عرض للطباعة
يجيني داعي الذكرى ....... يسألني وش اللي صار
كلام القلب لو يقرى ........ لبيب العقل فيه احتار
بقايا الليل والقمـره.... على المرسى سعى البحار
وين العشق مايدرى.... غدا ليل الهوى سمار
ليالي العشق لو تشرى .... لقى الشاري كثير اسرار
لقى الضحكة لقى العبره .... لقى فيها علوم كثار
دليل الدرب اهو ادرى.... يبيه اقرب يوم اختار
قلت القول وانا ابرى.. .... وثيق القول ما احتار
وتبقى الذكرى
صباح المسرات
عودا حميداً خلوص الغلا
تو ما نور المكان
معودتينا دايما نشيطة وتصبحي علينا
الله يعطيك العافية
..................................................
صباح الورد لكل من يعشق الورد
كيفكم وكيف أصبحتم
اممم عجبتني سالفة الصراحة وسدخت حسابي فالتوقيع
اول رسالة وصلتني كانت من شخص اكثر من عزيز تؤبشي ألبي
ما يجي من الحلوين الا كل حلا
امس كنت فاضية بالدوام لا شغلة ولا عملة قلت بشوف لي فيلم
فيلمIP man فيلم حلو وشيق لكل الي يحب افلام الاكشن والدفاع عن النفس
شفت الجزئين بعد..جميل لما تكون الافضل والابرع بس تحاول تخفي هالشي
تواضعا..الجدير بالذكر ان قصة البطل قصة حقيقية وهو معلم الاسطورة(بروس لي)
الي حاب يشوق الفيلم..تراه خوش فيلم والله
الجزء الاول
https://www.youtube.com/watch?v=bgcq3LSl29o
هذا الجزء الثاني
https://www.youtube.com/watch?v=KLv0Vn32Jr8
وااااااااااااااااااااااا سعدكم
أنا وحدة محد أخير عني
بس ترا الي ما يعرف الصقر يقول عنه كوكو
مساء الخير جميعاً
كيفكم...
عندي تعليق او بالاحرى هو تساؤل
ياترى الي يرسل على حساب صراحة عنده الجرأة يصرح بالشي الي
يرسله مع التعريف؟؟
ولا عشان هوية المرسل تبقى مجهولة هالشي يعطيه مبرر انه يتبجح بتعليقات
في الواقع ما يملك الشجاعة انه يقولها!!!!!!!!!!!!
عن نفسي ما رسلت ولا ممكن ارسل لاي شخص اي تعليق ما املك الجرأة اني اواجه فيه
بس ترا في قلوب وسخه تتلذذ تجرح أعراض الاخرين اذا هويتها في الظلام ومجهولة
صحيح فكرة الصراحة تعتمد على انك تعرف الاراء بدون معرفة المرسل بس ترا في
خيط رفيع بين الوقاحة والصراحة
وبالاخير ليش الواحد يشيل هم كلام ما يسترجي صاحبه يقوله قدامك
هالفيلم لجاكي شان..رهيب جدا
تحكي قصة واحد من نخبة القوات الخاصة الي يلاقي نفسه فاقد الذاكرة بوسط قبيلة أفريقية
ويبدأ البحث عن هويته...يكتشف بلاوي :eek:
فيلم اكشناتي فنان
https://www.youtube.com/watch?v=j4Mcb1u4qwE
صباح الورد للجميع
كيفكم يا world
الاسبوع القادم عيد ميلاد الخالدي وحبيت اعمله شي سبيشل
فكرت أفاجئه الروضة بكيكة وهدايا حق ربعه بدون ما يعرف
وبشوف ردة فعلة
هو دايم يقولي ان زملائه يجيبوا حلاوة واشياءات حلوة
لما يكون معهم مناسبة ويوزعوها على بعض
قلت بسوي توزيعات وبحطهم في اكياس هدايا وباخذ كيكة وكم شغلة وبطب عليه
الفرحة للصغار ..ولما يشاركوه اصدقاءه وربعه اكيد بيفرح..غير لما نحتفل فالبيت مثل كل مرة
اليوم ابغا اهذبر
احسن النوم بيقطر من عيوني
هالايام الشغل نايم وشكلنا معاه
المهم
قبل كم يوم كنت أتواصل مع وحدة من قريباتي وأسالها عن ولدها
كان بيسوله عمليه ..يشيلوا اللوز ولحميه بالانف
عاد تقولي من يوم مدخل التنويم للحين وهو يصيح من الخوف..
تذكرت نفسي لما سويت اخر عملية جلست اصيح مثل الصغار من الخوف ههههههههه
فقلت ما ينلام ياهل
الموهيييييييييمم
بالخميس بعد ما رجعت من الدوام رحنا نشوفه البيت كان مرخص
وقريبتي تخبرني بلي صار.
تقول كنت بروحي محد معاي وزجي بالدوام ما سمحوله يطلع
المفترض أن مدة العملية ساعة وحدة بس على حسب كلام الاطباء
لكن مرن ساعتين ومافي اي خبر عن الولد
الأم كانت متوترة وتبكي وتاخرهم بالعملية زاد الوضع سوء
راحت جنب مخرج العمليات تسال السيكيورتي الي على الباب
تقول ممكن تسال ولدي فلان..شوفه في الافاقة ولا وين
قالها بكل برود من يخلصوا بيجيبوه الجناح وين بيودوه يعني روحي هناك انتظري ولا تجي هنا مرة ثانية
صبرت الام وحاولت تتماسك وكل ما شافها جايه صوبه يعمل باصبعه حركة دائرية بمعنى رجعي من وين ما جيتي
بعد ثلاث ساعات الام انهارت ومن كثر البكاء ماقدرت تمشي
كل الي دخلوهم بعد نقلوهم الجناح
عاد وسوسة الشيطان وبرود موظف الأمن زاد الطين بلة
بعدين وحدة من الامهات الي شافت الموقف وكانت تنتظر ولدها يدخلوه العملية
قالت هذي بتموت قبل لا يطلع ولده ههههههه
راحت واتصلت فولدها وهو ممرض بالمستشفى بس بقسم ثاني
وخبرته السالفة وخلال دقايق جاءها الرد ان الولد عمليته خالصة بس
مخلاي في الافاقة عشان مسوايله عمليتين بعمليه وحدة
يعني موظف الامن وش بينقص منه لو طمنها او سال الممرضين عن الولد؟؟
لازم يعني هالنفخة؟؟
لو انا بشتكيه للادارة ..صحيح هو كان يؤدي عمله
وما خالف النظام بس الواحد يختر الطرق اللين والاسلوب اللطيف مع الناس
خصوصا بهالمواقف
أمين يارب
ويخليلكم حبايبكم وكل عزيزعلى قلوبكم
الله يرزقكم السعادة والرضا و500الف ريال
اقتباس:
المشاركة الأصلية كتبت بواسطة حبي خالص
وأنتي بصحة وسلامة خلوص
تسلمي الغلا
اكيد فرحة الاطفال اكبر لما يشاركهم اصدقائهم
اممم
كلام المديرة منطقي خاصة اذا كانوا اطفال يحسوا بالنقص عشان امهاتهم مب معاهم
بس فكرة توزيع الهدايا على الجميع فكرة جميلة تعلم الطفل حلاوة المشاركة
الله يرحم امهات المسلمين كافة
يملئ قلوب اولادنا بكل سعادة
http://up.omaniaa.co/do.php?img=10052
I like it
اللهم إني أصبحت بنعمة وعافية وستر
فأتم نعمتك علي وعافيتك وسترك في الدنيا والآخرة
صباح الخير
جميل ان ترسم الابتسامة لشخص ما بكلمة طيبة او تشجيع
او إطراء لطيف ..
كن كما انت دائما
فلا شي يدوووووووووووم
الأموات محبوسون في قبورهم نادمون على ما فرطوا
والاحياء في الدنيا يقتلون علي ما ندم عليه اهل القبور
فلا هؤلاء الى هؤلاء يرجعون
ولا هؤلاء بهؤلاء يعتبرون
(عمر بن عبدالعزيز)
أفضل أنواع المعرفة
أن يعرف كل شخص حدوده
تعلم كيف تتجاهل كل شيء
وتقف وحيدا دون مساعدة أحد
تعلم أن لا تعيش على الانتظار
وان لا تكون هامشا بحياة أحد
صباح رائع لكل من يمر من هنا
الي قال أن مدونتي حلوة ومتنوعه بس فيها أشياء بعد تلوع الكبد
أقوله تسلم كلك ذوق وماعليك زود
مرورك تشريف ومن ذوقك أن المدونة حلوة ومتنوعه
وترى أنا يا طويلين العمر لما فتحت المدونة فتحتها عشان تكون
على مقاسي وذوقي ..هي مني ولي
وطبيعي الي يعجبني ماشرط يعجب غيري
والي أشوفه حلو غيري يشوفه لا
بالمختصر
مو ضروري كل شي يعجب الكل..على قولة القايل
موضروري أعجب كل الناس ..أنا مو كل الناس تعجبني
شكرا ملايين وأهلا وسهلا بك وبمرورك الكريم
أما الي يقولي انا رجال ومسوي نفسي حرمة واني أتذاكا على قولة
وأن كل الي بالسبلة كاشفني
بصراحة مدري وش أقول
انا رجال ..أنا حرمة..أنا جني
هذا شي خاص فيني
ودام ما أسأت لأحد ولا ضريت أحد ف(كلوز يور ماوث بليز)
شكرا جزيلا على دعوتك لي بالهداية
هذا اكثر شي نحتاجه بهالايام
كثير أسمع عن الايحاء النفسي
بس ماكنت معطتنه إهتمام
بس بالفترة الاخيرة صار عندي زيادة وزن سريعة
مع العلم اني ما أكل ذاك الزود
صحيح الاكل بالدوام كله وجبات سريعة بس وقفت من فترة
وصرت استبدلها بفواكه .حتى بالبيت أبو العيال ينتقد اكلي واني ما أكل معهم بالبيت
بصراحة لو أكلت وجبتين فاليوم زين
طيب هالوزن من وين جاء؟؟ وهل محتاج أسوي ريجيم؟؟
أنا قد ما أقدر أحاول ابعد فكرة الريجيم من رأسي
معنا زميل قرر يسوي ريجيم بأمر طبي لانه عنده وزن زايد
ومسكين قام ياكل فواكه ..بس صار مطنزه
الكل يضحك عليه..الي يقول شوف ابو فلان خس
يرد عليه الثاني (خس ولا خيار) وطايحين فيه تهزأ
وعاد انا لاعت كبدي ريجيم مافي .
الشي الي عاجبني أن صاحبنها يدخل من هالاذن ويطلع من هالاذن
لو أنا كان كل يوم بيصيحوني هههههه
نرجع لموضوع الايحاء...
أظن والله أعلم ان السبب فيديوهات الاكل الي مبحلقة عيني عليهم
يمكن العقل الباطن يتفاعل مع الصور يتخيل انه ياكل هالحلويات ههههههههههههه
وقام يمتن لاهو ولا انا دارين فيه
أسميك يالعقل الباطن طلعت مو شوية
مأأعرف اذا هالتحليل منطقي ولا انا أدور شماعه اعلق عليها أحساس الذنب والتذمر الي أحس فيه تجاه نفسي
لذلك بنصبر وبنشوف لعقب رمضان(الله يبلغنا ياه) واذا ماكو فايدة
لازم نسوي جلسه تأديبيه لهالعقل الباطن
..أنتهى...
الي يراقب وضعي على مدار اليوم
كيف الوضع عندك تمام ولا كيف؟؟؟
من حق نفسك عليك أنك تكون غالي عند نفسك
الي بيكسبك لازم يتعب عليك
والي يزعلك لازم يتعب عشان يسترجعك
لان الناس أي شي يحصلون عليه بسهولة يسترخصونه!!!
ترى الي أفترقوا للحين يحبون بعض
وللحين يحتاجون بعض
وللحين يبون بعض
بس في طرف ثالث حاجز مبينهم
مو شرط يكون شخص
يمكم يكون موقف
مفتقدة بنت بالتروويح
مدري غيرت معرفها ولا أختفت
مدري شو معرفها بس في الثلج
كانت دايما تكتب قي موضوع (لمن تهدي الورد اليوم)؟
أهدي باقة ورد لزوجي العزيز وعائلتي الكريمة حفظها الباري
ش علومها هالبنت؟؟
اللهم أنا نسألك العفو والعافية
في الدنيا والاخرة
أستغفرك يالله
طمعا بخطيئة تمحى
وأجراً يأخذنا إلى النعيم