الوجبات السريعه ؟!!

زين التنويع في الاكل
اقل شي في السبوع مره وحده نوكل من المطعم

انتشرت هذه المطاعب التي تقدم الوجبات السريعه ولكن ايضا في المقابل نجد الكثير من الزبائن يترددون الى مثل هذه المطاعم مطاعم الكنتاكي والماكدزنالدس وغيرها من ذات الشهره اغلبها المقصد منها الاتكيت وانه انا ذاهب المطعم الفلاني وليقال لي انني متحضر
لا اخواني هذه ليست تحضر وانما هذه الوجبات تجلب السم وما تحتويه من دهون وهل فعلا هم يحطون لحوم اودجاج ؟؟؟



الحين للأسف الشديد حتى مقاهي الشورما اصبحت لها اقبال شديد رغم رفع اسعارها وخصوصا في السيب وما تشمله من الخوض والحيل والموالح والمعبيله وانا اتكلم عن اماكن تواجد الموظفين وطلاب الكليات والجامعات ...


الشيء الوحيد هو التقليل قدر الامكان من تناول هذه الاطعمه وبتدرج


نسال الله العافية
والف شكر لصاحب الموضوع

هو صحيح اكلهم غير صحي والله المستعان كيف يسوى
بس ربكم كريم
اهم شي النيه

اقتباس:

---

المشاركة الأصلية كتبت بواسطة alknas_9

عندي موضوع بسيط حبيت اطرحه: وقد يكون يخص الفئه الأكثر البنات لكثره ترددهن على مطاعم الوجبات السريعه(الكنتاكي)إلخ...
يخبرني أحد الأصدقاء سابقا كان موظف عندهم يقولي في مره عامل فلبيني يجهز الوجبه وطاحت شريحه اللحم على الأرضيه وشالها وحطها داخل الوجبه ونحن ما نعرف ايش ألي حاطنه لنا لأنه ضمير ما عنده وما اعتقد في مراقبه مشدده بس يقولي انا لاحظته لما اخذها من على الأرض ومسكته قلت له ليش تسوي كذا أعتقد يفكر محد يشوفه اهم شي انه هذا الشخص عمل الازم ورماها بالكامل وصارت مشاده بينهم
ويخبرني بعد أنه شرائح اللحم ألي يحطوهن كله دم يعني من غير الأشياء ألي يحطوها داخل وما نعرفها هل هي صالحه للأكل وألاحظ كثير من الأشخاص لما يأكل من هذي المطاعم يجيه اسهال شديد ومن وجهه نظري ان الوجبات هذي اصلا ما فيها فايده والبنات تحصلهن 24ساعه طلبيه وما يخلى المكان منهن وفي بعض الشباب بس الأحظ الفئه الأكثر الأناث ومن غير الأمراض العديده التي تسببها مطاعم الوجبات السريعه اولها السمنه والكثير من الأمراض
ف هذي نصيحه حبيت اقدمها لكم وكل شخص عنده الحريه في اختيار وجباته

---

الطبخ فى البيت افضل وانظف ... شكرا لكى ع المعلومات

بيتزا.
هوت دوج
كنتاكي
شوارما
وكل الوجبات السريعه ما اكلها الحمد لله ..قاطعنها من عشر سنوات...اهم شي العزيمة على المقاطعه

هذي المطاعم همها الربح وليس الجودة...وتقريبا كل المطاعم للوجباات السريعه كذا..

حتى الي يقول المطاعم الراقيه اكلهم نظيف..ظاهريا ايوا..بس داخل ماتعرف كيف يحضرو الوجبات.بلا رقيب او حسيب.

الله يعين المضطر اذا ياكل من ها المطاعم..واكل البيت افضل طبعا.

ناهيك عن المضار الصحيه...والمصيبه الاكبر الاطفال الحين يتبعو نهج الاباء ف الاكل من مطاعم وجبات سريعه وهذا اكبر غلط.

كل الشكر على النصيحه....

الوجبات السريعه خلوها على الله الحاجه سويدة وجه مثل ما يقول المثل خنقتني العبره ..:(