نبض الإحساس .. سجّل احساسك في هذه اللحظه

أحبك إيه أقولها لك وعزمت
ويقولها قلبي ونبضه كلامه


لبست شوقك وبغلاتك تلثمت
وسكنت قصر الحب وأفخر خيامه


أنثر ورود الحب لك كل ما قمت
قلب المتيم جاك ينثر غرامه


أقول يا حلوك ليا من تبسمت
أموت لو أكرمتني بابتسامة

-


مافقَدتك لكن المدعو : حَنين
كان بَ وجيه الاوادم يرسمِك .

-


من كل أنواع الموادع .. والعنا
نفسي معْ انها مستتبّه شابعه -
لو أمنياتي ماتحقق لي / أنا
متفائل لحد السماء السابعه !!

-


في شنطة الذكريات ، الهاتف المُهمل
سمّاعته ، كانت أجمل من مواضيعه -
قد صب في مسمع إذني صوتك المُخمل
وحلفت باللَه من فارقت .. ما أبيعـّه !

-


قلبي من أحزانه يلين ،
ولا مرت .. الذكرى سرح -
ومن كثر ما وجهي حزين
صاير يخاف مْن الفرح !

-


الدمع له في محاجر صاحبك لـمعه ،
الله يقطع جفــاك ويصلح أوضاعي ! ٰ
والله لولا ( الحيا، والدين، والسمعه )،
لأصيح تكفى تعال وخفف أوجاعي !

-


بـ فارغ الشوق كنت انطر تجمّعنا
ما اكذب من الكلمه إلا وجه قايلها -
تبت يدين الوعود ، اللي بلا معنى
وجيه الاحباب .. احلا من فعايلها !

-


الوقت ما يرجع ورا ،
لا بالندم لا بالعتب !
- لو كل دمعة .. تنقرا
ما كل دمعة تنكتب !

-


لك رموش للي تحت شمس الفراق ظلال
ولك قلب دافي .. لا برد قلبي : أشبك .
بما أنك عن اقرانك فرقت بكثير خصال
تبيها من المنطق ؟ من المنطق .. أحبك

أحبك حب يآ مجنون ولكن مااقدر احكي لك..
احبك يا بعد هالكون وروحي ما تبي غيرك..

انا يا خلي اتعذب..في بعدك عذابي شوق..
ولو اني عليك اكذب اصير انسان فاقد ذوق..

احبك حب يا مجنون لكن مااقدر احكي لك..
احبك يا بعد هالكون وروحي ما تبي غيرك..

ذآيب بين ايديك القلب من غيرك عليه يمون..
حبي لك تعدى الحب كل شي فيني بك مفتون..

انا ماشوف بين الناس سوى قلبك مع الاحساس..
تصور افقد عيونك اصير اخاوي الهوجآأإس..

احبك حب يامجنون لكن مااقدر احكي لك..
احبك يا بعد هالكون وروحي ما تبي غيرك..

عيني ما ملاها الا انت حبيبي فدوتك عيني..
قبل حبك انا ما كنت ولا اي شي يعنيني..

انا دنياي من دونك ظلمآ وما لها معنى..
ابدعي ربي يصونك وطول العمر يجمعنا..


احبك حب يا مجنون لكن مااقدر احكي لك..
احبك يا بعد هالكون وروحي ما تبي غيرك..