عرض للطباعة
http://www.sherv.net/cm/emoticons/by...y-emoticon.png بمناسبة عيد الاضحى المبارك اتقدم لكل من يزور صفحتي ،،
بأجمل واعذب تهنئة ،، بارك الله ايامكم جميعها وتقبل منكم صالح الاعمال ،، اعاده
الله علينا وعلى الامة الاسلامية بالخير والمسرات،،
محبكم دائما
شادو الشادوهي ,
طعن السيوف ولا طعن الكلام يالغالي ,
وانا الي اعتبره مثل ولدي (اخو عزوز)
هالمرة نازعته وما عيبك ياخوي
لكن المرة الياية اذا طول لسانه , بزخ له عصى http://www.sherv.net/cm/emo/laughing...h-laughter.gif
http://www.sherv.net/cm/emo/happy/tr...y-emoticon.png
(قمة التحدي أن تبتسم وفي عينيك الف دمعة)
فيني صمت رهيب .. بيقتلني والله ..
محتاي دعوة صادقة للغالي ابوي بالشفاء !
والله اني تعبان
والله اني اريد ابكي
والله مخنوق
والله الوم نفسي
(( لا إِلَهَ إِلَّا أَنْتَ سُبْحَانَكَ إِنِّي كُنتُ مِنَ الظَّالِمِينَ ))
متنفسي ... الكتابة ..
[ودي أكون أي شخص ثاني]
حلقة مفقودة بعنوان (حمـــــــــد)
جون:..انا مسؤوول عنك في غياب ابوك .. ارجوك خبرني شو فيك متضايج.؟؟..
وليش يالس تنبش في الاغراض بهذي الصورة؟؟؟
منصور طلع من الغرفة:...خووووز عني...
وراح صوب مكتب ابوه...
ودخله....ويلس يشوف عليه،،،وبدأ يفتح الادراج...وما حصل شي...!
وبعدين راح صوب المكتبة ،، وكان حذاها كبت صغير وعليه اكواب وجيك ماي زجاجي...
يلس منصور على ركبته وفتح الكبت،، كان جون واقف ويتشيم منصور يوقف عن الي
يالس يسويه لانه بيتعب قلبه بهذي الطريقة...بس اول ما فتح منصور الكبت تفاجأ بين الاغراض..
بصندوق من خشب جنه مال نعال..
منصور مسكه وكان فيه ثقل....
جون تغيرت ملامحه...وسكت...
منصور فتح الصندوق...
{ مهما جلسنا نضحك وناخذ من الحب المتاع
لابد لحظات المفارق نرتشف كاساتــــــها }
وللأسف ما كان صندوق نعال...
حصل داخله غرشة ومب أي غرشة....كانت غرشة خمر،،،ومن شكلها مب مبطلة،،
مسكها منصور وكانت بطول ذراعه،،يلس يشوف عليها وهو مصدوم،،
منصور سكت...وهو ياخذ نفس عميق..رفع راسه ونظرته تلاقت ويا نظرة جون الي كان منصدم هو الثاني....
نفس اللحظة وفي المستشفى:
حمد يفتح عيونه .. والممرض كان يضربه بالدواء في ايده..
حمد وهو يتألم..كان يشوف حواليه...ومستغرب وين راح منصور ؟؟
حمد سأل الممرض:..وين .....ولدي ؟؟
الممرض:...طلع ...من نص ساعة تقريبا...
حمد استغرب رقدته الطويلة:...وين ......راح البيت ؟؟..
الممرض:...والله ما اعرف..ما عطاني خبر..
حمد:...ممكن تتصل به ؟
وفي البيت:
مكتب حمد:
منصور رفع راسه ونظرته تلاقت ويا نظرة جون الي كان منصدم هو الثاني....
وقف منصور وهو يشوف على الغرشة....
وبدون أي مقدمات ..ضرب بها على الارضية من عصبيته وجون صرخ:...لاااااا....
لكنها من ثقلها ما انكسرت...مسكها منصور مرة ثانية..وطلع من المكتب،،
جون يحاول يمسك الغرشة عن منصور:....ٍسيدي منصوووور ... بتأذي نفسك...
منصور معصب:..خووووز عني.......
طلع منصور ومن الطابق الثاني ،،،
فلت غرشة الخمر،،،
وطاحت تحت على ارضية الطابق الارضي وتكسرت،،لدرجة خلت الحرس والمطاريش
وحتى الخدم الي يشتغلون فالبيت يطلعون وهم مستغربين،،
سبحان الله....من ادخلوا بيت حمد...
كانت هذي اول مرة يسمعون صوت شي يتكسر فيه وبهذي القوة...
منصور وقف شوي على حافة الدرج....وهم يشوفون عليه....بعدين سحب عمره صوب غرفته بدون ما يتكلم،،
وهو يمشي ياه الاتصال من المستشفى حتى انه ما رد ودخل حجرته..وجون كان يشوف عليه
بكل هدوء لانه عرف بالي يالس يفكر فيه منصور...فأمر الخدم وقاموا ينظفون المكان..وبعدين رد وطلع عنده،،
:
:
دخل جون على منصور الي كان يالس على الكرسي ... دخل وسكر الباب وراه بكل هدوء...
تجدم بخطواته الين ما وصل عند منصور...ومنصور يشوف عليه...
وقبل ما يتكلم جون..منصور ياه اتصال ثاني بس هالمرة كان من عند عمه ضاحي... ولانه مضايج ما رد....
جون عاد تكلم بالانجليزي:....سيد منصور...الامور مب مثل ما.....
منصور جاطعه وكان نفسه صاعد:.....ارجووووك...ما اريد اناقش شي...
جون:...السيد حمد .....(وقام منصور من مكانه ومشى جم خطوة وهو يمسح على ويه)
جون يكمل:...السيد حمد....ما يسويها...
منصور بصوت عالي:...جووون الله يخليك لا تقول ولا كلمة....انت وياه متوامين (متفقين)... ومستحيل تخبر عليه....
جون:....انزين انت منو خبرك ؟؟؟ من وين سامع ؟؟؟؟
منصور وبيده أشر على النفي وسكت... وراح ييلس على حافة السرير لانه اصلا تعبان ومب قادر يوقف...
ساعتها شاف عليه جون وعرف ان سكوته احسن ....وان الموضوع اكبر من انه يتدخل....
عشان جي حول اهتمامه حق منصور يوم شاف التعب كيف بادي على ويهه...
منصور بعدها طلب من جون يطلع:.....تقدر تــ..ـتطلع ...وخلني ارتاح شوي...
جون سكت شوي بعدين قال:... انا ما بناقشك في الي صار ...الي يهمني الحين انت !!...سيد منصور...
بطلب لك الغداء بعد نص ساعة.....
منصور سكت وما رد عليه.....
وطلع جون ...
منصور بطل غترته وعقها على الكرسي وبدت عليه ضحكة خفيفة وجنه يستهزأ
وقال بصوت خفيف:...غرشة خمر خاشنها عنده......شو يتمنظر بها يعني ؟؟؟؟ .... و...
والناس الي ترمس من وراه......يالله !
قام وبطل معاقم كندورته العربية.....كان يحس بجسمه ساخن وعظامه تعوره لدرجة انه
يحس بنفضة في كل جسمه...والويع الي في صدره زاد عن امس...
هو مشى الين ما وصل دورة المياه وبالتحديد عند المغاسل...وقف وهو يشوف عمره فالمراية..
منصور: ... والله بودرك لو طلعت تشرب...... بس !
منصور بطل الماي:.....بس ... وين اروح ؟
منصور رش على ويهه بالماي وهو يشوف فالمراية:.....ارد عند سعيد ؟......شو بيقولون الناس ....
منصور وحزن بدا عليه...كان ناوي يصلي عشان جي توضأ...وطلع وهو ماسك فوطة ويمش بها ويهه من الماي...
وفي نفس الوقت حد كان يدق الباب عليه.....
منصور ما كان له بال وما رد..
بس جون دخل:...سيد منصور !!
منصور شاف على جون وكان وياه "ذياب" ولد عمه ضاحي (ذياب الي عمره 27 سنة وبعده مب متزوج بينه وبين منصور حساسيات دوم)
منصور مستغرب وجود ذياب...
دخل ذياب وسلم:....السلام عليكم...
يتبع >>
منصور رد:..وعليكم....السلام...
ذياب:...شخبارك يا ولد العم ؟
منصور حط الفوطة على ينب ومستغرب:...الحمدلله....
ذياب مشى الين وصل نص الغرفة:.....وينك ما ترد ؟؟؟ فيك شي ؟؟؟
منصور وتذكر اتصال عمه:.... ليش ؟؟...شي هناك ؟؟
ذياب وكان لابس غترة بيضة وكندورة بيضة... وفي ايده التيلفون والنظارة الشمسية...
ذياب:....كنت مار جريب من البيت واتصل بي الوالد يقول انك طلعت من المستشفى
من دون ما تخبر عمي حمد....عاد قلت بخطف عليك اشوفك ....
منصور ورد عقم كندورته:...هيه.... طلعت لانه كان راقد ما بغيت انششه.....
عن يكون ذاك رقم المستشفى !!!...اووففف ما رديت عليهم...!!
ذياب يشوف على منصور:...متأكد ان ما فيك ؟؟...
منصور شاف على ذياب:...لا ما فيني شي...بس تعب ... تعرف انت وقفة المستشفى...
ذياب شاف على منصور بنظرة...ومنصور يشوف عليه مستغرب وقفته...
صد ذياب على جون:....جون .. ممكن تتركنا شوي ...
جون عارف شو ورا ذياب وطلع عنهم....وسكر الباب وراه......
منصور مستغرب........وذياب ساكت يشوف على منصور...
منصور صد عنه وراح صوب الكراسي الي في غرفته ويلس وجان يقول:.... تعال......وقول شو عندك بعد انته..؟؟
ذياب كان يشوف على منصور بطريقة غريبة:.....شو هذا الي برع ؟؟؟؟؟؟؟
منصور:...الي شفته....شو بعد ..
ذياب:...أسألك شو هذا الي برع ؟؟؟؟؟؟؟
منصور يتمصخر عليه:....ماشي غرشة فيمتو طايحة من فوق ...
ذياب وبان عليه انه عصب لانه عارف انها غرشة خمر:...غرشة فيمتو ؟؟.. هاه ؟؟؟....
يعلك شو بقول عنك ....الريحة شااااالة المكان ....
منصور نش ومعصب:.......خلها تشل ......شو لك انت ؟؟؟ هاه ؟؟
ذياب قرب عند منصور:....من وين هالخمر ؟؟؟؟؟؟؟؟؟ وكيف جذا صار ؟؟؟؟؟
منصور صد عن ذياب وما تكلم.......
ذياب:.....ارمس..... شوووو لا يكووون تشرب ؟؟؟
منصور ساكت......
ذياب:.......تكلم......شو يايب لنا من مصاااايب بعد ...؟؟؟؟؟
منصور كان عاطي الظهر وبعدين رد وصد:....أنـــــا ؟؟؟
ذياب:..هيه انته ؟؟؟؟؟؟ .... منو غيرك فالبيت ؟؟؟؟
منصور منصدم:...انت شووو فيك علي ؟؟؟؟؟....
ذياب:...انا ما فيني شي عليك............بس ياخي مصختها .. بتقول من وين طانفنه هالخمر ولا لا ..؟؟؟
منصور بكل هدوء:.....هالغيرة الي فيك ودرها عنك...
ذياب وعصب:..شو ؟؟...أنا اغـــار ....؟؟...
منصور رد:... هيه تغار...... انا اعرف شكثر ابوي كان وياك اربع وعشرين ساعة ومخلنك مثل ولده واكثر،،
والحين وانا هني ......... الوضع مب مثل قبل...
ذياب يشوف على منصور. ....
منصور كمل:...فأرجوووك.......لا تظلمني بكلام....والسبب انك مب طايقني ., . .
ذياب تكلم:.... تسمي هذي غيرة ؟؟؟.... انت ولده وتطلع عنه بلا حس ولا خبر والمسكين
ييلس يدقدق عليك التيلفون وانت حضرتك ما ترد......... ويوم اييي احصلك مشغول بغرشة خمر ....
مسكين عمي ما يدري عن شي ... ولا لو منه جان ما نشدت عنك .. . .
منصور وعليه ابتسامة استهزاء:...صدجني يدري .... هو يدري عن كل شي... وانا الي ما آدري عن شي....
ذياب بدأ يتوه:....شو تقصد ؟؟؟
منصور شاف على ذياب بنظرة وكان يكلم نفسه:..."هذا الي بيعرف اذا كان ابوي يشرب..."
ذياب يشوف كيف منصور ساكت:.. تعرف شي ... انا طالع عنك... وانت صرف نفسك ....
ذياب وهو يمشي صوب باب الغرفة يريد يطلع وكان متضايج:...والله انه ما ترقع بخير يوم دخلك في
هذا البيت...... لعوزته وغربلته.....(يقصد ان منصور لعوز عمه حمد)
ويوم مسك قبضة الباب ...
منصور تكلم عاد:....ابوي ..... ابوي بعده يشرب ؟
ذياب منصدم ورد يشوف على منصور:... جني ما سمعت زين ؟؟.... شو تقول ؟
منصور على صوته:...خبرني ذياب ؟ كان شارب وهو مسوي حااااااااادث ولا لاااااااا ؟؟
ذياب ورد يمشي صوب منصور:....شو يالس تتحرطم انته ؟؟؟
ذياب عصب وقام يأشر بإيده صوب منصور:...كيف ترمس عن ابوك هذي الرمسة ؟؟؟
وحمى الموقف بينهم،،
منصور تقرب عند ذياب:.....بس خبرني شو مستوي ؟؟؟؟؟؟؟ وشو سالفة هالخمر في مكتبه ؟؟؟
ذياب يشوف في عيون منصور ومعصب:..... في مكتبه ؟؟؟....
منصور يشوف على ذياب.....
ذياب مستغرب:......وشو الي طيحها من فوق ؟؟؟
منصور:...انا ...........الي وريتها من فوق ......من حرقة في داخلي يوم شفتها.....
ذياب بعده مب مستوعب.......
منصور ورد قال: ...خبرني .....يشرب بعده ؟؟؟؟؟؟؟
ذياب وبصوت عالي:....لا يالنذل ......وبعدك تردهاااااا.....!!!!!!
منصور رد :...لااااااااا تقولي نذل ....اذا حد نذل ترا محد غيرك ...
ذياب ومد يده وكان يريد يضرب منصور بس منصور مسك ايده قبلها....
تلاقت نظراتهم ويا بعض...
منصور بانت عليه نظرة تعب وان الي ياه وايد..يريد يرتاح....وهالموضوع كبير من
انه يقدر يتحمله خصوصا في حالته هذي.....توه طالع من الموت...وبعده الين الحين ما اتعافى بشكل كامل...
ذياب وهو يمط يده بالقوة:...والله لو انك مب مريض جان شفتني زين اليوم شو بخدم بك...
يتبع>>
منصور دز ذياب على صدره:....هذا ابوووي قبل ما يكون عمك انزين ........ واذا سألتك ترا ما بتكلم من الهوا ...
ذياب صد عن منصور وبكل عصبية:...من الهوا ولا من التراب......إلا عمي انا ما ارضاها فيه......كيف وانت ولده ؟؟؟؟
خبرني كيف ترمس هالرمسة ؟؟؟؟؟
منصور ونفسه بدأ يصعد أكثر:...انا .... اللي ما ارضاها قبلك..........
ذياب يشوف على منصور كيف يده ترتجف:....عيل شوووو ؟؟؟.... لازم يكون لهالغرشة تفسير ثاني ....
مب لازم يشرب يعني...
منصور وقف:.....و...الناس...الي ترمس....
ذياب وشوي بدأ يهدي:...اي ناااس ؟؟... خبرني والله لأمسح بهم الدعنة (الارض)...انت من وين سمعت ؟؟؟؟؟
خبرني بس ؟؟
منصور كان يتكلم ويده مسح بها على صدره:.....قالوا......
ذياب شاف على منصور:... شو فيك ؟؟ ..
منصور يكمل:...قالوا...وخــ.. خلاص...
ذياب يشوف كيف تغير ويه منصور ....
منصور يأشر على صدره:....انا ... انا ما اصدج في ابوي........
منصور يردد:.....ما اصدج فيه....هذا ابوي.....
ذياب هدت نفسه وجنه تلوم لانه تهاد ويا منصور: انزين....ايلس اشوفك تعبان....
منصور مسك بحافة الكرسي بيده ونزل جسمه شوي شوي ويلس على الكرسي .... كان يحس بتعب في جسمه كامل....
ذياب يشوف على منصور الي كان مكبس راسه ... ويتنفس بقوة.....ومرت دقيقة صمت عليهم...
وفجأة جون دق عليهم الباب .. ودخل وكان معاه واحد من الخدم..
منصور وذياب يشوفون على جون بنظرة استغراب ... وجون عليه ابتسامة خفيفه والخادم كان مكبس راسه من الخوف..
جون تكلم: سيدي منصور .. ممكن اتكلم ؟
منصور كان ساكت وما رد عليه .. بس ذياب شاف عليه: قول جون ... خبرني شو السالفة ...
جون يشوف على الخادم الي مكبس راسه:.. نحن نعتذر سيدي منصور .. الغرشة كانت هدية
واصلة للسيد حمد من احد اصدقائه الالمان .. السيد حمد ما يرفض الهدايا مهما كانت بس هو عاطنا
الصلاحية نتصرف في هذا النوع من الهدايا بأن نتلفها وهو مخبرنا حتى الشوف ما يريد يشوفها
ولا حتى نشاوره فيها.. والي صار ان الخادم يديد وفي الفترة الي كنا خارج البلاد للعلاج وصلت هذه الهدية ..
والخادم بحكم عدم معرفته الجيدة بامور المنزل تصرف بالهدية على هذا النحو وخلاها في مكتب السيد حمد ..
الخادم كان بعده مكبس راسه وفيه خوف..قام واعتذر لمنصور وذياب ..
ذياب شاف على جون: شكرا جزيلا جون ..
وطلع جون وهو مرتاح بعد ما وضح لمنصور الوضع ..
ذياب ويشوف على منصور:... ارتحت الحين ؟؟؟؟ ..
منصور شاف على ذياب ...ورد كبس راسه... وجنه متلوم من التصرف الي سواه...
ذياب:.. ما لازم تتسرع في هذه الامور .... صدجني لكل شي تفسير ثاني مب لازم مثل ما انت متخيل ...
عمي حمد غير .. ارجوك حط له مليون عذر قبل ما تتهمه بشي .......
منصور بعده مكبس راسه ..وهو يسمع كلام ذياب.... حط ايده على يبهته ...
ذياب وقف حذا منصور:....تعبان ؟؟؟...
منصور ساكت...وبعده مكبس راسه ويده على يبهته...
ذياب:......شو فيك ؟...
منصور وهو يآخذ نفس عميق:...مـــ...مادري.....
ذياب:....شو حاسس ؟؟
منصور مسك على صدره وانسدح على الكرسي....
ذياب تقرب وكبس جان يمسك منصور من جتفه:....هيه منصور ... شو فيك ؟
منصور نزلت يده عن حافة الكرسي.......وكان يتنفس بقوووة ... وجنه مخنوق.....
ذياب بان عليه الخوف:....منصور ؟؟؟....هيه ؟؟؟......
منصور تكلم بصوت خفيف:...خلني جي .... خلني ...... شـــ..ـــوي
يتبع>>
يصادفني شي غريب ,
غالب المرات الي اشوف ساعتي تكون الدقايق (11)
يعني توني اشوف على الساعة كانت 11:11
وهكذا ...
شي غريب
الحين الزماط للشباب وللبنات ؟
عجب والله ..
حشى خطف علي اسبوع مستوي شرات فيلم
"سايلنت هيل"
http://www.sherv.net/cm/emoticons/ne...y-emoticon.gif
وطبيعتي .. هذه .. لو ضاقت علي الدنيا ..
http://www.sherv.net/cm/emoticons/by...y-emoticon.png
في امان الله ,
بعض الذكريات في 2009
===========
الاخت جنون الليل كانت كاتبة موضوع شكر لبعض الاعضاء وكانت من ضمن الاسماء
====
حنــــــاياا
امونة الدلوعة
الغيثي
أطوار
موستانج
عليا
الوهاج
الجوهرة
الصامتة
الاناقة
المرحة
عشق القمر
وليم شكسبير
jasrdini
ولد الظاهرة
رحمة
shadow-86
اسمـــــــــاء تكررت في سبلة المناسبات الاجتماعية..!!
يرحبـــــــــون..فتجدهم في قلب كل عضو جديد
يهنئـــــــــون...لنراهم يشاركون الاعضاء فرحتهم
ويحزنـــــــون اذا فقد عضوا عزيزا عليه..فتراهم اول من يواسون..!!
هؤلاء الاعضـــــاء..في المقــــــــدمة دائما
متميزوووون..بقلبهم الطيب..
الا يستحقون وقفة شكـــــــر وتقدير ..!!
كل التحية لكم
ادارة السبـــــلة العمانيــــة
****
===
الله يذكرها بالخير والله يوفقها وين ما تكون .. اخت غالية والله ..
بس بغيت اذكر كيف قلبنا الموضوع انا والظهراوي:
طبعا اول رد في الموضوع مني(الله اكبر كيف كنت واقف بالمرصاد لكل شي:p)
اقتباس:
يالله اسمي هناك فوق فوق..................لحظة استوعب اللحظة وراجع.............
لا شو ارجع...........الحين اقولها
شكرا لج يا جنووووون وهذا واجبنا..............يدا بيد من اجل السبلة
كلنا اهل هنا.................لازم نتشارك الامنا وافراحنا.............
والشكر الكبير لج....ما مقصرة ما شاء الله عليج...قايمة بأكثر من واجبج.......
اقتباس:
وين انا كنت يوووم يمدحوني ؟؟؟؟؟
واناا معااهم ؟؟!!!
والله استحي جنووووووووووووووووووون دايم تحرجي تواااضعي هه..
شكرررا دومج راعيت وااجب وما تنسينا خيتووووو..
شوفوا كيف طالع اسمي حلو وكاااشخ::-
ولد الظاهرة
تف تف تف اللهم لا حسد هههع
اقتباس:
حتى اسمي كاشخ ولابس نظارة شمسية:agent: ...
shadow_86
يالله... اسمي عن تطيح الاوادم من حلاتك.....:biggrin:
كأنا زودناها شوي بس يا الظهراوي خخخخخخ
اقتباس:
اسمي اكشخ شوفة حتى يتنقز من الفرحة هههع:bounce4:
لا ما زودنااها منحقنا نفرح شاادو مالك شو بلاك:blink:
اقتباس:
عيل شوف شوف اسمي راكب لاند روفر :bike:
خخخخخخخخخ
اقتباس:
عيل شوف اسمي شو يسوي..
يرقص رقصة السااامباا مع معدااتة الحربية هه قصدي الفنية ههع
:harp::drums::band:
:groupwave:
عماها بالمرة ولد الظاهرة
http://www.sherv.net/cm/emo/laughing/hearty-laugh.gif
http://www.sherv.net/cm/emo/laughing/smiley.gif
http://www.sherv.net/cm/emoticons/ye...y-emoticon.png
ولد الظاهرة
صديقي الصدوق
حصلتها في جوجل
ضاع مستقبل عيالي http://www.sherv.net/cm/emoticons/sh...y-emoticon.gif
http://www.pp11.com/upfiles/iaa47770.jpg
..
ما اعرف شو اقول .. بس موجود اون لاين ..
كان موعد الوالد هالاسبوع .. وكالعادة ضبطنا اموره ..
وكالعادة تدخلوا في السالفة .. ما بغيت اناقشهم لين باجر ان شاء الله بشوفهم وانا راد البلد ..
المشكلة الوالد كل مرة في شي وما اعرف كيف تفكيرهم ..
مراحب اختي ميمو .. الرائع هو تواجدكماقتباس:
المشاركة الأصلية كتبت بواسطة meemoo~~
بإذن الله التكملة راح انزلها =_=
الاخت meemoo~~ :confused: نفس المعرف الي في بالي ولا لا ..
Brain wash:rolleyes:
بارت القصة هذا .. انا انزله في مدونتي لاني اكتبه حاليا .. ووعدت ناس اني اكتبه ..
بعد ما يخلص بفتح موضوع في سبلة القصص ان شاء الله مع القصة كاملة ..
طبعا هذا من غير الجزء الثاني من الرواية http://www.sherv.net/cm/emoticons/ne...y-emoticon.gif >> الي مستحيل اخلصه مع هذه الارتباطات,
[ودي أكون أي شخص ثاني]
حلقة مفقودة بعنوان (حمـــــــــد)
منصور تكلم بصوت خفيف:...خلني جي .... خلني ...... شـــ..ـــوي
ذياب كان مب عارف شو يسوي وجان يطلع وزقر على جون،،، ويوم دخل جون
وشاف على منصور جان يخاف هو الثاني،،تقرب وحاول يكلم منصور ومنصور
كان في وعيه بس تعبان........تعاضدوا وشلوه الين وصلوه السرير....
ذياب يتكلم بسرعة:....لازم نوديه المستشفى....
منصور وهو يشوف حواليه:....لا مـ..ــا..يحتاي ..
جون اتصل بدكتور العايلة الخاص الي يداوم في المستشفى الخاص (نفس المستشفى المرقد ابوه فيه)
وخبره بالي في منصور..وقال لهم بيطرش لهم سيارة اسعاف او انهم على طول ييبونه عنده
لانه مدوام ساعتها وهناك بيشوفونه زين.....
من جهة ثانية ذياب طلع تيلفونه وبالمرة اتصل بأبوه وخبره ان منصور تعبان،،،
وجان يطلع ضاحي بسرعة من بيته وعلى طول وصل بيت حمد.......ويوم دخل على منصور
وشافه صدج تعبان... وبكلمة منه شلوا منصـــور المستشفى...ذياب وضاحي في سيارتهم ومنصور وجون في سيارة.....
طلعوا مباشرة على المستشفى ..وفي نفس الوقت اتصل ضاحي على حمد وطمنه بأن منصور بخير...
طمنه هو الثاني لان الي فيه كافيه...
وقبل ما يوصلون المستشفى:
وفي سيارة ذياب:
ذياب خبر ابوه انه تهاد ويا منصور.....
ضاحي انهد على ذياب:........وانت ما تيووووز..... ما مطرشنك تتنازع ويا الولد..
ذياب ساكت ويشوف على الطريج...
ضاحي يتنازع:...ما تشوفه شرات اليتيم....منو عنده ؟ خبرني؟؟؟... ابوه طاح عنه ولو عنده ما خلى قشاشة تطيح عليه....
ذياب حاول يهدي ابوه:...ابوي....ابوي......
ذياب تكلم:...ابوي ما تنازعت وايد وياه بس تهادينا شوي....
ضاحي:...وشو له ؟؟؟ خبرني ؟؟
ذياب كذب وماقدر يخبر ابوه عن غرشة الخمر:..ماشي ضايج بي....ليش ما يرد على الاتصالات....
وبعدين ابوي تراه هو تعبان من أول ....لا تيلس ترد كل شي علي...
ضاحي وكلمة قالها:....اشوفك عيدها غير هالمرة.......
سكتوا دقيقة..
ذياب شاف على ابوه:....بو هلال...ولا تزعل.....منصور ولد عمي ومالي البد منه....بس ترا ما اعرف شو اييني...
ضاحي ساكت...
ذياب متلوم وما يريد يزعل ابوه:....وراسك الغالي اني اعزه ومن معزة عمي حمد....
ضاحي بعده في سكوته...
ذياب يشوف على ابوه بإبتسامة:...هاه عاد عطنا ويه شوي....ابويه!
ضاحي:...اوففف منك...مادري على منو طالع...بس ادري بك ما تطيق منصور ...ليش انه خذ عنك عمك حمد!
ذياب شاف على ضاحي،،
ضاحي:...اعرف شكثر كنت ويا عمك قبل.....بس مهما كان هذا ولده...
ذياب خذه الصمت.....وصح انه عصبي لكن هذا من غيرته...وتراه كان الاقرب من خوانه لعمه حمد
حتى ان حمد كان معتبرنه مثل ولده واكثر...والحين وجود منصور خذ منه عمه....وصار ما يشوفه وايد......
عشان جي كانت بينه وبين منصور حساسيات....بس اليوم كان غير وتغير شي داخل ذياب من صوب منصور...
يمكن الي صار في البيت العود....الدمعة الي شافها في عين منصور.....دمعة خوف منصور من انه يفقد ابوه......
يتبع>>
في المستشفى بعد عشر دقايق:
وصلوا المستشفى ودخلوه بسرعة...سولوه فحوصات وطلع عنده ان العملية ملتهبة..
وعشان جيه خلوه تحت الملاحظة وعطوه ادوية...صح بدت الحمى تخف عنه لكن ويع صدره كان يعاوده..
العصر وعاد وصلت الساعة 6 المساء:
انقلوا حمد في غرفة خاصة مثل ما كان متفق عليه.. وفي وقت زيارته ياه هلال ويلس وياه..
حمد استغرب ان منصور لحد الساعة 6 ما بين .. وعاد شك واذا شك حمد ماحد يقدر يناقشه..
عشان جي سأل هلال سؤال واحد ماغيره ..
حمد:..بتخبرني الحين .... ولدي وينه ؟
هلال:..عمي...منصور يمكن راقد تراني اتصل به ما يرد..
حمد وبانت نظرة حارة عليه:...جذاب...
هلال وبدا عليه التوتر:.. لا اله الا الله ... عمي !!
حمد سكت شوي ورد قال:...قول تراك ما بتشوفني الا وانا ماط هالوايرات وطالع من هني...
هلال شاف على عمه ..سكت شوي وبعدين تكلم وخبر حمد بكل شي...كيف منصور تعبان
وهو فالمستشفى الحين ... وطلع عنده التهاب..
حمد وبدون أي مقدمات قال:...اتصل بأبوك ..
هلال:..بس عمي !!
حمد بلهجة قوية:..اقولك اتصل ...
هلال وطلع تيلفونه:...ان شاء الله عمي ..
اتصل بأبوه ضاحي وخبره ان حمد خلاص يعرف بحالة منصور..
حمد يكلم هلال:..هات التيلفون..
هلال:..بس عمي .. راسك ...؟؟؟...ممنوع عنك التيــ.....
حمد مد يده اليسار على قد ما يقدر:..هات اشوف...ولا خله اييني الحين ..
ضاحي سمعه:...خلاص هلال انا ياينكم ...
هلال يخبر عمه حمد: .. خلاص عمي...ابوي الحين بييك الين الغرفة ...
كلها دقايق ..
ودخل ضاحي على حمد ...
سلم عليه وخبره بالي صار...
حمد قال وبدون أي مقدمات:...احجز له اول طيارة حق لندن....
ضاحي:...بو منصور ...صبر....
حمد:...لا ما تصبر...هناك مسويله العملية ويعرفون له...واذا صار حق .....حق ولدي شي يا ويلهم..
ضاحي يهدي في حمد:...حمد استهدي بربك..الولد بخير ان شاء الله...
حمد:...بو هلال امنتك على ولدي...انا الحين ....(وسكت حمد)...
ضاحي سكت بعد.....وهو يشوف على حمد ...
حمد كمل كلامه:...انا الحين ...عاجز عنه مب قادر اوصله....وما بيني وبينه الا يدار ... ..
.
..
ضاحي سكت شوي ورد قال:...ما علي ياخوي...ما يصير خاطرك الا طيب...
الحين بنحجز له على اول طيارة حق لندن.... وتطمن الين يطلع من دبي تراني ما بطلعه من هذا المستشفى...
حمد خذ نفس....وهدا شوي..
ضاحي:..بس اريدك تستهدي بربك والي فيك كافيك....تريد ترمسه ؟؟ خذ رمسه عشان تطمن ...
حمد وبلهجة هادية:..عطني اياه....
وجان يتصل على ذياب الي كان مع منصور..
منصور مسك التيلفون ... ورد:...الو ..
حمد سكر عيونه ثواني:...الو ... منصور!
منصور بصوت مخنوق:...شحالك ......ابوي ؟؟؟
{لا شفتني ضايج وأهل الدمع وابكي باقتناع
لا تحزنك عيني ولا تشره على دمعــــاتها
أنا فقط حبيت ادربها على يوم الــــــــوداع}
تكلم منصور ويا ابوه دقايق...كان يسمع نبرة صوت حمد وكيف شايل همه...وتلوم منصور من حكمه المتسرع بأبوه ...
حتى روحته على لندن ما كان محطي لها بال...
يتبع>>
عيبني حمد يوم قال لهلال: جذاب :d
>>> حتى انا اقرأ القصة وياكم وقبلكم وبعدكم
احيانا اقرأها واغير صوتي مع السناريو ;)
بعد المغرب:
المستشفى التخصصي:
حمد وهو في الغرفة الخاصة،، كان عنده المطيرزي الثاني روبرت الي كان موجود يشوف حمد
اذا كان محتاي لشي خصوصأ انه في غرفة خاصة ..... وشوي دخل عليه جون ...
حمد استغرب دخلة جون الي المفروض يكون حذا منصور وما يودره...
بس جون كان عنده كلام ... دخل وسلم ويلس يخبر حمد بالي في باله ...
...
.
جون:.. أنا آسف سيدي بس قلت لازم اخبرك...
حمد وتغير ويهه فجأة:....يالله !! ...
جون:...كان داخل وهو مصر ان في فالبيت خمر..لو شفته كيف كان يدور بين الاغراض...
حمد تضايج:...يعني كيف ؟؟.... حد مخبرنه ؟؟ .... ومنو ؟؟
جون:...شي اكيد ان حد مخبرنه....لان دخلته كان مبين منها انه سامع من عند حد.....وكان واثق لدرجة كبيرة...
حمد:..وذياب ؟ شو قال ؟
جون:...هو شاف مكان الغرشة.......وطلع على طول عند السيد منصور...وهناك عاد مادري شو دار بينهم من حديث...
الين دخلت انا ووضحت لهم الي صار ..
حمد خذ نفس عميق:...آآووف....
وسكت لحظات...
جون سكت بعد.....
حمد ورغم التعب الي فيه قال:....اسمعني ...
جون تقرب من السرير:...اوامرك سيد حمد....
حمد:...روح وياه ... ودير بالك عليه..اترك كل شي وراك...وخل منصور جدام عينك...
جون هز راسه بالرضى:..سيدي بدون ما توصي ..تراه مثل ولدي...
حمد:..مشكور جون.....[وصد بويهه]...
جون:.عفوا هذا واجبي.....
وطلع جون من عند حمد....وخلاه صاد على ينبه....يشوف على الدريشة....
والظلام بدا يخيم برع...والهدوء بدأ يسود الغرفة.....مخلي حمد بصمته ..... والافكار تاخذه وتوديه...
"كيف ؟....ياربي شسويت انا ..؟...."
"ولدي وين ؟؟ وانا وين ؟؟"
"يا رب ......."
"بعد ما وصلت وياه لهدرجة من الثقة..وكيف صرنا...اغلط انا هالغلطة.....مرة ثانية"
"........يا خوفي....ييلس يفكر في الموضوع...."
"....انا لازم اوصل له...وبأسرع وقت...."
وعند منصور:
وعند منصور...الي كان الويع خاف عنه واحسن عن قبل ...والافكار تاخذه وتوديه حاله حال ابوه:
"كيف ....!!..."
"..هذا ابوي....انا شو سويت.."
"..وجدام الخدم ...وفوق كل هذا ذياب شاف كل شي..."
"..آه.....ما كفاني ..."
"....والكلام الي سمعته من ربعه ... بعد صدفة انه مب هو ؟!..."
".....معقولة كله يتولف صدفة ؟؟..."
وجاطعه عمه ضاحي:
ضاحي:.....ابوي منصور...
منصور يشوف على ضاحي ودخل عليهم ذياب....
ضاحي:...خبرني ذياب انكم تهاديتوا.....اسمحلي يا ولدي...زادك وانت بروحك تعبان...
منصور انصدم على باله ذياب خبر عمه ضاحي باللي صار:....لا .. عادي عمي...نحن خوان.....واصلا انا تعبان من قبل...
ذياب شاف على منصور بابتسامة وغمز له:... عصب بي ما يرد على اتصالاتي......قول بعدك ما بترد مرة ثانية........
منصور مستغرب....!!!
ضاحي شاف على ذياب بنص عين:...بعدك رديتها السالفة...؟...
ذياب شاف على ابوه وضحك:...لا لا ما بقول شي......اتمصخر ابوي شو فيك خخخخخخخخ.....
ضاحي:.. .انا اقول احسن يوم ما رديت عليه....
منصور ابتسم ........ وعرف ان ذياب لفقها السالفة وما خبره عن السالفة ......
وصلت الساعة ثمان بالليل:
راح ضاحي سلم على حمد وعقب راح البيت ... وذياب تم عند منصور...
ذياب:...إلا بتخبرك.....جون وين طرش ؟؟؟... من المغرب ماله حس...
منصور:...راسل مسج يقول بيرتب امور السفر....
ذياب:...شو يرتب بعد.....ترا غيره متكفل بهالشي....ابوي مخبر حميد (واحد من مطاريش حمد)...
وفجأة ،،،
منصور ينتبه لجون يفتح باب الغرفة.....ويسلم عليهم...
ذياب بانت عليه ملامح الاستغراب عليه........
منصور يشوف .... وتغيرت ملامح ويهه هو الثاني....
ذياب انتهض من مكانه...منصدم بالشخص الواقف جنب جون .....
متكئ .....
لابس ملابس المستشفى ....
راسه ملفووف بالشاش....
ويده عليها الجبس.....
والرضوض الي على ويهه وجسمه مسودة وشوي متنفخة....
منصور سند عمره:.....ابوي !
يتبع >
تذكرت الموقف هذا في البارت الرابع/ حنان الاب الغائب
اقتباس:
وشوي ،،،
ينسمع صوت شخص وهو يقول: شو صاير......؟؟
الريال الاماراتي يدخل بينهم نفسه الي كان في الكوفي يالس....
وقف هذا الريال حذا منصور....والحارس الشخصي موجود على ينبه الثاني..
منصور: والله ان السالفة اشوفها بتكبر ... لو انهم يعترفون بغلطهم بس (ويأشر على الشباب الاماراتين(..
لحظة صمت....الشباب الاماراتيين ساكتين,,,
منصور صد على الريال الاماراتي والحارس الشخصي واقف حذاه...يشوف على هيبته وكيف بوصوله
سكت الجميع...كان يشوف على هدوئه...كان يشوف عليه وهو يشوف على منصور...تلاقت نظراتهم مع
بعض لثانية...وبعدها صد الريال عن منصور...وانتبه منصور لنفسه وصد عنه..
http://www.sherv.net/cm/emo/sad/mood...y-emoticon.gifكنت اشتغل على موضوع خاص بالدوام ,
يا خوفي يمسكونا طوارئ في اجازة السنة اليديدة , خخخخخخ , الله يستر بس ,,
المعرفات تتشابه ... ويا كثرها .. السموحة منج اختي ..اقتباس:
المشاركة الأصلية كتبت بواسطة meemoo~~
خخخخخ اتوقع اتوماتيك بينرسل لج انذار .. :cool:
اشكرج على تواجدج ..
يوم السبت وفي الاجازة .. بالفعل كنت ماسك شفت ليوم كامل حتى يوم الاحد ..
والاثنين داومت .. وهكذا .. يلست على اللاب توب تقريبا 20 ساعة متواصلة ..
الاحد ضربني صداع شديد ..
ومع ضغط العمل .. هالفترة .. وقلة النوم ..
http://www.sherv.net/cm/emoticons/ye...y-emoticon.png
اليوم ما رمت استحمل الصداع
ورحت عند الدختر،، كنت بادي اقتنع ان الضغط مرتفع عندي,,
ولما قاسوا الضغط ،،
http://www.sherv.net/cm/emoticons/sh...y-emoticon.gifاستغرب الدكتور وقالي انت كيف تمشي ؟؟؟
شفت عليه بكل هدوء،، ليش ؟
تعال انسدح اشوف ..
http://www.sherv.net/cm/emo/word/wha...y-emoticon.gif
المهم ان الضغط على قولته كان منخفض وايد
وحط لي سقاية املاح http://www.sherv.net/cm/emo/happy/pl...y-emoticon.jpg
وراح يشوف الدم وحصله ناقص http://www.sherv.net/cm/emo/happy/pl...y-emoticon.jpg
وقالي وين تشتغل ؟... خبرته قريب من ادارة المخاطر http://www.sherv.net/cm/emoticons/sh...y-emoticon.gif
بالمرة عطاني اجازة .. وانا اقوله ما يستوي اخذ اجازة الحين ..
استغرب حد تعبان ويداوم http://www.sherv.net/cm/emo/word/you...y-emoticon.gif
ما يعرف ان دواي / خدمة بلادي !
^
اخر جملة لا حد يقول انها هريس :cool:
يا حييكم
http://www.sherv.net/cm/emo/happy/bi...y-emoticon.jpg
ابتسامة عرض الكف لزواري ♥
>>تذكرون ايام اول يوم نستخدم زخرفة المواضيع ؟!
°•.♥.•° الاسم°•.♥.•°
؛¤ّ,¸¸,ّ¤؛°`°؛¤ الاسم¤؛°`°؛¤ّ,¸¸,ّ¤؛
₪₪الاسم₪₪
¨°o.O ! (الاسم ) ! O.o°¨
·.¸¸.· الاسم ·.¸¸
~*¤ô§ô¤*~اسمك~*¤ô§ô¤*~
«®°·.¸.•°°·.¸.•°™ اسمك ™°·.¸.•°°·.¸.•°®»
الحين بخير الحمدلله , الصداع بعده مستمر , لكن يوم يروم الواحد يسير ويرد تراه بخير (حكمة شادوهية)
الدوام هدأ بعض الشي , لكن قبل شوي بشرنا الزعيم بشغل مقبل علينا بالقوة,
الوالد ذاك حاله ولله الحمد والمنه , ما صار شي للحين بس النية نسفره برع ,
والوالدة هذا الاسبوع تعبانة , هذاك المرض تراه ما ودرها يروح ويرد عليها ,
بغيت اخذ اجازة لاني تعبان بجد , قال لي الغالي: خلها اجازتك لا سافرت بحتاجك هناك !
(الله يعافيكم ويشفيكم ويطول لي بأعماركم)
مرات الواحد تمر عليه لحظات يتذكر مواقف,
تذكرت الوالد يوم يخبرني عن شغله في جيش ابوظبي , اول ما اشتغل كان في عمر 15 او اصغر , بعد ما خلص الدورة التدريبية على يدين البريطانين, اشتغل ف المدفعية ,
ف المدفعية كمل 7 سنوات تقريبا, وعلى ذاك الزمان ماشي شي يخفف صوت المدفع غير بإيدينهم ,
( وما يسمع الحين غير شي بسيط ومن اذن وحده ...)
يخبرني راتبه كان 110 درهم بس
تقريبا 11 ريال
:) منو بيشتغل منا هالشغلة وبهذا الراتب الحين,