نبض الإحساس .. سجّل احساسك في هذه اللحظه

الوقت ماهو بـ هو والجرح متعدد /
وزلة رفيقي اجنبّ ما يفادحها ،
ودي لو اني نصحته بس متردد /
الناس ما عاد تبغي غير مادحها

ضحيت لجل عيون من قال لي : ضحّ /
ومرت سنه من حبنا ما اجتمعنا ،
انا احبه صح ويحبني صح /
بس الخلل في حبنا .. مجتمعنا

حافي ويمشي له على شوك سدره /
وابسط مثال لـ ضيقته وانكساره : رجل"
لا جاه ادنى طفل ضم صدره /
عقيم ويحس إن حياته (( خساره ))

خلني مرتاح .. في فرقاك راحه /
المحبه عكس تفكيرك وعكسك ،
كنت احبك للاسف بس بصراحه /
انت ما حبيت .. أنت تحب نفسك

امسح اخطائك وحاول تنتشل /
كل فكره ما وراها الا وطا ،
الخطا احيان ما يعني فشل /
الفشل تبقى على نفس الخطا

ابشرك .. قلبي عن العالم قنع /
ودامك معي فـ انا بخير ومهتني ،
يذبحني إن حكاك سهل وممتنع /
(( قتلتني / قتلتني / قتلتني ))

دام الله معافيك يا طاهر العرض /
قناعتك تغنيك في كل الاحوال ،
تدري من افقر شخص في كوكب الارض /
اللي ما يملك في حياته سوى المال

الله ما يخلق داء إلا له دواء /
سواء داء النفس او داء المرض ،
لا تسأل العالم علاج : الابتلاء /
سجده ودعوة رب توفي بالغرض

في كل ليله لك من انفاسي نصيب /
وفي كل ساعه .. والمشاعر عانيه ،
ما قول حتى بالثواني ما تغيب /
طيفك معي حتى .. بجزء الثانيه

يا من على اعراض المخاليق عساس /
محد" بناقص ذنب .. وفرّ ذنوبك ،
ابدآ بنفسك قبل لا تنصح الناس /
واترك عيوب الناس واصلح عيوبك