سيارتك هل انت محافظ على صيانتها الدورية

أخي محمد صراحة أنا ما أعرف في السيرفس و هالأمور بس أعرف أشيك على التواير و أسوق
لكن أخواني ما مقصرين ف امور السيرفس و النظافة

مـــن بـــاب الأمـــان والســـلامــة لابـــد مـــن الحـــرص علــى صيـــانــة السيــــارة فـــي مــوعـــدهـــا
نعــم يحـــدث أحيـــانا بعــض التأخيـــر بســـبب الظـــروف .. لكـــن يجـــب أن لا يطـــول
لاسيمـــا عنـــد الحاجــــة لقطـــع مســـافــــات طـــويلــــة ..

شكـــري الجــزيل لك أخـــي العلـــــــــــــوي

هلا محمد ..
الله ياخذ ابليسك بس .. يعني لازم تفضحنا ..!!؟ هههههه
بصراحه انا من النوع المهمل جدا لسيارتي لدرجة ان ربعي يقولوا لي لو السياره تتكلم كان صرخت منك هههههههه ..
من ناحية النظافه اهتم تكون السياره نظيفه بس سالفة الفلتر والزيت هذي شهور تمر والله لين اتذكرهم واغيرهم رغم اني وايد خطوط اروح بس الحمد لله الله ساترها معي وحافظني وبكل امانه ولا مره اختربت اي سياره علي بالطريق والحمد لله رغم شدة اهمالي اللي اعترف اني غلطان فيه بس ترا الطبع غلاب زي مايقولوا ههههه ...
ولما اروح اغير فلتر وزيت ورغم اني عارف انه خلاص واصل حده ومعدي بس ايلس اسأل الهندي بكل براءه :
هاا رفيق كيف الآيل والفلتر زين ولا تعبان ؟ وتجيني عاد اجابته اللي يقولها بكل ثقه : فااااجد تعبان بابا هههههههههه ..
الف شكر لك واتمنى من الجميع يهتمون بسياراتهم لايمشون على كلامي انا لأني حاله شاذه عن القاعده بصراحه ههههههه .. كل الود لك مني

لﻷسف ما اهتم ف صيانتها. ...ووقت ما تعدي بخبر اهلي يشلوها سيرفز. .
ولا اشيك قبل لا أطلع....تعودت كذا والله الحافظ....وبخصوص نظافه الحمد لله. ..

يوم يكوون عنندي سيارهه فراري بخبركم اذا بححافظ عليها او لاا

الصيانة الدورية المجولة من قبل الوكالة يجب يجب ان نلتزم بها لان وكالات السيارة يبحثون عن اي حجة حتى يسقطون بها الضمان لذلك يجب ان نفوت عليهم هذه الفرصة . وانا صارت لي مرة طلع لي مشكلة ببطارية السيارة وهي تحت الضمان ورحت للوكالة قالوا انك ما جيت على الصيانة الدورية وكانوا بيدفعوني قيمة الاصلاح لهذا السبب وكانوا بيسقطون الضمان
انا شخصيا ملتزم بها للسبب اعلاه
شكرا لك اخي محمد على طرح هذا الموضوع المهم والذي يغفل عنه اكثير اما جهلا ونسيانا واما تكاسلا