نبض الإحساس .. سجّل احساسك في هذه اللحظه

-

ما كان دمعي يدلّ عيوني الغرقا
الين دلّت جروحك .. وين توجعني

تركتني "عالق" في سكة الفرقا
خطواتي اللي توديني ترجعني !

-


بـ تروح و أيامي معك .. تثبت اني ،
أصْدَق من الحرمان وأطهر من الما !

-


يا قلب زعّلك .. وزعل
اسمعني .. ولا تتبعه !

ما دام غبت وما سأل
تـأكد : إن غيرك معه !

-


كل المغادرون " ثاني دور "
تركتلك دمعه على الكرسي

باقي دقيقه لا تجي مشكور
انا اودّع نفسي بـ نفسي !

-


لك رموش للي تحت شمس الفراق ظلال
ولك قلب دافي .. لا برد قلبي : أشبك

بما أنك عن اقرانك فرقت بكثير خصال
تبيها من المنطق ؟ من المنطق .. أحبك

-



ميلاد الايام .. عاد اللي على خبرك
وحبك ولازال مثل اللي على خبري ،
لا عمرك تقول بعد اليوم كم عمرك ؟
ثلاث سنين دامت معك هي عمري

-


غلطتي فارقت في صدري كلام
وان عمري غافل الصدق وحلَم ،
بس والله ! ما على احساسي ملام ..
أدري انه : خاف لكن " ما سلم "

-



وش جرالك ؟
ينكسر خاطر جوابي
كل ما يبخل
سؤالك
وين فرحي ؟
و أنتي جرحي !
من متى و أقصى طموحاتي
اتصالك ..

-


لاترجعون !
ماعاد يغرينا الهوا
وماعاد للذكرى شعور
وابوابنا صارت تخون
لاترجعون !
بكرا الحزن يصبح هبا
وبكرا الارق ينبت زهور
وبكرا يهون

‏النجمُ والقلب... يَخفِقان... يَهديان... يَشعُران... يَقويان... يَضعفان... يَقرُبان... يَبعُدان... ويَظلاّن سراجَيْن سماءً وروحًا.