احيانا فيه حاجات
تقرقع بالقلب
تحاول تتجاهلها
اوقات تتعب قلبك وما تقدر تخليها فيه اكثر
تتمنى لو تقدر تطلع كل اللي بقلبك
توصل لحد التعب واليأس
خاصه
اذا تحس فيه دافع يخليك تستمر وبنفس الوقت ما قادر تحدد موقفه
عرض للطباعة
احيانا فيه حاجات
تقرقع بالقلب
تحاول تتجاهلها
اوقات تتعب قلبك وما تقدر تخليها فيه اكثر
تتمنى لو تقدر تطلع كل اللي بقلبك
توصل لحد التعب واليأس
خاصه
اذا تحس فيه دافع يخليك تستمر وبنفس الوقت ما قادر تحدد موقفه
اقتباس:
المشاركة الأصلية كتبت بواسطة السفينة
شي *_*
اقتباس:
المشاركة الأصلية كتبت بواسطة السفينة
الحمد لله ما عجز عقلي ..
سنة ٢٠١٧
كانت اصعب سنه مرت علي
الله لا يعودها ...
سنة ضعفت فيها صح
كل ما اذكرها العبره تخنقني
احس ببكي ف اي لحظه
السنه اللي مرض فيها ابوي برمضان
مرينا بوقت صعب
مر العيد علينا حزين
نظرات ابوي كانت تكسرني
هيئته بمرضه تكسرني اكثر
عمري ما شفت ابوي بهالشكل
رغم كل هذا
ابوي كان قوي
وصابر وامله بالله كبير والحمد لله صار بصحه وعافيه
والله يطول لنا بعمره
اللهم امييناقتباس:
المشاركة الأصلية كتبت بواسطة السفينة
من زمان الماضي
اتذكر مره
انا و@سمسوم92 و @أمير الخليج
كنا نخمس بالليل
ومن مزاح قلب جد
وحصلنا كل واحد مخالفه
وكل السبب انهم كانو يتكلمو عن كاظم الساهر هههه
وخلصنا والحين وقت الاسترخاء خخخخ ...
وبدا الصداع يداعب مخي ..
جمعه وجلسه بالبيت ما يصلح
خلص الويكند وما طلعت
كم انتي صامده يالحافيه
https://up.omaniaa.co/do.php?img=2563
كانت ليله من اروع الليالي ..
اليوم شخصيين يقوولوو عني عصبيه
انا اعصب بس مش ع طول
انا يحتاج لي وقت عشان اعصب ما اي شي يعصبني
عندي برود اعصاب مش طبيعي
بس لما اعصب اسفه
ما اشوف احد قدامي
يطلع وجهي الاخر اللي الكثير ما يحبه
بس عندي مشكله وحده انه ع العصبيه احس بهبوط وتصير بلاوي هههههه
مره لما كنت اداوم بالشركه
صارت بيني وبين واحد من الموظفيين مشاده
نرفزني طلعني من طوري
اني انفجرت منه
اوراقي يسحبها من يدي وانا اسحبها ف الاخير تشرخت الاوراق وترست المكان
بغيت اصفعه ع حركته
بس حسيت الدنيا ظلام واقول لزميلتي احس الدنيا تدور فيني وهي ع بالها انا امزح
لانه انا من النوع اللي امزح كثير مع الناس اللي تعرفني ومقربه مني بس
ما لحقت ادخل المكتب فتحت الباب ويغمى علي عند الباب
لما صحيت اشوف 3 فوق راسي يصيحن هههههه
ومدخله داخل ومسبحه بالماء
وعباتي مفتوحه والشيله ما موجوده
كلي ماي من راسي لرجلي
يقولن خفنا عليك قلبن شفايفك سود كانك ميته خخخخ
واشوف مديرنا قدامي يقولي عادي انتي مثل بنتي
ومتصل ف الاسعاف
قلت له اتصل بابوي
اتصل بابوي وجاء اخوي وداني المستشفى
من يومها مديرنا يقول لا تضغطو عليها حتى بالشغل :cool:
صباحكم امطار واجواء جميله
لحظه استمتاع
الجلوس تحت المطر
مهما نكبر نظل بنفس العقل
نتبلل من المطر
وتعصب امي وتقول ابا اشوف حد مبدل ملابسه تزيدو علي الملابس ف الغسيل هههههه
ولا حد يسمع نبدل ونسمع نفس الكلام مره ثانيه
بدلي بس مره ثانيه
ايام جميله
https://up.omaniaa.co/do.php?img=2568
جعلها الله امطار خير وبركه ..
https://up.omaniaa.co/do.php?img=2577
قريصات عسل ف الجو القميل
المهم خلص الويكند ..
االملل احيانا يسوي بلاوي
من تفعلت خاصيه الاصدقاء
ما جاتني ولا اضافة صديق ههههه
ع الاقل تجيني وارفض يعني احس حد يعرف اني موجوده
اصعب شي انك تبا تطلع وما تحصل عباه مكويه وما فيك بارض تكوي
امممم اغلب الرجال يقولووون
ان الانثى تحب التسوق
وتموت ف شي اسمه سوق
انا ما احب اروح السوق الا اذا كنت عايزه حاجه فقط
اما السوق بلا هدف مستحيل اسويها
وكل ما اختفيت وسالت امي فلانه وين اكيد ف السوق
حتى الاسبوع الماضي متفقه مع خالتي اروح معها
والحرمه ما قصرت مرت علي وتتصل فيني وما رديت
نزلت الحرمه وشافت امي ف الحوش
سالتها عني وقالت لها هين عاد باغيات تروحن اكيد السوق ههههههههههه
قالت خالتي مالي خص وحدها رسلت تبا تروح معي ما اعرف كيف عرفت اني بروح السوق
اول ما ركبت السيارة تقولي ليش امك دوم تتنازع ع روحتك للسوق
لانك تتأخري او لانك كل شي تشتريه
قلتلها لا هذا ولا هذاك
واذا علي روحاتي للسوق والله شاله فلانه وعلانه
انا لو احب التسوق امي وش تسوي فيني
اول مره دخلت فيها السبله
كان عن طريق زميلتي ف المدرسه
كنا بأخر سنه لنا بالثانويه
وكنا بحصه الحاسوب ندش السبله
ودشيتها اصلا بنهايه العام الدراسي
اذكر كان لقبها مليكة قلب
واختفت الجميله ولا اعرف عنها شي
من الذكريات اللي بأيام الدراسه وما تنتسي
كنا انا وزميلتي نلعي بحصه الاحياء
ما نسكت من تبدا الحصه لحد ما تخلص
المدرسه كانت مصريه
ودوم تجن منا ومن حركاتنا
ولما تعصب تقول بطلي حركات ولدنه انتي وهي ههههههههههه
لكن كانت فيها نذاله
كل ما تبا شي تطرشنا
وبمره كنت مريضه وما فيني بارض
وطول الحصه تقولي سكتي
قلت لها ما انا اللي اتكلم
وكنت صادقه هذاك اليوم كنت صامت
عذبتني ف الاخير
سكرت الكتاب
ودخلته ف الشنطه وحطيت راسي ع الطاوله وهي تشوف علي
كنا نناديها ابله فتكات
بس والله لليوم ما اعرف اسمها هههههه
واستاذه الرياضيات بعد كنا نناديها عيضه
والان حان موعد النوم
بالتوقيت الساهري
بليز يا جماعه
ادعو معي
الله يحقق لي امنياتي ..
صباحكم خير
صباح الاحد المتعب
دعنا نحلم تحت الرصاص ..!
https://up.omaniaa.co/do.php?img=2587
لهالسبب اكره الاحد
مساء الاجواء الحلوه مثلي
قبيل الغروب
https://up.omaniaa.co/do.php?img=2609
اخر مره ف حياتي اطلع بعد الدوام
تعب الف
احس متكسحه من التعب والله
متعبه جدا
لم اعد اتحمل المزيد ..!
تصبحون ع طاعه الرحمن
مساء الغيم والجو الحلو ..
عساه سحاب ماطر
https://up.omaniaa.co/do.php?img=2636
يارب توفيقك
بدا النعاس يتمكن مني
اقتباس:
المشاركة الأصلية كتبت بواسطة السفينة
ان شاء الله ..
حد راسلي دش فارس احلامك
سألت من
بعدين عرفت المقصود هههههههههههه