المشاركة الأصلية كتبت بواسطة ملاك السلطنة
والله أيام كورونا أصعب الأيام.. و خصوصاً لما تنتقل العدوى من شخص لشخص ف العائلة.. إحنا بدايتها قبل شهرين تقريباً رحت بيت أختي لمدة يومين و عاد هناك تلاقيت مع أهل زوجها.. اللي يكونوا عيال عمي.. و عاد منها طاحت عليهم بنت عمي و طلعت مصابه بكورونا بعد الفحص.. و عاد بعدها صارت الأعراض كل مرة تظهر ف شخص .. و اضطريت أنحجر معهم و منها ظهرت الأعراض للأغلبية.. و تقريبا ثالث يوم حجر معنا توفى عمي ربي يرحمه.. و هذا اللي صعب الحجر علينا و صارت الأيام ثقيلة جدا علينا.. منها معك حجر و منها معك عزا..
لكن بالنسبة لي صرت أنام أغلب وقتي حتى تمر الأيام و تنسى الشعور النفسي و الجسدي.. و الحمد لله على كل حال
