نبض الإحساس .. سجّل احساسك في هذه اللحظه

المعاني مثل ما هي تحتويك /
لكن احياناً تناقض نفسها ،
ما احبك ، ما اودك ، ما ابيك /
في ( فم العشاق ) تعني عكسها

تستاحش النفس والدنيا لها تالي /
ويخشع لك اللي بعطفك م أنكسر ظنه،
يارب أنا في رجاك و أربع آمالي :
رضاك والستر والغفران والجنه

للحين وانا ارسم ظلاله .. وظليّ /
وابني من آمالي على شوفته صرح ،
ما يذبح المغرم سوى مفارق الليّ /
ما جاه منه لا خيانه ولا جرح

عطني شعورك ما بقى عندي شعور/
عيني على ( الوتساب ) ترقب ما حصل،
اضيق لا من شفت لك ( اخر ظهور )
وارتاح نفسياً لا شفتك ( متصل )

قوامك وجمالك التكويني /
في عالم الحلوين .. آخر حبهّ ،
ابغيك لي وإن كان ما تبغيني /
دورّ لي واحد يشبهك وآحبهّ

في حنايا الناس .. لوعات" توارى /
والقناعه : ساس راحات النفوس ،
كل ما شفت ابتسامات الفقارى /
اندهش من ضيقة عيال الفلوس

لا تقول ليه الناس بالفكر عكسك /
هي حاجتين اقنع بها عقل واحساس ،
ارضاء ربك .. قبل ارضاء نفسك /
وارضاء نفسك قبل لا ترضي الناس

جيتكّ فرحه .. وروحاتك هموم /
يشبهك جوّ المطار بكل باع ،
الفرح غامر بصالات القدوم /
والحزن دايم بصالات الوداع

حبني لك جعل ذا الدنيا فداك /
يا أكسجيني يا بعد شوف العيون ،
ليتهم يدرون عندي وش غلاك /
كان تابوا بـ القفا مايعذلون

يا كثر ما نكتم اللي ما نقوله /
بس يبقى العِلم هو ساس التعلمّ
، كل ناقص لا حكى يمدح فعوله /
وكل واثق : عنهّ فعوله .. تكلمّ