه الأصول بس أحس يعني ليش هالعقد شاي وخلاص يعني أحلى تعبت وأنا في المطبخ والله حرررر ومشغلة المكيف بس بدون فايدة أحس بدال لا أدخل الخربطة في الفرن جالسة أدخل وجهي وأشويه و بعدين أقلبه الله يجيرنا من نار جهنم أنا نار الفرن ما مستحملتنها أحس وأنا بعيدة عنها تحرقني ولا والشمس بعد لاعبة لعب فيني :(
وأمي أول شي معي وهيه تطبخ و بعدين قامت تسوي دور الإشراف بس 🤔
وبعد هالحريم بس يعني أبا أفهم تو ليش ما تخلن اليهال ف البيت مع أبوهم ؟؟؟؟ يعني العصير صابينه صب فوق الغنفة ترا تعبتونا من الصبح ونطبخ في الحر وآخر شي ما تاكلنه كله وناخذ ذنوب الإسراف وأولادكن يصيحوا حشرونا و ما تروحن بسرعة من بعد الغدا جالساتلنا لين قريب المغرب
وبس والله نور البيت بوجودهن وعسى ناخذ أجر الضيف صدق يعني م شاء الله عليهن الله يحفظهن 🙈:rolleyes:
من مدة ما فتحت رابط الصراحة ولا شفت منه سؤال أو شي لحظة بنشوف شو واصلني 🙃
http://www.up-9.com/imagef-15001485145291-jpg.html
:(:( زين شسمونه ما كأنه حر شوية قصدي يعني أقصد إن هذا تعالوا نسولف عن الأكل اللي سويته وعادي أصلاً حتى لو حر وإرهاق بس أبدعت ترا يعني وايد حلو ولذيذ ترا سويت بف باستري بالجبن ودياي بالتوست وأصابع جبن مع مقرمشات السمبوسة بس ما صورتها طارت الميلس قبل لا ألحق عليها 😑
http://www.up-9.com/imagef-150014936588291-jpg.html
http://www.up-9.com/imagef-150014936596583-jpg.html
ما قصرت ف اللوتس وذا السوالف لكن الله يرزقني برك ماماه وبليز يعني خبري صديقاتك يشرفون بيتنا لما يكون وقت الدوام والله بمطهااااااااااا خمدة للمغرب 🏃🏃🏃🏃
