نبض الإحساس .. سجّل احساسك في هذه اللحظه

ما فيه احد ما وده بقلبٍ سعيد /
لذا عن اوطان التقى لا تغترب،
اليا شعرت انك من الراحه بعيد /
الله تعالى قال : ( واسجد واقترب )

ظنيت بك بالطيب لا تخيبّ الظنّ /
لكن على كيفك وأنت وضميرك ،
وقتك لغيري .. طيب ووقتي لـ منّ ؟
يرضيك وقتي الغالي اعطيه غيرك ؟

بين هقوات المدايح والمذمه /
علمّ اللي في ضحى الوقفات صدوّا ،
الكفو يفرح لـ مدح عيال عمه /
والردي .. يفرح ليا منهم تردوّا

كان الثقه صارت غرور وملامه /
لي الشرف ما دمت صادق وعفوي ،
واجد عليك .. اواجهك بابتسامه /
ما انت بعلى طوري ولا صرت كفوي

مهما فعلنا للرفيق المستحيل /
أفعالنا ما نفتخر في عدّها ،
أرواحنا تتعب على رد الجميل /
لكن جمالتنا ما نبغي ردّها

الي يبيني اقطع القلب واعطيه
اعطيه من قلبي ولابه حسوفه
واللي شرى ودي بها العالم اشريه
واشرى له الدنيا ولابه كلوفه
من حبني من قلب انا كلي اغليه
اغليه من قلب واقدر ظروفه

ما همني تفكير خلق اللهّ /
واثق من احساسي وتفكيري ،
أنا احب الصعب واوصل لهّ /
اما السهل .. خليته لغيري

أسافر ......
لـ " الفرح "
وألقى نهاية هـ/ الفرح مقتوول !
وأسافر ... /
لـ" الحزن "
وألقى نهاية هالحزن قمة !

في كل لبسٍ تلبسينه فتنتي /
يا شيخة الاذواق بالطول والعرض ،
ما انتي مثل باقي الجميلات .. أنتي /
آخر ملامح يوسفيه على الارض

اللهًً اللهً

خفي علينااا

^