من وحي فكرك وقلمك واحساسك .. اعزف نغم

‏عن اللي صار
بغيابك كثير أشياء ماتنقال
لكنّ الأكيد إني
عجزت , أستوعبك راحل !

ليتك تفاجئني بصوت اتصالك
عشان اسج من التعب والتعب غير

على الاقل : لو قلت وشلون حالك
واقول طيّب .. حتى لو ماني بخير

الشتاء فصل الهوى بلا جدال
والهوى قرب و أحاسيس و وله

ياجعـل طاري فراقك لـ الزوال
الشتاء بلياك .. كيف أستقبله

مرتاح في وضعي .. ولاني بمرتاح !
ياما بناني هالشعور .. وهدمني

أي والله إني ممتلي صبْر .. وكفاح
ولا غير حبك .. في حياتي هزمني !

‏أن جيتنـي محتاج كلي لك يدين
و أن جيتني مهموم كلي لك صدر ..​

‏مابين تقليب المواجع والأسباب
فاصل رقيق من التعب و الكآبة ..!

و ما بين تغيير النوايا والأحباب
دمعه / و صوت / وذكريات / وكتابة

‏أسّرق ،
أحزان البشر على شان راحتهّم ؛
بس أنا من يمُر ويسرق أحزاني ؟​

‏تعال صافح بالحشى لهفة الشوُق
ترى المواصل بين الأحباب جنه​

النوم سلطان ..

من يرد البوح لـ لسان القصيد
و من يلم الشوق عقب البعثره
.
لا جديد الا عذابي من جديد
ولا قديم الا قصيدٍ .... تذكره