❀ قصه وقصيده❀

قصة وقصيدة : المور


‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏




هذه قصه و قصيدة عيد ابن مربح هذا الشخص كانت حالته الماديه مترديه الى ابعد الحدود وكان يعول والديه الكبيرين في السن وعائلته


فتراكمت عليه الديون وأصبح الناس يطلبونه ورفعوا الشكوى للجهات المختصه وكان احد ابناء عمومته لديه من سيارات النقل العام الشاحنات اعدادا كثيره وقد توجه عيد لابن عمه راجيا منه استعاره احدى الشاحنات


لكي يكسب بها رزقه ويسدد ديونه ومن ثم يسدد قيمتها على دفعات كان ابن عمه التاجر شخص فهيم قال لعيد لك ماطلبت ولكن


سوف ازعل عليك اذا شاهدت السياره المور (أسم السيارة )واقفه امام منزلك وانت نايم في بيتك فهذه السيارة تحتاج لمن يضغط على نفسه لكي يجني من ثمارها


ويجب عليك ان تستغلها استغلال جيد بنقل البضائع ليل نهار حتى تدرك ماتصبوا اليه المهم وافق عيد على الشرط اللي وضعه ابن عمه


وقام الرجال ينقل البضائع من كل ديره ومدينه ... وتغرب عن أهله وأبناءه ودياره زمنا


وفي خلال هذه الفتره رزق بابن سموه غريب ... لتغرب ابيه عنه في يوم بلغ بعيد الهم مبلغة و في منتصف الطريق احترت مكينة السيارة


فأنشد هذه القصيده مبين حزنه وإشتياقه لأهله وابنه غريب وخوفه من أصحاب الدين ..










يالمور خذ نمرة الخامس من اليمنا


تحتـر تبـرد تــرى الاخــلاق خربـانـه




والـلـة لتبـطـي وحـنــا ماتفاهـمـنـا


مــدام ميـقـوع* ماعـقـبـت قلـبـانـه




ولاتشكي الظلم حنا الوقت ظالمنا


دليـل ظلمـي تـراك تشـوف برهانـه




البـارحـه مــع ثــلاث أيـــام مانـمـنـا


مكينتـك تشتغـل والعيـن سهـرانـه




ان دبــرت شـدنـا يـرخـي محازمـنـا


نــروى بـدلـوٍ يضـيٌـع مـــاه شـقـانـه




وانــادي أقــرب قـريــب ولا يكلـمـنـا


يبين وسم الغضب بأطـراف حجانـه




وان اقبلـت خصمنـا يقضـي لوازمنـا


صداقـتـه تستـحـل بـيـوت عـدوانــه




عــز الـلـة إنــا مــن الدنـيـا تعلـمـنـا


درسٍ صعيبٍ على التلميذ نسيانـه




ياللـة تجيـب الرفيـق اللـي يعلمـنـا


ابنشده عـن غريـب* وحـال عربانـه




لوكـان فـي بيـت جـدانـه محطمـنـا


ياوسـع صـدري عليـه ببيـت جدانـه




لـو الـمـدى البـعـد مريـنـا وسلمـنـا


مـيـر الـبـلا شـوفـة الـديــان ديـانــه




\
*ميقوع\ هجره على طريق الجوف تبوك


*غريب \ ابن الشاعر

قصة وقصيدة : نمر بن عدوان


‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏


هو الشيخ نمر بن عدوان الصخري من شيوخ (( بنى صخر )) قبيلة عربية مشهورة مواطنها الآن شرقي الأردن - شاعر علم - كان الشاعر أميراً للبلقاء اشتهر بنبله وكرمه وسجاياه الحميدة
أما شاعريته : فهو شاعر عاطفي واقعي هزه الأسى وأضناه الوجد وعصره الألم . . . نظم الشعر يشكو ما أصابه فتفاعلت الجماهير مع شعره ورددوا شعره في كل مكان فتعاطف الناس معه وأحبوه وتابعوا أخباره التي سارت بها الركبان
أما حكايته فهي حكاية غريبة عجيبة فقد توفيت زوجة (( وضحا )) وهو في قمة سعادته معها فانفتق جرحه وأنشد شعره وكأنه قبل وفاتها لم يكن شاعراً ولكنه ومن فرط ما أصابه قد تفجرت بداخله ملكة الشعر وأظهر روائع الوجدانيات بالشعر النبطي
أما قصة وفاة (( وضحا )) فاغرب ما روي عنها أنها اعتادت حلب الناقة لنمر قبل عودته لبيته من مجلسه بدقائق قليلة وذلك لشدة حرصها عليه لكي يشرب حليب الناقة ساخناً ، وذات ليلة عاد نمر قبل موعده الذي تعود أن يعود فيه . . . وفى طريقة إلى البيت لمح نمراً خيالاً بين أرجل الناقة فظنه حائفاً يريد سرقتها فضربه برمحه وأرداه قتيلاً وإذا بالخيال وضحا
وهناك روايات كثيرة عن أسباب وفاتها فمن الرواة من يقول أنها توفيت بمرض الطاعون حيث حل بهم الوباء وكانت من ضحاياه . . . وهناك من يقول إنها توفيت بالجدري وغير ذلك من الروايات
يقول الرواة إن نمر بن عدوان قد تزوج بعد وضحا بتسع وتسعين وضحا لعله يجد من تحل محلها فلم يحد حتى أنهكه المرض وأعياه الوجد فلحق بوضحا في مطلع القرن الثالث عشر الهجري وهو لم يتجاوز الأربعين من عمره وفيها يقول :






الــبـــارحـــه يــــــــوم الـــخـــلايـــق نـــيـــامـــا
بـيـحـت مـــن كــثــر الـبـكــا كــــل مـكـنــون




قـمــت اتـوجــد وانـثــر الــمــاء عــلــى مــــا
مــن مــوق عـيـن دمعـهـا كــان مـخـزون




ولـــــى ونـــــة مــــــن سـمـعــهــا مـايـنــامــا
كـنــي صـويــب بـيــن الاضـــلاع مـطـعـون




وإلا كـــمــــا ونـــــــت كــســيـــر الــســـلامـــا
خـــلــــوه ربــــعــــه لـلـمــعــاديــن مــــديــــون




فـــــي ســاعـــة قـــــل الـــرجـــا والـمـحــامــا
فـــي مـــا يـطـلـع يـومـهــم عــنــه يـقـفــون




وإلا كـــمــــا ونــــــــت راعــبـــيـــة حــمـــامـــا
غــــــاد ذكـــرهــــا والـقــوانــيــص يـــرمــــون




تـســمــع لــهـــا بــيـــن الــجــرايــد حــطــامــا
مـــن نـوحـهـا تـدعــي المـوالـيـف يـبـكــون




وإلا خــــــلــــــوج ســــابــــيـــــة للهيــــــامـــــــا
عـلـى حــوار ضـايـع فــي ضـحـى الـكــون

وإلا حــــــــــــوار نـــشـــقـــولـــه شــــمــــامـــــا
وهـــــي تـطــالــع يــــــوم جــــــروه بــعــيــون




يـــــــردون مــثــلـــه والــظــوامـــي ســيــامـــا
تــــرزمــــوا مــعـــهـــا وقــــامــــو يـــحـــنـــون




وإلا رضـــــيــــــع جــــــرعــــــوه الـــفـــطـــامـــا
تــوفـــت امـــــه قــبـــل اربـعـيــنــه يــتــمــون




عــلــيــك يـــاشـــارب لـــكــــاس الـحــمــامــا
صـــــــرف بـتــقــديــر مـــــــن الله مـــــــأذون




جــاه القـضـاء مــن بـعـد شـهـر الصيـامـا
صـافــي الجـبـيـن بـثـانـي الـعـيــد مــدفــون




كـسـوه مــن بـيـض الـخـرق ثـــوب خـامــا
وقــامــوا عـلـيــه مــــن الـتــرايــب يـهــلــون




راحـــــوا بــهـــا حــــــروة صــــــلاة الامـــامـــا
عــنــد الــدفــن قــامــوا لــهــا الله يــدعــون




بـــرضــــاه والــجــنـــة وحـــســــن الــخـــتـــاما
ودمــــوع عـيـنــي فــــوق خـــــدي يـهــلــون




حـــطـــوه فــــــي قـــبـــر غـــطـــاه الــهــدامــا
فـي مهمـة مـن عــرب الامــات مسـكـون




يــاحـــفـــرة يـــســـقـــي ثـــــــــراك الــغــمــامـــا
مـــزن مــــن الـرحـمــة عـلـيـهـا يـصـبــون




جـــعــــل الــبـــخـــري والــنـــقـــل والــخـــزامـــا
يـنـبـت عـلــى قـبــر بـــه الـعــذب مــدفــون




مــرحــوم يـالـلــي مــــا مــشــى بـالـمـلامــا
جــيــران بـيـتــه راح مــــا مــنـــه يـشــكــون




يــاوســع عــــذري وان هــجـــرت الـمـنـامــا
ورافـقـت مــن عـقـب العـقـل كــل مجـنـون




اخــــــذت انــــــا ويــــــاه ســبــعــة اعـــوامــــا
مـــع مثـلـهـن فـــي كــيــف مـالـهــا لــــون




والله كــنـــه يـــــا عـــــرب صـــــرف عــامـــا
يـاعـونــة الله صـــــرف الايـــــام وشــلـــون




واكــبـــر هـمــومــي مـــــن بـــــزور يـتــامــا
وان شـفـتـهـم قــــدام وجــهــي يـصـيـحــون




وان قــلـــت لا تــبــكــون قـــالـــوا عـــلامـــا
نـبــكــي ويـبــكــي مـثـلـنــا كـــــل مــحـــزون




لا قــلـــت وش تـبــكــون؟ قـــالـــوا يــتــامــا
قــلـــت الـيـتـيــم ايـــــاي وانــتـــم تـســجــون




قــمـــت اتـشــكــا عــنـــد ربـــــع اعـدامــا
وجــونــي عــلــى فــرقــا خـلـيـلـي يــعـــزون




قــالـــوا تــجـــوز وانــــــس لامــــــه بـــلامـــا
تـــرى الــعــذارى عــــن بـعـضـهـم يـسـلــون




قـــلــــت انـــهــــا لـــــــي وفـــــــت بــالــولامـــا
ولــــو جـمـعـتـم نـصـفـهـن مـــــا يــســـدون




مــــــا ظــنــتــي تــلــقــون مــثــلـــه حـــرامــــا
ايـضــا ولا فـيـهـن عـلــى الـســر مـامــون




واخــــاف انــــا مـــــن عــاديـــات الـذمــامــا
الـلــي عـلــى ضـيــم الـدهــر مـــا يـتـاقـون




أو خــبـــلـــة مــــــــا عــقــلــهــا بـالـتــمــامــا
تضحـك وهـي تلـدغ علـى الكبـد بالـهـون




تـــــــوذي عــيــالـــي بـالــنــهــر والــكـــلامـــا
وانــــــــا تــجــرعــنــي الــــمــــر بـــصـــحـــون




والله لـــــــــــولا هـــالـــصـــغـــار الـــيـــتـــامـــا
وخـايـف علـيـهـم مـــن الـدجــه يضـيـعـون




لــقـــول كــــــل الــبــيــض عــقــبــه حـــرامـــا
واصبر كما يصبر على الحبس مسجون




عــلــيـــه مـــنــــي كـــــــل يـــــــوم ســــلامــــا
عـــدة حـجـيــج الـبـيــت والــلــي يـطـوفــون




وصــلــوا عــلــى ســيـــد جـمــيــع الانــامـــا
عـلــى الـنـبـي يـلـلــي حـضـرتــوا تـصـلــون






والباحث في تراث نمر بن عدوان الأدبي لا يجد قصيدة لم يذكر بها وضحا أو يتوجد عليها ، والثابت عن نمر كلمة قالها راحت مثلاً بين الناس قوله ((هذا بلاء أبيك يا عقاب)) فقد سأل من ولده عقاب وهو صغير السن سأله نمر عن المرأة التي تزوجها حديثاً أيها أجمل هي أم والدته ، وكان متوقعاً أن يمتدح الطفل والدته ولكنه أمتدح الزوجة الجديدة فلما سأله نمر عن السبب قال عقاب أن أمي عوجاء إذا نامت على جنبها وقذفت ((الشرية)) أي ((نبات الشري)) إذا قذفته دخلت بين صدرها وردفها لذا فالمرأة هذه أجمل منها حيث لا عود فيها فصرخ نمر هذا بلاء أبوك يا عقاب وراحت مثلا .

قصة وقصيدة : شليويح العطاوي


‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏








شليويح العطاوي من قبيلة عتيبة , وهو رجل شهم وشجاع نشأ وترعرع على الشجاعة , فكانت مهنته وغايته فهو يغزو صيفاً وشتاءً , بالحر والبرد , بالليل والنهار , ولا يهجع أبداً فما أن ينتهي من غزوة حتى يستعد للثانية حتى شاع صيته وذاع اسمه وسمع به من لا يعرفه وعرفه من لا يراه . . . ومن طريف ما حصل لشليويح أن إحدى بنات البادية أحبته دون أن تراه ولكن كعادتهن يعشقن الطيب والشجاعة على ما يسمعن عنه
المهم أن الفتاة وضعت جائزة لمن يريها شليويح أو يكون سبباً لرؤيتها له جملاً تعطيه له . . . وحصل أن رأته . . . فقالت له : ذكرك جاني وشوفك ما هجاني , بمعنى ليتني لم أرك . . . وكان وجهه أسود من لفح السموم كما أن هيئته صارت شعثة من كثرة التعب والمغازي . . . لما سمع شليويح كلامها أجابها بقوله








يا بنت ياللي عـن حوالـي تساليـن
وجهي غدت حامي السمايم بزينه


أسهـر طـوال الليـل وانـتـي تنامـيـن
وان طاح عنك غطـاك تستلحفينـه


أنــا زهـابـي بالشـهـر قـيـس مـديـن
مـا يشبعـك يــا بـنـت لــو تلهميـنـه


مــرة تضـحـي والمضـحـا لـنـا زيـــن
ومـــرة نشـيـلـه بالـجـواعـد عجـيـنـه










وكان رده لها كالمسمار بلوح الخشب فقد أسكتها . . . وكثيراً ما كانت تواجه العطاوي مثل هذه المواقف فالفتيات يسمعن بحكايته ويرسمن له صورة معينه بأذهانهن وعندما يرونه تتغير نظرتهن له
وذات مرة كان شليويح ورفاقه في إحدى الغزوات أصابهم العطش وشح عليهم الماء وكانوا بالصيف شديد الحرارة وأخذوا يبحثون عن الماء حتى عثروا على غار صغير فيه صخرة صماء تجمع بها الماء بعد المطر فتسابقوا إليه الكل يريد أن يشرب فقد أدركهم الهلاك . . . وخافوا أن يشربه أحدهم ويترك الآخرين . . . فاتفقوا على أن يزنوا الماء بالوزنه وكل واحد منهم يشرب بالوزنه ولا يزيد عليها . . . فكان شليويح لشدة عفته ومروءته وشهامته ورغم أن العطش بلغ منه ما بلغ إلا أنه كان يترك وزنته لرفاقه ويصبر على الظمأ حتى فرج الله لهم

قصة وقصيدة : راكان بن حثلين


‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏








الشيخ راكان بن فلاح آل حثلين من أشهر فرسان البادية , وأفعاله لم تكن لقبيلته وحدها قبيلة العجمان بل فاخر بها جميع أبناء البادية ولا زلنا نحن نفاخر بها حتى الآن . . . خصوصاً حينما أسره الأتراك وخلص نفيه بفروسيته وصفق له الأتراك مرغمين , فهذا البدوي نحيل القامة هزيل الجسم بارز أشهر الفرسان وصرعه . . . والقصة مشهورة . . . ولا بد في حياة فارس كالشيخ راكان من حوادث طريفة , ومنها هذه الحكاية
يقول الراوي
كان الشيخ راكان في أواخر أيامه وقد بلغ من الكبر عتيا فحصل ذات مرة أن خرج هو ومعه شاب في عنفوان شبابه من أبناء قبيلته العجمان خرج الاثنان لأمر ما . . . وأدركهما التعب فأرادا أن يستريحا , فإذا هما يريان على بعد بيتاً , فلما اقتربا من البيت إذا هو خالٍ من الرجال وليس به سوى امرأة , فتعاند الشيخ راكان ورفيق سفره من باب الطرفة , فقال الشاب للشيخ : أراهنك على أن الفتاة سوف تجلسني وتأمرك أنت بصنع القهوة ظنا منها أنني أنا الشيخ . . . فأجابه راكان : إذا كانت تستطيع التمييز فستأمرك أنت وتجلسني , فاتفقا على ألاَّ يخبراها بشيء ويتركاها تتصرف بحرية تامة , وكعادة بنات البدو لما نزل الضيفان استقبلتهما ببشاشة وفرشت لهما للجلوس , فالبدوية تقوم بواجب الضيافة في غياب زوجها أو والدها حفاظاً على سمعته
المهم أنها أخذت برهة تدقق بوجهي الضيفين وتفكر . . . ثم أحضرت الفأس ورمته على الشيخ راكان وقالت له : قم واحطب وشب النار ((لمعزبك)) أي عمك أو سيدك وصلح له القهوة
التفت الشيخ راكان للشاب وأشار له بالسكوت كما اتفقا وأخذ الفأس وجمع الحطب وأوقد النار وصنع القهوة . . . هذا كله والشاب جالس لا يحرك ساكناً , امتثال لأمر الشيخ راكان ولما انتهى من صنع القهوة حمل الدلة وصب للشاب حتى انتهى ثم جلس وشرب والمرأة تنظر إليهما . . . فلما فرغ الشيخ راكان من احتساء قهوته التفت ناحيتها وأنشد يقول مخاطباً الفتاة








يـا زيـن يلـلـي فــي ذراعــك نقـاريـش
الحكم حكم الله وحكمك على الـراس




إن شيتني حشاش سيـد الحواشيـش
وإن شيتني حطاب قـرب لـي الفـاس




وإن شيتنـي خيـال أروي المعاطـيـش
واثـنـي وراهــم يــوم الأريـــاق يـبــاس




الفـرخ لا يغويـك فــي صـفـة الـريـش
طير الحبارى يا اريش العين قرناس






ولما فرغ الشيخ راكان من قصيدته قالت الفتاة : أدخل على الله أي أحلفك بالله ما أنت الشيخ راكان
قال بلى . . . فخجلت وحاولت تصليح خطئها معتذرة أنها لم تعرفه فضحك الشيخ راكان وهدأ من روعها وأخبرها برهانهما

قصة وقصيدة : البارحه جاوبت لي حس عاوي


‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏


راح الشاعر أيام الربيع وقعد يتمشى ويطالع ولا الارض زينه ومزهره والربيع منتشر والخضار عام ,
لا وبعد موافق مثل ما تقول محلات كلها خباري ومياه , ويتمشى حولها ويدور السهول ويطالع ويناظر , الرجال دقاق نظر بخيص ولا هو بعجل يتفرج ويطالع ولا والله يلقى أثر فقع قعد يدور في الفقع ويطالع جمع له شوي , والله يوم مشي وتعدي ضلعان وجبال ولقى أرض سهله وزينه ودمثه وفيها عرب منا ناس ومنا ناس نازلين اللي معهم غنم واللي معهم ابل تشطر عنهم بعيد وقام يتمشى الحاله وأثناء ماهو يتمشى مادرى إلا والله هاك الغنم يوم انهلت عليه من عند هاك الثنيه ولا وراهن هاك البنت الجميله بنت زينه عليها جلال ومتحشمه , سلم عليها من بعيد , سلام وعليكم السلام وما أدري ويش , وصارت قريبه حوله تكلمه وش انت يالاخ ومتاك جاي هنيا , قال والله جاي اتمشي واطالع و أدور إن كان هنا فقع , ولاهي معها فقع مجمعته قبل لا يجي هو , خذت الفقع اللي معها وقالت خذ هذا تفضل أنا مجمعته , قال خليه
لكم , قالت لا حنا مقيمين في البر وأنت طرقي يمكن تقعد الليله وتمشي خذ هذي الساعه المباركه ,خذاه منها وقعدت تتكلم معاه شوي ولا الحقيقه على جانب من الثقل والجمال وفيها حياء عظيم , ولا تهرج الا على شوي شوي , طالع
عيونها من ورى البرقع وجازت له عيونها بالحيل . الحاصل إنه أخذ الفقع منها , قالت له تفضل عند أهلي شف مكاننا هناك تعال تغد عندنا او تعش , واستانس منها على كرامتها وانها قلطته وقالت له تفضل , قال ان شاء الله أشوف أنا بتمشى شوي إن امداني مريت عليكم و إن ما أمداني , انتم مقيمين هنا ؟ قالت ايه والله حنا مبطي في هالمكان , المهم شعفت قلبه بكلامها وحركاتها وبثقلها ورزانتها وهو شاعر والشاعر مرهف حس ودقاق , وعقب يومين من تمشيه في البر دخل للديره ويوم دخل قام يسولف على واحد من أصدقاه يقول إني رحت كذا وكذا وحصلت وشاهدت هاك البنت الجميله وإنها قالت لي كذا وإنها حياويه وإنها تطقق اصابعها من الحياء لا ناظرت , قال يا رجال هين بس واجد قال إنها والله شعفت قلبي , قال يارجال بكره ولا عقبه تنساها , المهم لامه على قوله تلقى غيرها الحريم واجد والعشق واجد وإن تولعت في هالامور بتتعب , المهم يالربع مالكم بالطويله انتهي وقت الربيع وهو لا يزال يذكر هاك الموقع وهاك المكان وهاك الحبابه والطرافه والكلام الطيب , وعقب فتره عقب ما جاء الربيع الثاني قرر قال ابروح أزورهم في مكانهم اكيد اني ابلقاهم , اخذ معه شي من الهدايا مثل ماتقول هديه بسيطه كسوه وقال اروح اسير عليهم,فتجهز وراح يوم راح ووصل للموقع اللي هو خابر اللي هو شافهم فيه جاء ولا والله ما هم فيه ولا هم شادين ورايحين لمكان ثاني لانهم يتابعون مشاهي حلالهم, وفعلاَ ما لقى أحد هاك الليله اللي هو وصل فيها لمكانهم وما وصل الا متأخر ونام , نام في هاك المكان لكنه لا يزال يتذكر هاك الموقع اللي يوم تعطيه الفقع فيه ويوم تقابله ويوم يحكون عند هالحصاة شوي ويتقدم يتقدم عنها شوي ويتذكر يوم إنها تطق بعصا معها على هاك الحصاة الكبيره وترفع رجل وطمن رجل وتمشى وتذكر مناظرها له وكلامها الطيب له وإن كلامها يهشش القلب شوي وزين ويدخل العقل كل هالاشياء تذكرها وهو يتمشي ويطالع ويناظر أمساه الليل ونام في هالمكان لكن يوم نام وجاء تالي الليل توقظ ولا والله يسمع حس ذيب بعيد وهيضه هالذيب ............. وقال








البـارحـه جـاوبـت لــي حــس عـــاوي
ذيـــب عـــوى لـجـيـت بـالـحـس ويـــاه




ذيــب يـجـر الـصـوت حـسـه خــلاوي
ياقـلـب يالـلـي جــاوب الـذيـب بـعــواه




والصبـح بانـت فـي ضميـري أهــاوي
صوت (ن) زعجته ليت خلـي توحـاه




يــادار مـــا شـفـتـي ظـبــي الـمـطـاوي
أتـلـى عـلامـي بـــه غـشـنـك رعـايــاه




أنــا عـلـى شــوف الحـبـيـب شـفــاوي
كــأنـــه هـنــيــا خـبـريــنــي بـمـمــســاه




قالـت لــي الأوطــان جـلـع ضـحـاوي
الــيـــوم رأس الــرجـــم هـــــذا تــوطـــاه




أمـــس بـهــذا وأصـبــح الـيــوم نـــاوي
يـتـلـى ســلــف بــــدو بـعـيــد مـعـشــاه




كـشـف لـهـم بــرق سـديــد عـشــاوي
يـخـيـلـونــه يــــــم خـــشـــم الـمـســنــاه




يــبـــون مــربـــاع بـــهـــاك الـــحـــراوي
لا زاف زمـلـوقــه وشـبـعــت رعــايـــاه




إخذ الخبر ما هوب خرص وهقـاوي
أعطيـك علـم صويحـبـك ويــن تلـقـاه




أدنــــي مـرابـيـعـه بـخـشــم الــصــداوي
وبــيــوت مـقـيـاضــه بـقــريــة مـبــنــاه




ميـر اطلـب الله لـو صوابـك مـخـاوي
كــــم واحــــد قـبـلــك عـشـيــره تـمــنــاه




يالعـيـن مــا يـنـفـع كـثـيـر الـشـكـاوي
إلا عـلـى الـلـي دبــر الغـيـث وأنـشـاه




يــاونــتــي ونـــــــة وحـــيــــد جـــــــلاوي
اللـي سبـب دينـه مــن أقــرب دنـايـاه




ولا خــلافــه مــــن يــحـــل الــدعـــاوي
لا صــار ربـعـه مـنــه تـبــي الـمـثـاراة




عـلـيـك يـالـلـي لـــك بقـلـبـي مـكــاوي
ثــلالــث ردعــــات هــــوادي وعــرقــاه




عقبـه فـقـدت مــن المـنـام الـحـلاوي
وحتـى متـاعـي قـامـت الكـبـد تجـفـاه




يـالايــمــي يــاعـــل مــالـــك عــــــراوي
بــــلاه مــــا ولــعــك بـالـحــب حـلــيــاه




مـن لا يعـرف الحـب عـنـده دعــاوي
يشـره عـلـى راعــي المحـبـه وينـشـاه




ويـقـول هــذا فـــي ممـاشـيـه غـــاوي
وحــنـــا نـــــدل الـــــدرب والــحــمــد الله




يالله عـســى مـثـلـه كـثـيـر الــهــزاوي
يـبـلـوى بـبـلـوى مـــن لـسـانـه تـهــزاه




حـتــى يــعــرف إن الـمـحـبـه بــــلاوي
ويشوف مثل اللي من الحب شفنـاه




عـســاه يـبـلـى فـــي مـحـبـة حــيــاوي
حب الهنوف اللي يحده على أقصاه




تـفــرى ضـيــره فــــري دلــــو الــــرواوي
إلا صفقـهـا الـجـال مــن حــد مـلـقـاه




لا لجلـجـت لــه بالنـظـيـر الـسـهـاوي
كـلامـهـا (لـبـيـه) عـــن قـولــة هــــاه




كـلامــهــا لـلـقـلــب مــثـــل الـــمـــداوي
الـلـي عـــرف عـلــة مـريـضـه وداواه




يــــــارب إنــــــي بـالـتـفـاتــك رجــــــاوي
تلـم شمـل الولـف مـن عـقـب فـرقـاه




لــــو تـنـفــع الـفـزعــات ولا الـنـخــاوي
علـى المحبـة كـان كـل (ن) نخيـنـاه




مير الرجاء والياس صـار متسـاوي
ياقـلـبـي أصـبــر فـــي تـدابـيـر الإلــــه




لــو مابـقـى فــي حـالـك إلا شـــلاوي
مـادبـر الـوالـي عـلـى العـبـد يـرضــاه






قال هالقصيده وهي في الحقيقه تعبر عن شعوره وعن خطواته اللي هو مشاهن وهذه من أجمل قصائد الغزل
للشاعر/ مرشد بن سعد البذال..

قصة وقصيدة : خلف ابن دعيجاء


‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏




من القصص المعروفة والمشهورة قصة خلف بن دعيجا الشراري مع الجربا وسمير الصبيحي ..وابن دعيجا من قبيلة الشرارات والجربا صفوق من شيوخ شمر وسمير الصبيحي من بني خالد .... وسبب القصة ان سمير الصبيحي طلع من نجد او من ديرتة سواء من ديار بني خالد شرق ...واتجة للعراق من الجزيرة وهذا كان مقر للقبائل اللي طلعت من نجد سؤا من شمر او من غيرها فمر يترزق الله ومر على صفوق الجربا وكان صفوق انسان مشهور بالكرم وكان مجلس الرجال دايم مليان ويوم قدم الغداء قلط سمير الصبيحي مع ناس واجد ويوم التفت سمير شاف كومة من التمن من الرز يعني بقايا الطعام السابق ولقى فية كلبة مجري حافرة زي الجحر ومعها الجرى الصغار ومخليتة كأنة منزل وسمير الصبيحي يخبر وراة فقر والناس قليل الطعام عندهم ......
وكأن صفوق الجربا فية نوع من الفخـر او الـثـقـة بالنفس او الاعـتـزاز قال يوننا اشبعـنا الناس والحمد لله خيرنا وصل حتى الحيوانات ليش فية احد يسمير تعرفة اكرم مني؟
يمكن ناس واجد يفسرون كلام صفوق هذا على عدة عدة تفسيرات ممكن يكون استفسار وممكن يكون ثقة بالنفس وممكن يكون فية شي من الغرور مثلا... وصفوق ولد الجربا هو اللي صارت علية السالفة وصار فية اختلاف ...هل هو صفوق او ابوة فارس.. فمن الناس ممن يظن انة فارس حتى عايد بن رغيان الشراري لما ذكر القصة هذي بقصيدتة المشهورة: قال
جد ابو خوذة في عطاياة وههاب : ابو خوذة عبد الكريم الجربا وابوة صفوق وجدة فارس فبهذا يرى عايد ان السالفة صارت على فارس وليس صفوق ، والجربان من الخرسة من شمر من فخذ يقالة المحمد ......


فمثل ما قلنا سابقا سأل صفوق سمير الصبيحي قال تعرف احد اكرم مني ؟ وكأنة يقول غير ابن مهيد في بعض الروايات .. قال سمير الصبيحي عيال العجز يعجزون وكلا طيبة على قد ماعندة ...ممكن يكون الرجال فقير ويصير اطيب منك لانة وهو فقير يعطي حاجة تصير هي ملكة في حين انت شيخ مهما اعطيت ما تشكل شي من ملكك....قال الجربا اذا فية واحد اطيب مني قلة سواء كان فقير او غني....
قال خلف ابن دعيجا الشراري، وهاك الوقت يمكن صفوق ماعرف خلف جيدا ........
قال صفوق نبي ننهج قال سمير وين؟؟؟
قال لنزل خلف بن دعيجا هاللي خليتة اطيب مني بمجلسي الا لازم تخلينا نشوفة
قال سمير ياشيخ انا جاي للعراق ابي اترزق الله ولانا يم الامور هذي ...
قال صفوق اذا كلامك صحيح ان ما اظلمك ، اذا كلامك صحيح والله ان هذي هي غناتك انا بعطيك اللي يغنيك وترجع لاهلك، واذا كلامك ماهو صحيح والله ان هي نهايتك اني لاذبحك....
وهم يمشون ومعة الدليلة اللي هو سمير ... ويوم طلعو من الشمال وقرربوا لديار الشرارات وديار الشرارات معروفة في هاك الوقت الخنفة واطراف سكاكا والقريات وهذي المناطق اللي تعتبر الشمال الغربي من المملكة
حيث يوجد سهلة يعني سهول جرداء اسمها (بسيطا) وبسيطا هذي حوالي 200كيلو في 200كيلو تقريبا ارض قاحلة زي القاع مابها لاشجر ولاحجر ولا أي شي ... حيث وافق يوم ياصلون خلف وكان خلف بن دعيجا وجماعتة داخلين بسيطا وبسيطا فيها صعوبة للي يبي يكرم شخص مافية لاحطب ولاهوادي تحمل القدور والهوادي هي الحجارة التي تحمل القدور حتى ترفع القدر حتى يوضع الحطب تحتها...........
قال سمير الصبيحي للجربا ياطويل العمر خلف الحين وسط بسيطا مايقدر يسوي شي ...
قال صفوق لا هذي هي الفرصة تبين كرم الرجل من غيرة ... إلا هالحين نبي نجية ...
وسمير الصبيحي خاف ايقن ان خلف مايقدر يسوي شي....ويشلون يوقد قدر بدون حطب؟ وشلون يرفع القدر؟
فأرسل الجربا واحد مرسول لابن دعيجا انة جاك ضيوف من شمر ... طبعا ما علمة انه الجربا لكن انة قال من شمر......
ابن دعيجا نزل ونصب خيامة وبيوتة ومن معة .... ابن دعيجا مايدري شيسوي لان عندة ست قدور والقدور هذي كبيرة ، ويبي لكل قدر ثلاث حجارة على ساس ترفعة ، فبهذا يبي 18حجارة، فقام خلف فذبح 18بعير على ساس يحط رؤؤسهن هوادي للقدر(ولذلك لقب بالمهودي على رووس الابل) وكان معة تجار من العقيلات يبيعون خام ، خام الاحساء هاك الوقت ..... فاشترى كل الخام اللي معهم على ساس يخلية هو مادة الاشتعال بدلا من الحطب، حيث يضعون علية من الشحم ويشتعل ، وجلس صفوق الجربا وعندة الناس وعندة خلف ابن دعيجا، فقال الجربا لأحد خدامة رح للناس اللي يتحركون وش يسووون ،ويوم راعا خادم الجربا وشاف القدور الست وكل قدر مركب على ثلاث رووس من الابل، والخدام يقطعون من الخام بدون ذرع وبدون شي ويرمون تحت هالقدور والقدور مشتعلة، ويوم رجع الخادم للجربا قل ياطووووويل العمر شفت مصايب.... السالفة كذا وكذا.....
ويوم قلط غداهم انت يخلف ابن دعيجا وتغدوا......
قال سمير الصبيحي هذي القصيده يمدح فيها الشيخ خلف بن دعيجا


يا شيــخ ياعل المـنايا تعــداك


والموت يبطي مثلكم مايمره




الطيب يوجد عـند مثـلك وشرواك


والناس تاتي له وهو في مقره




انجيت راس سمير من فعل يمناك


ونحيت عني ممن بلاني بشرة


طبعاً كل هذا الكرم وخلف بن دعيجا لايعلم بالرهان ولا يعلم بان ضيفه هو صفوق الجربا شيخ قبيلة شمر


فقال صفوق لسمير انت قلت شي وصدقت بة ويطلع كيس فية ذهب واعطاة اياة.......
فالجربا وفى بوعدة لسمير الصبيحي.....


فقال خلف وش السالفة؟؟؟؟
قال صفوق والله السالفة كذا وكذا ......


فقال خلف طالما فضلني انا على الجربا وفي مجلس الجربا نفسه انا بعطية كيس ذهب....فهذة القصة تبين كرم الناس اول


وهذه الابيات التي تروي القصه للشاعر عايد بن رغيان الشراري










قلبي يزوم وزود طيشه بلاني
وطير النيا يمكن رجع عقب ماغاب


توه قضيب وزاد بالأكفخاني
سبقه قصير وماقعه دون مقضاب


قلت الفرج بالقافيه واكتباني
دام القلم مطواع والحبر سكاب


ياراكبا من فوق بنت العماني
حول الرباع وتو ماشقّت الناب




فيها من العيرات وقم الثماني
محفوضة التاريخ ميلاد واضراب


بنت القعود اللي يفك القراني
مرباه شط النيل مرتع ومشراب


ضريبته بالعيش صعب المجاني
تدفع لنا غصبا على قوم غصاب


يشهد لنا راعي نفي بالاغاني
وحمود ناصر وبن ملحم وحطاب


عيونها جمر الغضا الشلهباني
في جورتاً مابين كيراً وشباب


فقس العلابي ثم عكف الاذاني
راس الخبير اذا وقف واصلح الكاب


مبرومة الفخذين والزور باني
بينه وبين اكواعها قفلة الباب


شيب الشواغر مع مميل الثفاني
عراضا مرادفها كما قار ديراب


الصيعريه للعصا ماتداني
ولاهي من اللي يشعبونه بمشعاب


تلمح مذانب عينها الخيزراني
هاجت وماجت ثم ساجت بضبضاب


عقب الربخ ساج الحقب للبطاني
شابت مرافغ بطنها والحقب شاب


ان درهمت بك مع سماح المتاني
وحان المسا والدرب عثعث ودبداب


يزيدها شوف الظلام جفلاني
كن السعارة ينهشنه بالانياب


تزلف على اللي سيرها بروجاني
فريد من سرب القطا شافها عقاب


وكل ما قربها زادها بالجناني
تزيد مع لفح الهواء والهواء هاب


حدا نظر خشما عفر مشفقاني
حصا وبر كن النحر باب خشاب


تقدم على السرحان بالهوذلاني
ينزّى الحصا من خفها تقل مشهاب


صفق الهواء بجنوبها بصفحاني
صفقات معصيراً على صوب مزراب


دقات قلبه بالضلوع الحواني
ضرب الدفوف بعرس تلعات الارقاب


مزبان مدمياً بعيد الطناني
لحم ودم وروح وتثير الأعجاب


بالشد لاترغي ولا مضبحاني
مثل الهنوف اذا استحت عند خطّاب


وأن مس حبل شدادها بالمثاني
تبدي الرضا بسكات بعيون عتّاب


ترطن رطين مترجمن طرطماني
شاف المحرك عاطلا فيه لولاب


تشدى لشاحوفا بعيد المواني
حس الخطر من زورقا جاه قراب


شاف الخطر بالعين والموت داني
وتو البحر ماهاج والبزر كباب


الجم راكد والمسير ركزاني
صفق المراوح بالبحر صفق مغراب


مارافقت قفلا ولاهي بواني
ولا شدها راع الزماميل حطاب


ولا دربوها ملاعبين الغواني
عفر النظر مايركبة كل ركاب


مرباعها بين العلم والجراني
ومقيضها بالهوج والبرق معزاب


في ضف نجعا يكسبون الرهاني
أن صار يوما بين مروي ونداب


ركض النعامه بالحفا واللياني
وحبل الرسن مايقضبة كل قضاب


مايشتريه التاجر المربحاني
أيضا ولا تهدى على كل طلاب


تشبه عوارض ساقها الشيشخاني
وسم السليم بنصفها كنه الداب


يوم الحرايب والعدا من زماني
مدربينه بين غزوة ومطلاب


نلحق عليها راكبين الحصاني
وصفرا يكضمن ألأعنه بالأجناب


ماقلت فيها عيب للمودماني
الجيش هن والخيل من ضمن الأسلاب


ومن قال عيب قلت فيها مثاني
على الخبير المبتدي ذكر الأسباب


دليلها واحد من الكوكباني
الجدي ولا سهيل كان القمر غاب


حطت نحرها في سهيل اليماني
ولو شفت اثرها قلت مضراب نشاب


من ساس ضمّر جرد ماهن بداني
تلفي لشمر من مشاهير الأقطاب


أهل اللحيسا في كبار الصياني
أرداهم اللي للغنم تقل قصاب


يقلطون العيش مع فطح ضاني
وعذرا سمينا فوق كلماتاً عذاب


يستعملون الهيل والزعفراني
في دلةٍ يطرب لها كل شراب


الهيل هندي والمسمى أسباني
وقهوة عدن فنجالها كنه خضاب


غلبا بطاين جوخها الأرجواني
كم شيخ شغميما غزى يمها وتاب


راع المطية عارفا بالمكاني
يرفق له العنوان مع كل دراب


ببلاد سنجاره عليها الأماني
وعند الحسيني له تحية وترحاب


الأشعل الفيصل عفيف اللساني
قول الكلام بلطف من ضمن الأداب


قل السلام وشير له بخضعاني
وقل التحية يازبن كل منهاب


أحلى من السمن العريب العداني
ومن درة الخلفة على بيض الأنياب


من واحدا يسألك يالترجماني
عما ذكرته باليمامه بالأعراب


ان كنت تعرف صنفنا من الدواني
استر علينا يسترك رب الأرباب


قلت اللحاوي بيطري بالزماني
يجبر كسور كروش يوم السهم صاب


أسألك عن قولا نشرته دعاني
أشره عليك ورد في صدق وأيجاب


من نجّح الدكتور بالأمتحاني
وفي اي معهد دارسا علم الأطباب


عسى شهودك من بعاد العواني
أو الشهادة عندكم وسط دولاب


من قال قول يدعمه بالبياني
ولا عليه الحق يلزم ولو غاب


سبيتنا وأعطبتنا بالهواني
مسبةً تبرى الحشى تقل تيزاب


والسب شوك الكبد منكم كواني
مسمارها حامي على عرق صباب


وان كان حضك يحتملها ثواني
تلقاه قدامك وانا خاطري طاب


عقلي ثقيل وحجتي في لساني
ماعاد نخضع للأسامي والألقاب


نصبر لها دام الذي كان كاني
ولا نبادلك في منطق فيها الأنشاب


لعل انا ماشوفتي بالأداني
وأدراك عن قول ترى فلان كذاب


ماني بشيمات العرب مسرداني
ندري الحضوض ونحسب القول بحساب


احسب خطايه واقتصر بمشياني
اخاف زلات القدم يوم نرتاب


وكلام جهّيل العرب بوبهاني
ملح البحر وان جاه زوم البحر ذاب


ولو قال دواس الشعيلي معاني
ساعدك بالدقه على وتر لعاب


يالأجودي ماشيخنا مشبهاني
حتى يعالج خيلكم عندما تصاب


هذا اللحاوي يالسنافي ضماني
زعيم كلب ويعرفه عكف الأشناب


قرمٍ صميدع قاطعا صيرماني
من خلقته مالان راسه للأرهاب


ينطح نحور مربعات القطاني
نطح الزناتي خيل ابا زيد وذياب


ومن صار قفو حصانا بالعلاني
عليه لايامن مضاريب الأسعاب


وان كنت تطعن في نسبنا تراني
اعطيك علمٍ بالمراجع والأنساب


حنا عرب وساسنا بقحطاني
مكتوب في صافي الذهب بأوسط الطاب


في شجرة الأمه بهاك المكاني
مكتوب بالبردي ومنحوت بهضاب


كلب ابن وبرة جدنا وشهواني
مركز قضاعه ماسكينه بالأطناب


وفي دومة الجندل لنا رمز ثاني
اسم صنمنا ودّ في راس مرقاب


تركع له ارقاب العبيد اركعاني
وكيدر الكندي بنا فيه محراب


وان كان ربك مصطفيك اصطفاني
الفرق بالتقوى والأعمال بكتاب


وشرار مهو اسود وطيّ بيضاني
ولا جدنا صقرا ولا جدك عقاب


آدم ابوك وهيكلك مودماني
وحوّا احملت بك عن طريقه بالأخصاب


وانا شريكك في نسبهم ولاني
من كوكبٍ ثاني على الارض طبّاب


وأراك يالممدوح كما تراني
سنا بسن ونشلع الناب بالناب


وأن كنت تقصد بأرضنا بالسناني
أسأل عبكلي ليش يمشي بمصلاب


جانا معه غضبان هو والدماني
وضرب الهنادي كنها لعب طرناب


وحصل اخو عليا على الساق شاني
وخلا بعض ربعه وهو راح منصاب


امضى حياته مشيته بعرجاني
ولا يصلح الحداد عظما بسكراب


وابن رخيص اللي نخانا عياني
جيناه في شلفٍ شطيرات وحراب


وجبنا له المجمول صافي الثماني
بنت الشمالي يوم عيا بالأحباب


بيت العياده من كبار المباني
نخبرك عن نسله الى قيل من جاب


ومن حط بقنيطير بزر الاوماني
عقيد شمر بين منكف وكساب


حيثه هجم عقب العهد والأماني
في ساعةٍ تصعب على كل مرعاب


الشلف فيها كنه الديدحاني
من دم عصمان الشوارب اذا ساب


زادن عليه المترفات انعياني
مثله فقيد ومثلهن شق الأجياب


في راس ودعه مدفنه الصمصماني
من خوف لاياتيه نسر ولا غراب


نكرم كريم القوم لو كان فاني
ولا همنا بأفعالنا قول هزاب


ولو تسأل الهربيد قوله كفاني
من اللي جرى ببلاد كلب وكلاب


بأيسر مكيحيلا بحد الطماني
يوما جرى لعساف في قيض لهاب


شيخ السويد مزهبين الرداني
مع دربهم تلقى الحوارين ذهاب


أغواهم الضمران والقحوياني
وبرقا يغرد طيرها بين الأعشاب


وغزوهم اللي يقطعون الشطاني
ولا صح لأسماعيل وسعيد مهراب


ومن سبب الشيخه على المكلماني
حتى يشبة بالفرزدق وزرياب


ومن زهب سويلم بسمح ودهاني
من بعد منعه وأطلقه عقب ماطاب


صميدعا بالحرب ماهو هداني
قاد السويد لحربنا مثل الأسراب


ولو تسألون عبيد من راح عاني
لعل يلقى أخوه من بعد الأتعاب


في سهلة تبعد عن مريغاني
حروة ثمان ايام للنضو مسحاب


بديرة منزحة العدا بالطعاني
يردون حوض الموت كان الردي هاب


حول يرد الخيل واصبح يعاني
من جرح سيفا صار له في مضراب


واقفن بربعه حرد شوف العياني
وأبا الكحل خلا الشويب وهو شاب


وعبيد ماجانا بقلبه حناني
ألا عدوٍاً ياخذ الناس نهاب


لو كان مسلم مذهبه شقلباني
مثل البوادي من شبابا وشياب


جرد علينا بالسيوف المحاني
بأربع جموعا كاملة خيل وركاب


على الشقيق وكل قاصي وداني
يعرف نتايجها على حصان الأطلاب

قصة قديمة من قصص الشجاعة مع قصيده

هذه قصة قديمة من قصص الشجاعة

توضح لنا ان عموم رجال البادية يفادون بانفسهم دون شرفهم وحلالهم وتجد الواحد منهم يقتل او يقتل عند محارمه وحلاله

هذه القصة جرت على ( مجري بن ذيبان ) من الروق من قبيلة قحطان 00

لقد ذكر لمجري سحابة صيف يسمونها خرفية لانها بوقت الخريف وعندما ذكروها له قال اين محلها قالوا

عند وادي اعقارات بالجنوب قال هذي ان شاء الله بشروا بها ذودي قال قريب له اسمه منيف

يامجري لا تذهب اليها لئلا ياخذ اهل تلك البلاد مامعك من الدواب لانك ستكون في منازل اعداء

وما ترك الناس تلك الجهات الا خوفا من ان يوخذ مامعهم من الدواب لان من جاها يبون يجونه القوم

الا ان مجري ذهب ونزل فيها وبعد مضي حوالي شهر قال لآبنائه .

لي غرض سوف اقضيه في المكان الفلاني وساغيب عنكم فكونوا يقظين لحماية ابلكم من الاعداء حتى لاياخذوها.

كان عدد اولاد مجري ( سبعة ) وبعد ذهابه بيوم اويومين اغار القوم عليهم وحصل بينهم معركة وحمى اولاد مجري

حلالهم وكل الابناء السبعه صار فيهم اصابات ماعدا واحد منهم وعندما حضر الوالدهم واخبروه بما جرى بينهم

وبين القوم وجاء الولد الذي لم يصب ليسلم عليه ضربه والده وقال له.

اخاف انك من الذلة والخوف ماصار فيك اصابات قالوا اخوانه نشهد له انه هو الذي فك الابل من الاعداء أي استردها

فقال بهذه المناسبة أبياتاً يسندها على ابن عمه منيف الذي يشيرعليه بعدم الشديد الى الفيصة يقول






ياراكب حمرا من المجــــوجفاتـــي 0000 ماشفت أضواح الدبر في ظهــــرها
تنصا منيف حامي الجـــــاذياتـــــي 0000 يده على كــبـش المربي خطـرهــا
قلة ترى حــنا نزلنا اعـــــقراتـــــي 0000 يوم اختلط نوارها مع زهـرهـــــا
ذيدا ننا و الصيد مـتـــــوالــــفاتـــي 0000 من بين شوك واعقـرات اجـررها
وغارواعلينا القوم علم ثـــــباتـــــي 0000 واللى حضرمنا تـنـطح كـــــدرها
ياناقدا اللى طاعنى في وصاتــــــي 0000 ماذل عند اللى تحاسك وبــرهــــا
فكوا لي اللي من فحــــــلها خوانـي 0000 حل الصــفاري مقبلات افقرهــــا
من صلب ابويوعاد هم لى اجراتي 0000 هل سرية طال القبايل خــبــرهــا
هل سرية ما جنـبوها الـــرمــا تـي 0000 لين اغتشى البارود حمرة اشهرها
ان كان ما طاحت سريع اهواتـــي 0000 افهق عن الدلة الى من نــــحــرها
وان كان ما مارن بفعلي بناتـــــي 0000 يارمتي لارحم ابو من قــــبــرهـــا

قصه منقوله....

قصه وقصيده من الماضي القريب ..!! الولد لاطاب طيبه من خواله

---

الولد لاطاب طيبه من خواله
..



الصبي وان طاب طيبه من خواله... وان تردى فـعلم انهم خايبينـي
أشرب الفنجـال واكـب البيالـة... طيـبٍ واحـب سلـم الطيبينـي

[[[السلام عليكم ورحمة الله وبركاته ]]]

من لا يعرف .. هذين البيتين .. بيتين اشهر من نار على علم ..

قد يجهل البعض قائلهما ... ولكن اكيد سمع بالبيتين من قبل ...

حتى اصبح مضرب مثل يتداوله كثير من الناس ..


قائل هذين البيتين ..

الشاعر / راشد بن حسن بن مانع بن رحيان الضاعني الملقب بــ ( ابن الذيب ) ..


وقيل انه توفي عام 1986م وهو في الشرقيه وكان شايل معه شخص موصله الى قرية في الوادي وحصل عليهم حادث وتوفي رحمه الله ..




راشد بن حسن .. كان يشتغل في شركة ارامكوا السعوديه .. وكان يملك سيارة الشركه ( جمس ارامكوا ) ..

وكان كل ما شاف له رجلي والا طرقي على الخط يبي احد يوصله يقوم ابن الذيب ويوصله بدون مقابل .. على سيارة الشركه ..

حتى اشتهر عند البدوان ... لا جا احد يبي يروح مكان ولا عنده مطيه والا موتر .. يمشي في طريقه ويقول عسا يلقاني ( ابن الذيب ) على الطريق والا انا القاه ...

ويشيلني ويوديني للمكان اللي انا ابيه .. حتى قاموا الناس يطرونه ويحكون فيه وهم لا يعرفونه ولا قد شافوه ..

جاء يوم من الايام الا عجوز وعندها غنم شوي تعد على الاصابع .. و ( راشد بن حسن ) ... كان مشغول ومتأخر على الدوام شوي ..

وشاف العجوز وشاف معها غنم تعداها وهملها .. عقب حزت في خاطره واستحى وراعي الطيب ما يجوز عن طيبه وقف الموتر ورجع للعجوز ..

يوم جاها قالها يا مره انا ابشيلك وبوديك المحل اللي تبينه لكن بدون غنمك .. انا متأخر على الدوام واخاف غنمك تأخرني زياده ..

قالت له العجوز .. خلاص رح الله يستر عليك يا ولدي ..

انا جالسه هنا انتظر ( ابن الذيب ) ..

هو اللي بيجيب العلم وبيوصلني المكان اللي انا ابيه انا وغنمي .. وهي ما تعرفه .. ولا تدري انه ( ابن الذيب ) .. هو نفسه اللي هي تكلمه ..

يوم انصدم ( راشد بن حسن ) بقولها .. وتعجب !!

قال اركبي يا خاله انا ( ابن الذيب ) وابشري بعزك ..

ابوصلك انتي وغنمك ..

وكانت انظمة ارامكو تمنع السائقين ان يشيلو الرجليه اللي يوقفون السواقين ويطلبونهم توصيلهم على طريقهم .. وشلون توصيل الغنم ؟؟؟؟؟

حتى وصل علم .. لشركه بفعل ( راشد بن حسن ) .. وهدد بالفصل من الشركه اكثر من مره .. وبعض رؤساءه يأسوا من المحاوله معه .. واعجبتهم شهامته ..

وصل العجوز إلى منصاها والمكان اللي تبيه ..





وقال هذى القصيده .

قالهـا ابـن الذيـب مـن هاجـوس بالـه
كلـمـةٍ يـلـعـب بـهــا والـبــال زيـنـي
قـالـهــا يــومــه طــرالــه مـاطــرالــه
مـن هواجـيـسٍ تشـيـب المرضعيـنـي
حـالـفٍ مـاخـذ عـلـى الطـرقـي ريـالـه
وبـالـثـلاث مـحــرم أنــــه مايـجـيـنـي
لالقيـت اللـي علـى ( السكـه ) لحالـه
يلـتـفـت ويـقــول ويـــن المستحـيـنـي
أوقـف المـوتـر حـيـا وأبــي الجمـالـه
يــوم ولــد الــلاش وجـهــه مايلـيـنـي
الطـمـع فــي كــروة الرجـلـي رذالـــة
....خـص وان جـابـه مـجـال الغانميـنـي
والــردي فــي حـالـةٍ مـاهــي بـحـالـه
واعـويـنــه مــــن كــــلام الطيـبـيـنـي
الـــردي لـــو بـــان مـايـذكـر عـمـالـه
مـايـعـد الـــلاش مـقـصـور اليمـيـنـي
أركـبــه لـعـيـون مـــن زيـــنٍ دلالــــه
ماتـحـاكـوا فـــي قـفــاه الرامـسـيـنـي
مابـغـى غـيـري وانــا مابـغـى بـدالـه
....قـاعــدٍ لـــي بـالـرجـا مـــدة سنـيـنـي
الصبـي وان طـاب طيبـه مـن خوالـه
بـالـخـوال يــســال قــبــل الـوالـديـنـي
أشـــرب الفـنـجـال واكــــب الـبـيـالـة
تــابــعٍ سـلـمــي ســلــوم الأولـيــنــي
ولاقـعـدنــا بـالـعـمـل بــنــا الــرزالـــة
....نـاخــذ العـلـيـا طــريــق الفـايـزيـنـي
غـرنـي بـعـض الـرجـال بكـثـر مـالــه
مادرى ان المـوت فـي حبـل الوتينـي
كيـف ينفعنـي وابـا(..........) خـالـه
مايـقـوم البـيـت دام الـسـاس طـيـنـي
مـاش ويــن الـلـي عـوايـده الجمـالـة
....مثـل ابـن ظافـر حـمـد ليـتـه يجيـنـي
الـثـنـا والـجــود دايـــم فـــي خـيـالــه
عـلـمــه ظــافــر ســلــوم الطـيـبـيـنـي
جـــــوّد الـعـلـيــا ولـزمّــهــا عـيــالــه
وادركــوا مــن علمـتـه دنـيـا وديـنـي
واهنـي مـن بـاع حظـه واشتـرى لــه
وسار في درب النبي وأخزى اللعيني
مـوقــفــه مــاكـــل رجــــــال يــنــالــه
مــن بـغـى مـمـشـاه يـقـعـد مرتـيـنـي
كـم ذبـح مـن حـايـلٍ مــن حــر مـالـه
وعـادتـه لـطـمـة خـشــوم العايلـيـنـي

و البيتين اللي بأول الموضوع يقال انهم محرفين.. والبيتين الصحيحين كما ذكروا فالقصيده ..


مــــــــــــلاحظه:::الشاعر راشد بن الذيب هو والد الشاعر المعروف حاليأ

محمد ابن الذيب



قصة منقوووووله..

طير شلوى

ثلاثة اطفال كبيرهم عمره ثلاث سنوات والاصغر...توفي والدهم وبعده بستة اشهر توفيت والدتهم فلم يبقى لهم الا جدتهم من ابيهم وتدعى شلوى ونظرا لضيق ذات اليد اصبحت هذه العجوز تدور وسط البيوت تطلب اكل للاطفال.... فصارت ومن باب الاستلطاف تقول ماعندكم عشى او غدا لطويراتي تقصد بذلك الاطفال الثلاثة
شاع خبرها بين الناس وعلم الشيخ الجربا بامر هذه العجوز فامر ان ينقل بيتها الى جوار بيته وقد تم ذلك وكان الجربا قبل ان يقدم الغداء او العشاء يقول لاتنسون طيور شلوى وكان يشرف هو بنفسه على ذلك ومع الايام كبر الاطفال الثلاثة وهم شويش ...وعدامه وهيشان واصبحوا رجال يستطيعون القتال
ونظرا لارتباط الحلال بالربيع رحل الجربا وجماعته الى مكان بالقرب من الحدود السورية حيث مكان الربيع والماء وهنا كان تواجد للدولة العثمانية الاتراك..وايضا قبيلة اخرى تقطن هذا المكان وكان الجربا وجماعته قليلي العدد مقارنة لكثافة تواجد الاتراك وايضا عدد افراد تلك القبيلة .. هنا طمعت تلك القبيلة وايضا الوالي التركي بقبيلة شمر بقيادة الجربا..فارسل الاتراك مرسال الى الجربا يطلبون ودي مثل الضريبة الان)؟
اجتمع الجربا وافراد قبيلة شمر للتشاور ..ونظرا لقلتهم ايضا وجودهم الموقت وافق الجربا على دفع الودي وبعد مدة بسيطة طلب من الجربا ان يكون الودي مطبوق مضاعف وهنا ايضا وافق الجربا وبعد مدة اي حوالي اسبوعين اقبل فرسان الاتراك ومن الجهة الاخرى فرسان القبيلة الموالية للاتراك وهنا ارسل الاتراك مرسال للجربا وطلب من الجربا ان يعطونهم خاكور..باللهجة التركية لم يعرفوا معنى خاكور وقال ماذا تقصدون بالخاكور ؟؟؟
وقال المرسال اي نساء من حريم شمر لجيش الاتراك لغرض المتعة))هنا تدخل شايب من شيبان شمر...وانشد قائلا. وكان في مكان بعيد عنه قبور يستطيع الجميع من رويتها وهم في مجلس الجربا انشد قائلا


هنيكم ياساكنين تحت قاع
مامركم ودي تقفاه خاكور
هنيكم متم بحشمه وبزاع
ومامن عديم ينغز الثور؟


كان يقال ان الدنيا على قرن ثور متى ماتحرك الثور قامت القيامة ..وهنا اراد الشاعر في شطر البيت الثاني ان يشعر الموجودين ان الموت ولا هذا الطلب.. ما ان قال ..مامن عديم ينغز الثور ؟....الا ان قفز شويش العجرش. وقال انا ..وانا طير شلوى اخذ الشلفا ورفها بالهواء وعند سقوطها ضربها بسيفه وامتطى صهوة جواده واندفع منفردا بشجاعة منقطعة النظير على جيش الاتراك حيث شق طريقا وسط جمع الخيل والطرابش الحمر تتطاير يمنة ويسرة من ظرب شويش لرووس الخيالة هنا لحق به اخويه عدامة وهيشان العجرش .....الجربا ومن معه اغاروا على القبيلة الاخرى .وماهي الا ضحوية كان كل شي قد انتهي لقد تم الانتصار على الاتراك وتلك القبيلة وغنم شجعان شمر والجربا مغانم وكانت هذه احد الاسباب في غناة الجربا ومن هنا ظهرت شجاعة طويرات شلوى...الشايب صاحب القصيدة لايزال على مركاه في مجلس الجربا يتفرج على كل الذي حصل وعند انتهاء المعركه وتقابل فرسان شمر يباركون لبعظهم هذا النصر الموزر.. قالو نريد اذا سال الشايب عن من مات نريد ان نقول شويش..وعندما سال الشايب
قالو له شويش مات....انشد قائلا


قالو شويش وقلت لالا عدامة
او زاد هيشان زبون الملاييش
ماهو ردى بمدبرين الجهامة
لكن هوش شويش يالربع ماهيش
يوم شويش حزم راسه نهار الكتامة
دبر ظنى....وحمر الطرابيش
يوم شويش مثل يوم القيامة
بالله عليكم لا تحكون بشويش


قالو لالا نبشرك حي ...وهنا ساد الجربا وجماعته المكان واصبحوا ياخذون الودي على من تبقى من القوم
وهذي هي القصه وعساها تعجبكم

قصه عن الشجاعه

توضح لنا ان عموم رجال البادية يفادون بانفسهم دون شرفهم وحلالهم وتجد الواحد منهم يقتل او يُقتل عند محارمه وحلاله

هذه القصة جرت على ( مجري بن ذيبان ) من الروق من قبيلة قحطان

لقد ذكر لمجري سحابة صيف يسمونها خرفية لانها بوقت الخريف وعندما ذكروها له قال اين محلها قالوا

عند وادي اعقارات بالجنوب قال هذي ان شاء الله بشروا بها ذودي قال قريب له اسمه منيف

يامجري لا تذهب اليها لئلا ياخذ اهل تلك البلاد مامعك من الدواب لانك ستكون في منازل اعداء

وما ترك الناس تلك الجهات الا خوفا من ان يوخذ مامعهم من الدواب لان من جاها يبون يجونه القوم

الا ان مجري ذهب ونزل فيها وبعد مضي حوالي شهر قال لآبنائه .

لي غرض سوف اقضيه في المكان الفلاني وساغيب عنكم فكونوا يقظين لحماية ابلكم من الاعداء حتى لاياخذوها.

كان عدد اولاد مجري ( سبعة ) وبعد ذهابه بيوم اويومين اغار القوم عليهم وحصل بينهم معركة وحمى اولاد مجري

حلالهم وكل الابناء السبعه صار فيهم اصابات ماعدا واحد منهم وعندما حضر الوالدهم واخبروه بما جرى بينهم

وبين القوم وجاء الولد الذي لم يصب ليسلم عليه ضربه والده وقال له.

اخاف انك من الذلة والخوف ماصار فيك اصابات قالوا اخوانه نشهد له انه هو الذي فك الابل من الاعداء أي استردها

فقال بهذه المناسبة أبياتاً يسندها على ابن عمه منيف الذي يشيرعليه بعدم الشديد الى الفيصة يقول


ياراكب حمرا من المجــــوجفاتـــي 0000 ماشفت أضواح الدبر في ظهــــرها
تنصا منيف حامي الجـــــاذياتـــــي 0000 يده على كــبـش المربي خطـرهــا
قلة ترى حــنا نزلنا اعـــــقراتـــــي 0000 يوم اختلط نوارها مع زهـرهـــــا
ذيدا ننا و الصيد مـتـــــوالــــفاتـــي 0000 من بين شوك واعقـرات اجـررها
وغارواعلينا القوم علم ثـــــباتـــــي 0000 واللى حضرمنا تـنـطح كـــــدرها
يانافدا اللى طاعنى في وصاتــــــي 0000 ماذل عند اللى تحاسك وبــرهــــا
فكوا لي اللي من فحــــــلها خوانـي 0000 حل الصــفاري مقبلات افقرهــــا
من صلب ابويوعاد هم لى اجراتي 0000 هل سرية طال القبايل خــبــرهــا
هل سرية ما جنـبوها الـــرمــا تـي 0000 لين اغتشى البارود حمرة اشهرها
ان كان ما طاحت سريع اهواتـــي 0000 افهق عن الدلة الى من نــــحــرها
وان كان ما مارن بفعلي بناتـــــي 0000 يارمتي لارحم ابو من قــــبــرهـــا

قصة نورة الحوشان وقصيدتها المشهورة

كانت تعيش الشاعرة نورة الحوشان في بلدها بمنطقة القصيم مستورة مع
زوجها عبود بن علي بن سويلم إلى أن وقع بينهما خلاف أدى إلى طلاقها طلاقاً
لا رجعة فيه ، وبعـد الطلاق تقـدم لها الكثير طالبن الزواج منها حيث أنها امرأة
جميلة ومن عائلة معروفة و محافظة، و لِما عرف عنها من خلق و طيب، فقد كانت
تعـطف على المساكين والمعـوزين وقد ورثت هذا الطـبع الانساني عن عـائلتها،
وقد رفـضت الزواج بعـد زوجها عـبود الذي كانت تحـبه وترى أن فيه مواصفات
الرجل المثالي .

وذات يوم كانت تسير على طريقٍ يمر بمزرعته وبصحبتها أولادها منه، وعندما
مرت بالمزرعة رأته فوقـفـت على ناحـية المزرعة وانطـلق الأولاد للســلام عـلى
أبيهم وبقيت تنتظرهم إلى أن رجعوا إليها فأخذتهم وأكملت مسيرها ، وقد تذكرت
أيامها معه وتذكرت من تقدم لخطبتها بعد الطلاق و رفضُها لهم فقـالت قـصيدتها
المشهورة التي يتداول الناس منها البيت الأخير الذي أصبح مثلا دارجاً بين الناس
ولكن أغلب مرددي هذا المثل لا يدركون قصة هذا البيت الذائع الصيت في منطقة
الخليج كلها وإليك قصيدتها الرائعة:


ياعـين هِـلِّي صَـافي الدمع هِـلِّـيـه … وإلْيَا انتهى صافِيْه هَاتي سِرِيـْبـِه

ياعـين شـوفي زرع خلك وراعيه … شـوفي معَاوِيْدِهْ وشـوفي قِــِليْــبِه

من أول .. دايـم لرايــه نمـالــيــه … واليـوم جَـيَّـتْـهُـم عــلينا صعـيـبـه

وان مرني بالدرب ما اقدر أحاكيه … مصــيـبـة ياكـــبرها من مصـيـبـه

اللي يبــينا عــيت النفـس تبغــيـه … واللي نبي عــيا البخـت لا يجـيبـه


يقال أن أم الشاعرهـ لما سمعت بقصيدة ابنتها قالت لها

يوم انك تحبينه و شهوله تطلبين الطلاق ؟!


أحبه لو يطبخن ثم يشوين

يا زينه ويا زين لمه و ضمه

ويا زين قوله ( هيه وش تبغين !! )

أحلى من الورع المغاغي

على أمه

قصــــــــــه وقصيده مجنوووووونه وحزززينه ...
كان فية اصحاب يحبون بعض لدرجة عاليه جدا
وما كان احد من الناس يفكر لو بالحلم انهم يتفارقون
وكانو مضرب مثل للصداقة .
مع انهم كثيرين مهاوشات مع بعض
لكن مع كل مهاوشة يزداد حبهم لبعض .
مرت الايام وهم مبسوطين
لكن واحد غرتة المحبة الي بينهم
وصار مزاجة متقلب على خوية
وهو يفكر ان خوية مايقدر يعيش من دونة
لكن الزمن دار عليهم وافترقوا
وانتشر بين الناس انهم متفارقين
واستغربواا الناس مستحيل انهم يفترقون ....
كل شخص وين ماراح يسالونة عن خوية ..
ويحس بمرارة بعادة ... كل شخص بدا يشوف مستقبله
وراح واحد منهم بعثة خارجية وتعرف على ناس من السعوديه ..
مرت الايام وهذاك في دراستة مع اصحابة الجدد
وراح وسكن عندهم وفجاءة لقى مجلات قديمة
قام يقراء فيها
وانتبة لاسم شد انتباهة كاتب
قصيدة ومهديها لة دارت بة الارض وقام يتذكر
ماضيهم مع بعض وبكى ................
ودق على قرايبة بالسعودية
يحاول يجيب رقم صاحبة الاول
لكن طلعت الاجابة انة مات من سنتين  ..

≈ شوفوآ القصيدة

نزعل ونتـكبـر وحنـآ من الطيـن
•• والكل منآ صد لآ آقبل خويھہ

نفخر نقول حنآ على الصد قآوين
•• وهي علينا بالحقيقة قويھہ

نشفق على الخوة ومزح الكريمين
•• وهذه بنآ لآ شگ فعلة رديھہ

ننسـى نهـآيتنـآ على فيـن مآشيـن
•• ننسى الزمآن آلي جمعنآ سويھہ

والمشكلة مآهي بحآجـة للتخميـن
•• ولآهي بعد يآنآس صعبة القضيھہ

دق الرقم كيفـگ هلآ فيگ وآهليـن
•• آنآ الخوي آلي مزعل خويھہ

قلة تغيب وصورتگ دآخـل العيـن
•• ويبقى لحبگ في خفووقي بقيھہ

آخوآن حنآ لو تفآرقنآ على شيـن
•• مآنفترق مآدآم المحبة نديھہ

خلّـگ قوي لآ تحتكرگ الشيآطين
•• قبل الفوآت وقبل وقت المنيھہ

كلّم خويگ بآطيب الهرج وآلليـن
•• وآعرف جميل الهرج يمسح رديھہ

هذه هي الدنيآ من الحين للحيـن
•• لابد بين النآس تحصل خطيھہ

بآكر تمر سنيـن وسنيـن وسنيـن
•• والكل يرحل بآلدروب المديھہ

صدقني تندم وآذكر حروفنآ زين
•• تندم على خلّـگ اذآ غآب ضيه

اقتباس:

---

المشاركة الأصلية كتبت بواسطة نديم الماضي

قصــــــــــه وقصيده مجنوووووونه وحزززينه ...
كان فية اصحاب يحبون بعض لدرجة عاليه جدا
وما كان احد من الناس يفكر لو بالحلم انهم يتفارقون
وكانو مضرب مثل للصداقة .
مع انهم كثيرين مهاوشات مع بعض
لكن مع كل مهاوشة يزداد حبهم لبعض .
مرت الايام وهم مبسوطين
لكن واحد غرتة المحبة الي بينهم
وصار مزاجة متقلب على خوية
وهو يفكر ان خوية مايقدر يعيش من دونة
لكن الزمن دار عليهم وافترقوا
وانتشر بين الناس انهم متفارقين
واستغربواا الناس مستحيل انهم يفترقون ....
كل شخص وين ماراح يسالونة عن خوية ..
ويحس بمرارة بعادة ... كل شخص بدا يشوف مستقبله
وراح واحد منهم بعثة خارجية وتعرف على ناس من السعوديه ..
مرت الايام وهذاك في دراستة مع اصحابة الجدد
وراح وسكن عندهم وفجاءة لقى مجلات قديمة
قام يقراء فيها
وانتبة لاسم شد انتباهة كاتب
قصيدة ومهديها لة دارت بة الارض وقام يتذكر
ماضيهم مع بعض وبكى ................
ودق على قرايبة بالسعودية
يحاول يجيب رقم صاحبة الاول
لكن طلعت الاجابة انة مات من سنتين  ..

≈ شوفوآ القصيدة

نزعل ونتـكبـر وحنـآ من الطيـن
•• والكل منآ صد لآ آقبل خويھہ

نفخر نقول حنآ على الصد قآوين
•• وهي علينا بالحقيقة قويھہ

نشفق على الخوة ومزح الكريمين
•• وهذه بنآ لآ شگ فعلة رديھہ

ننسـى نهـآيتنـآ على فيـن مآشيـن
•• ننسى الزمآن آلي جمعنآ سويھہ

والمشكلة مآهي بحآجـة للتخميـن
•• ولآهي بعد يآنآس صعبة القضيھہ

دق الرقم كيفـگ هلآ فيگ وآهليـن
•• آنآ الخوي آلي مزعل خويھہ

قلة تغيب وصورتگ دآخـل العيـن
•• ويبقى لحبگ في خفووقي بقيھہ

آخوآن حنآ لو تفآرقنآ على شيـن
•• مآنفترق مآدآم المحبة نديھہ

خلّـگ قوي لآ تحتكرگ الشيآطين
•• قبل الفوآت وقبل وقت المنيھہ

كلّم خويگ بآطيب الهرج وآلليـن
•• وآعرف جميل الهرج يمسح رديھہ

هذه هي الدنيآ من الحين للحيـن
•• لابد بين النآس تحصل خطيھہ

بآكر تمر سنيـن وسنيـن وسنيـن
•• والكل يرحل بآلدروب المديھہ

صدقني تندم وآذكر حروفنآ زين
•• تندم على خلّـگ اذآ غآب ضيه

---

يالله محزنه جدا
ابكتني الابيات
الله يعينا على انفوسنا
ربي يغفرلنا ولهم
لاهنت نديم قصة رائعه وفيها عبره

شكرررررا لك

قصة قصيدة المسافر

في يوم من الايام جاء شاب اعمى ودخل على الشاعر
الامير بدربن عبد المحسن وقاله قصته
...
كان خالد و ساره يشكلان أحلى ثنائي على وجه الأرض

وكانت السعاده تغمرهم من كل جهه ولكن كما نعلم السعاده لاتدوم

يقول الشاب انة يحب بنت عمة موت وراح خطبها من ابوها

طلب منه مهر خرافي او ما ياخذ بنته

وبما ان الشاب يحب بنت عمة راح وجمع دراهم الي يبيها عمة

ورجع تقدم لها مررة ثانية

رفض بشده بإحتجاج أن قبيلته لا تؤمن بالحب قبل الزواج

(من النوع اللي مالك الا ولد عمك )

فعاد خالد بائسا لايعرف ماذا يفعل ومانهاية هذا الحب

وعندما علمت ساره عن رأي والدها أصيبت بخيبة أمل

البنت من كثر ما تحب ولد عمها والاب حارمها جاها المرض

الخبيث الله يكفينا شرررره جميعا فمرضت بعدها وعرضت

على أكثر من طبيب ولاكن دون جدوى

فكان علاجها يستوجب السفر إلى الخارج

وفي هذي اللحظة حس الاب انة ما لة حق وندم

وقرر انة يعالجها بس البنت رفضت العلاج

وقالت لية اعالج ولية اعيش من دون ما اخذ الي انا ابي ؟

الاب وعدها ان شفت انة يعطيها الي تبي

فرحت البنت وخلاص تبي تسافر


المفاجأة

وفي الطائره توفت ساره وعندما علم خالد ولدع مهاعن وفاتها

لم تتوقف عيناه عن البكاء حتى إختفى لون عينه

وصار اعمى؟

كتب الامير كلمات تشيب الراس صراحه

وهي كلمات المسافر راح

اسمعوها وخصوصا لما يقول


يا الله يا قلبي سرينا ضاقت الدنيا علينا

وبعد

لما يقول

هذا وجهك يالمسافر لما كانت لي عيون

وينها عيوني حبيبي سافرت مثلك حبيبي

يقصدعندما يتذكر خالد وجه محبوبته ساره أنه صار أعمى

*************

وهذه الكلمات التي تمثلها

**************

لا تلوح للمسافر
المسافر راح
ولا تنادي المسافر
المسافر راح
يا ضياع أصواتنا في المدى والريح
القطار وفاتنا
والمسافر راح

يالله يا قلبي تعبنا من الوقوف
ما بقى بالليل نجمة ولا طيوف
ذبلت أنوار الشوارع وإنطفى ضيّ الحروف
يالله يا قلبي سرينا ضاقت الدنيا علينا
القطار وفاتنا
والمسافر راح

مادري باكر هالمدينة وشتكون
النهار والورد الأصفر والغصون
هذا وجهك يالمسافر لما كانت لي عيون
وينها عيوني حبيبي
سافرت مثلك حبيبي
القطار وفاتنا
والمسافر راح

طرح رائع نوارة
والسموحة على التأخير
وكل الشكر لإدارة القسم على جهودها الرائعة
تحياتي لكم

قصة وقصيدة إن عشت يا راسي كسيتك عمامة

قصة الشيخ الفارس المشهور الشاعر المتداول شعره في جميع أنحاء الجزيرة العربية وأعظمه لم يدون وهو الشيخ / محمد بن سرار المعروف بهذا الاسم شيخ آل بالحكم بني منبه شهران . وكان له ثلاثة أبناء اثنين من زوجته الأولى وأخوالهم السحمه والله المبارك , وكانا دون ماكان يأمل الشيخ بأن يكونوا أبناء الشيخ الذي هم سنده
والابن الثالث من زوجة الثانية وأخواله سبيع آل محمد وكان اسمه عمر , وفي ذلك الوقت حصل خلاف بين الشيخ وزوجته السبيعية وكانت حامل وطلقها , وعند ذهابها قال لها أظن انكِ تحملين ولداً فإن كان ولد فسميه عمر وقصي إبهامه الأيسر وان وضعت بنت فسميها رمادة وقصي إبهامها الأيمن وكانت الزوجة حريصة على وصية الشيخ وبعد ما وضعت الولد أسمته عمر وقصت إبهامه الأيسر كما طلب منها الشيخ فترعرع عمر في بلاد أخواله سبيع يتعلم الفروسية ومكارم الأخلاق , وذات يوم وهو يدرب فرسه ذلك الفارس الصغير وبعدما بلغ من سن الرشد نضجه وأثناء تدريب الفرس قطع سدواً بين البيوت فتكلمت عليه إحدى النساء وقالت (لعن بوك يا ضايع الأصل)وهو قبل ذلك اليوم يسمونه عمر بن منان السبيعي ورجع إلى أمه وقال اليوم لازم اعرف من هو أبوي فقالت أمه أبوك هو شيخ آل بالحكم ابن سرار وهو من بني منبه شهران
وعندما أخبرته أمه بوالده وأين يجده ذهب عمر إلى بلاد شهران وكل ما نزل في قبيلة دون وصوله إلى والده سأل عن شيخ العرب , وإذا قيل ماذا تعمل قال انا اعرف أحش وأحطب , وإذا سألوه وقالوا ماهو اسمك قال اسمي (البطحي) وعندما قرب
من حدود قبائل شهران سمع القصيدة التي منها هذا البيت :

أنا في رجا عمر وعمر ورى الشفاء
،،،،،،،،،،،،،،،،،، عساه لا جانا ترد اللزايم

فالتزم الصمت حتى وصل إلى والده وعندما وصل وعرف انه والده قال بيت من الشعر يثبت لوالده انه حضر تحت الخدمة في طلب والده اذ يقول فيها :

يا ويل من يدان منا بدينه
،،،،،،،،،،،،،، لو كان عند الشمس يوم تهوس


وفرح واستبشر الوالد بإبنه وسأل عمر والده ما هي اللزايم التي ذكرها في القصيدة فأجابه قائلا وهي القصيدة المشهورة بالشيخ محمد ابن سرارشيخ ال بالحكم بني منبه شهران في ابنه عمر الذي كان في بلاد أخواله سبيع آل محمد .

ان عشت ياراسـي كسيتـك عمامـه
،،،،،،،،،،،،،،،،،،،،،،،،، وان مت يـا راسـي فدتـك العمايـم
يا راس شيبـك مـا بـدا بـه مذلـه
،،،،،،،،،،،،،،،،،،،،،،،،،،،،،، والشيـب تكـرم بـه كبـار العزايـم

الاجواد يكـرم شيبهـا فـي مشيبهـا
،،،،،،،،،،،،،،،،،،،،،،،،،، نقالـة القالـة مـحـوص الصـرايـم

ياما نطحنـا فـي الصبـا مـن قبيلـه
،،،،،،،،،،،،،،،،،،،،،،،،،،،،،،، يـوم الصبـا والكيـف للرمـح رايـم

ويامـا خذينـا كـل عــام كسـابـه
،،،،،،،،،،،،،،،،،،،،،،،،،،،، بسيوفنـا راحـت تقـسـم غنـايـم

ويامـا نسفناهـم علـى جــال وادي
،،،،،،،،،،،،،،،،،،،،،،،،،،،،،، وياما نحمونـا فـوق سـود الشكايـم

جونا ثلاث امية علـى قـب الامهـار
،،،،،،،،،،،،،،،،،،،،،،،،،،،،،،،، جونا يبـون الغـرس حلـو الطعايـم

وقالـوا يسـار الغـرس والا يمينـه
،،،،،،،،،،،،،،،،،،،،،،،،،،،،،، امس لكـم واليـوم جـا فيـه سايـم

وقلنا لهم مـن دونـه المـوت حامـي
،،،،،،،،،،،،،،،،،،،،،،،،،،،،،،،،،،،،،، اليوم نهدي الـروح نخشـى اللوايـم

وثنيتهـا لعيـون غــرس بكـايـر
،،،،،،،،،،،،،،،،،،،،،،،،، يثمـر بهيبتهـا غصـونـه نعـايـم

وخذيـت اطاردهـم وانـا فـوق قبـا
،،،،،،،،،،،،،،،،،،،،،،،،، مثل الهدود اللي عـن العشـب صايـم

تلحـق ليـا غـارت ولا يلحـق بهـا
،،،،،،،،،،،،،،،،،،،،،،،،،،،،، شـقـرا ولا ضريتـهـا بالهـزايـم

من يوم بان الفجر الى ما عتلى الضحى
،،،،،،،،،،،،،،،،،،،،،،،،،،، وحنـا نقـلـط للمسـيّـر عـزايـم

والله عطانا منصـب الحـظ والظفـر
،،،،،،،،،،،،،،،،،،،،،،،،،، يـوم التقـت بيـن القـروم الولايـم

يوم اسلمـوا للمنـع وسنـدت منهـم
،،،،،،،،،،،،،،،،،،،،،،،،،،،،،، ليهم كمـا عشـب كفـخ بـه سمايـم

هـذا اسيـر وذاك يومـه دنـا بــه
،،،،،،،،،،،،،،،،،،،،،،،، وهـذاك مكسـور وهــذاك شـايـم

هـذا بوقـت فـات مـا ينفـع المنـا
،،،،،،،،،،،،،،،،،،،،،،،،،،، يـوم اذكـر الماضـي تزيـد العظايـم

والراس شاب وثالثـة رجلـي العصـا
،،،،،،،،،،،،،،،،،،،،،،،،،،،،،،،،، الله يوقـض قلـب مـن كـان نايـم

انـا ابـن سـرار علومـي قديـمـه
،،،،،،،،،،،،،،،،،،،،،،،،،،،،،،، محى عسرها طيـب الليالـي القدايـم
ماعسر الا عسر مـن ينطـح الخطـا
،،،،،،،،،،،،،،،،،،،،،،،،،،،،،، ولا يسـر الا يسـر سـود اللمـايـم

انا في رجا عمـر وعمـر ورا الشفـا
،،،،،،،،،،،،،،،،،،،،،،،،،،،، عسـى ليـا جانـا تــرد اللـزايـم

لعـل قبـل المـوت نسمـع بشـيـره
،،،،،،،،،،،،،،،،،،،،،،،،،، في جاه مـن يحيـي العظـام الرمايـم

لـو ان غالـي حبنـا فـي بـلادنـا
،،،،،،،،،،،،،،،،،،،،،،، غنيمـة تحظـى الغـنـى والغنـايـم

لكـن غالـي حبـنـا فــي لــداده
،،،،،،،،،،،،،،،،،،،،،،،،،،،،،،،،،، سحيميـة قشـرا وجــات ببهـايـم

لـولا لحاهـم قلـت ذولا مـن النسـا
،،،،،،،،،،،،،،،،،،،،،،،،،،، عيون الحبارى شافت الصقـر حايـم

وصلاة ربي عد مـا ذعـذع الهـوى
،،،،،،،،،،،،،،،،،،،،،،،،،،،،،،، على النبي واصحابـه اهـل الكرايـم



ثم قال الشيخ محمد بن سرار هذه القصيدة عنما كبر في سنه وتراجعت زعامته

عند ابن عمه غنيم يقول فيها


لا ياعمر يابوك انا عـارض شـاب
،،،،،،،،،،،،،،،،،،،،، علي من جـور االزمـان انهزامـه

راحت حلايب جارنا عنـد الاجنـاب
،،،،،،،،،،،،،،،،،،،،،،،،،،،،،،، وغنيـم صـار مـقـدم للجهـامـه

وغنيم يوم انـا نخينـاه مـا ثـاب
،،،،،،،،،،،،،،،،،،،،، من قـوة القيمـان تبـرد عظامـه

من عقب ما نركب على الخيل بحرّاب
،،،،،،،،،،،،،،،،،،،،،،، ونقابـل اللـي يلبسـون العمـامـة

لا صار به يـوم لـلأرواح قصـاب
،،،،،،،،،،،،،،،،،،،،، إنجّـرّي الخايـف ونكـرب حزامـه

وخطوى الولد ماهوب للطيب كسـاب
،،،،،،،،،،،،،،،،،،،،،،، نفسـه معودهـا لـدرب المـلامـة

عند الربايـع لا تغـرب ولا غـاب
،،،،،،،،،،،،،،،،،،،،،،،، ثـورٍ قرونـه حسهـا فـي سنامـه

زوله كبير وفتنـة حـول الاطنـاب
،،،،،،،،،،،،،،،،،،،،،،،،،،،،،،ويزعل على امه لا تؤخـر طعامـه

فرد عمر على والده قائلا

يا شيخ تعذر غيابك عقب ما غاب
،،،،،،،،،،،،،،،،،،،،،،،،،،،، والذنب ذنبك يـوم تطلـق زمامـه
فإن كان أنا من نسلكم يوم غـلاب
،،،،،،،،،،،،،،،،،،،،،،، بنيت بيتـك فـي طويـل العدامـه

والصيت يرجع لك ولك فيه مضراب
،،،،،،،،،،،،،،،،،،،،،،،،،،،،،، صيت بن سرار حسب مـا يرامـه

والله ان يمر القوم ما مر الاحزاب
،،،،،،،،،،،،،،،،،،،،،،،،،، لو صار من بين الفريق انقسامـه

والبل ترجع لك عل عـد وحسـاب
،،،،،،،،،،،،،،،،،،،،،،،،،،، ابل القصير اللـي عزيـزٍ مقامـه

بيوم بـه الغـرّان يأتـون شيـاب
،،،،،،،،،،،،،،،،،،،،،،،،،،،،،،،،،،، إلا انهـم يبغـون درب السلامـة

حلفت دين فيـه مـا نيـب كـذاب
،،،،،،،،،،،،،،،،،،،،،،، يا جارك انه يهتنـي فـي منامـه

والبل و صرتها مع العقل تنجـاب
،،،،،،،،،،،،،،،،،،،،،،، أوكد من اللي قايـم فـي صيامـه

إني لأخوض الموت وارد وشـراب
،،،،،،،،،،،،،،،،،،،،،، لعيون من وصى بقصـت ابهامـه

وترى الوعد ما بينا فجر وغـراب
،،،،،،،،،،،،،،،،،،،،،،،،،،،، وكـل يشـاور بالملاقـى عمامـه

وانا شويري سيف هند له نصـاب
،،،،،،،،،،،،،،،،،،،، ورمـحٍ مزينـه بريـش النعامـه

وهكذا استرجع ابن سرار زعامة قومه من غنين بن غنيم بن عمه وتم استرداد الإبل وردها الى جاره بالعدد الذي قاله عمر ابنه

هذه قصّة قصيدة قد قالها رجل من البادية يدعى أبو القنص وقد كان محباً للصيد وقد رزقه الله ولداً على كبره بالسن بعد أن توفي أبناءه الأربعة وكان اسم الولد فهد وكان محبا للصيد مثل والده على الرغم من صغر سنه. وفي أحد الأيام خرج أبوه للصيد فقام الولد بأخذ بندقية من البيت ولحق بوالده دون علمه. وفي الطريق قام الفتى باصطياد طير حباري وكان الجو حاراً جداً ولم يجد الولد شيء يستظل به سوى طير الحباري حيث نشر جناحاه فوق رأسه. وصادف أن أبو القنص لمح طير الحباري الذي فوق رأس ابنه من بعيد وقام بالرمي عليه دون أن يلاحظ ابنه فقتله خطاً وشعر بشيء يمس قلبه لحظة أن أطلق وفوجىء أنه قتل ابنه فحمل ابنه وبكاه. وفي ذلك الوقت كان نمر بن عدوان يبكي زوجته التي ماتت فأرسل أبو القنص له هذه القصيدة .

يا راكب الملحا لها الكور شدي = قم يا وليفي واعتلي فوق هياف
تسبق نسيم الريح يومن تمدي = وأسرع من اللي بالسما ريشها أرداف
ودي تزور السند والهند ودي = وتدور الدنيا من الكاف للكاف
ودي لأبن عدوان مكتوب ودي = يا نمر ياللي للخطاطير وقاف
يا نمر وين اللي بنى قصر جدي = وين الصحابه يا نمر وين أهل كاف
وين السليم من النيا والتعدي = والبين ما لطم اخدوده ولا شاف
من قبل منك مرود العين صدي = والعين تذرف دمعها جواز وأرداف
على جنين بأول العمر مدي = هو مهجتي يا نمر من ورا القاف
صيده حباري والحر زايد بشدي = وناثر من الجنحان على الراس رفراف
كن لاحلي بالزول مثل المهدي = مشعل فتيله وناهضه بين الأكتاف
علمي امغيظه ما تغالط بيدي = ثار الطلق من ثوعته والقلب خاف
يومن حظنته وهدب عينه مندي = يخبط حمر من وجعة القلب نساف
شلته بيدي والتقيته بزندي = ودمعي نزل من مقلة العين رشاف
ناديت بجنح الليل على أم فهدِ = هيي لقدر ما نشى البين باطراف
راحت ورجعتلي وما به تحدي = وتقول عزراييل ما ظن حدا عاف
الموت ما ينحاه كثر التفدي = يرميك ولو أنك على راس مشراف

هذي سالفـــة ياالربع عن نقل الكلام والهرج الي ماله داعــي بين الناس الي هي ((النميمه))
الله يكفينا شره ، هذي سالفة صارت لمرشد بن بذال الله يرحمه ويغفرله ويجمعنا وياه بالجنه
كان مرشد قاعد بمجلس مع ربعه ، دخل عليهم رجال وسلم وجلس وبعد مااخذله فنجال نادى
مرشد قاله : يابو فلان ، قال مرشد : ســم قال الرجال : سم الله عدوك مير توي جاي من ذاك المجلس (وقال من مجلسه) وأنهم يتكلمون فيك ويحكون بــك ؟! هو صدق قال مرشد الي حبيت انقلكم قصيدته لأن فيها من الحكمه ونشامته : وش لون قال الرجال النمام : أبد هذا الكلام ياطويل العمر ، قال مرشد قصيدته المشهورة ومن أجمل ماسمعت وماقريت عنه ::

قالوا حكو بـــك قلــت وش هـــم يقــولون ****وش قيــــل فيــنــــا يالوجيــــه الفليــــحه

شوفوا مــــرد الهـــرج وش هـــم يطرون****حتى نعرف مـــــزوره من صحيــــحــــــه

كـــــــان الكـــلام من المعـادي على هون****بعض المسبـــه بالمجـــــالس نزيحــــــــــه

تجيــــه عربـــــان من اللـــــه يخــــافــون****عن الظليـــــمه ينصحونــــــه نصيحـــــه

لو كـان خلق اللــــه على الحـــق يمشون****كـــــان القلـــوب من الخطــــا مستريحه

كـــم واحـــد بعروض الأجــــواد مفتــــون****وهو سلومـــه يفضحنّــــه فضيــــحــــــه

وكـــم واحــــد يطعـــــن وهو فيه طعـــون****يذم ريــــح النــــاس والشيــــن ريحـــــه

بعض كلام النــــاس تهمــــــات وظنــــون****قــــول تنميــــه الوجيـــــــه الوكيـــــحـه

والظلـــم لو فــــازوا هلــــه مايدومـــــون****راع الظليمـــــه لا تبـــــاطا مطيحـــــــه

والنــاس هذا النـاس من عصـر ذا النون****كل(ن) على دربـــه ركـــــابه مشيحـــــه

مقـــرود يامــن بــــدّل اللــــون باللـــــون****بعض الكـــــلام يحرفــــه عـــن صحيحه

والصــدق هـو والكـذب ماهــوب مقرون****كـــان إنهــــا تـــدرس بلهجـــــه فصيحـه

مـــايمـــدح الرجـــل بالشكــــل واللـــون****ابحــــث معـــه لينــك تعـــرف القريحــــه

تـــراك تعرف عنــــه وانتم تهرجـــــون****يبين لك من كـــــل جــــود نضــيحـــــــــــه

المستريــــح اللي من الشـــك مـــــأمون****مع كــل خلـــق اللــه علومـه مليحـــــــه

حــــي عليــــه النــــاس بالشكـــر يثنون****وإلا توفـــــى خــــلـــــه (اللـــه يبيحــــــه)

وكــم واحد(ن) لـو هـو بالالحاد مدفون****ذكراه عنــــد النــــاس بيضـــــاء صفيحــه

وكــم واحد(ن) يجمــــع ملاييـن وخزون****مــــال تنميــــــه الأيــديـــن الشحيــــــحه

لاتشكـــره رمـــلاء ولافـــك مديــــــون****ولا حـــــل مشكلـــــة النطيــــح بنطيـــــحه

ولاله علــى جــــاره من الفضــل مـاعون****لو أن جيـــرانـــه تشـــــوف الذبيحـــــه

وكــم واحد(ن) جيران بيتـــه يحمــــــدون ****للجــــــار ريـــف وللجمــــاعه منيحــه

وكــم واحد(ن) منــه العــــوادي يخــافون****زبــن المخيـــف الي كثيــــر فحيـــــحه

ربعــــه نهــــار الضيـــق فيــــه يتـــذرون****لاجــــا نهـــــار فيــــه لجــــــه وصيحــه

وبعــــض الرجــال بهــم شريفون وعفون****كل(ن) علــــى مــــاقـــال يرجـع لكيحـه

وبعـــض الرجــــال بضحكهـــــم يستغلون****يجيبهـــــا من نـــــوع زلقـــــة بطيحـــه

هــــذاك بين لـــه من الهـــرج مدفــــــون****خلـــــه الى شــــافــــك يزين سميحــــه

الهـــــرج لـــه نقــــاض والرد للشـــــون****مــــزح الجــــزع يأثر بكبـــــدك جريحــه

هـــذا وأنــــا مـــاني من النـــاس ملسـون****لاشــــك أنــــا أرفـض من تزايـد جميحه

قلتــــه وكــــل النـــــاس غيــــري يقولون****راعــــي الظليمـــــه لاتبــــاطا مطيحـــه

رحم الله الشاعر مرشد بن سعد بن بذال ، وهــي تدل على شهامته وعلى ان الرجال
بهالمواقف يصير واعـــي ماهي كلمه ولا كلمتين تهزه وحتى لو كــان متكلم فيه من وراه

أتمنى انها تعجبكم

سبب قول المثل المشهور .. ياليتنا من حجنا سالمين

هذه قصـة“بصري الوضيحي” الشمري (بعد حيي) والقصة تقول:

ان بصري الوضيحي ذهب ليحج إلى بيت الله وان يتوب عن الغزل والتغزل كونه مشهوربالغزل ... وبعد كبر سنه نوى أن يتوب وطلب من ابنه الحج ... وبعد ما سعى وطاف أراد ان يقبل الحجر الاسود ... ولكن الحجر الاسود كان مزدحم من الناس ... رجال ونساء والرؤوس متقاربه بعضها من بعض فتزاحم معهم بصري وابنه ... وعندما وصل الى الحجر يريد تقبيله ... وجد بينه وبين الحجر ... خد فتاة جميله كانت تريد تقبيل الحجر ... وفي هذه اللحظة السريعة انبهر بصري الوضيحي من لمعان خد البنت وبدل مايحب الحجر حب وجنة البنت .... فقالت له البنت: حج ياشايب .... وحاول ولده أن يرقع الموضوع قال هذا شايب تايه (مهذري) ... فخجل الوضيحي وقال لها يابعد حيي زلقت الحبة ابيها بالحجر وصارت فيك ...!!!!!

(وصار هذا مثل زلقت حبّة الشمري)

وقال هالقصيدة

التايه الي جاب بصري يقنه ..... هيض جروح العود والعود قاضـي

جينا نحج ونطلب الله جنه ..... جنة نعيم يـوم يبـس الحياضـي

ياليت كانت حبتي في معنه ..... يوم العيون عن الخوامـل غواضـي

يامن يعاوني على وصف كنه ..... اشقح شقـاح ولاهـق بالبياضـي

الريح لازفرة ولاهي مصنه ..... ريح النفل بمطمطمـات الفياضـي

نهدين للثوب الحمر شولعنه ..... حمر ثمرهـن واقفـات غضاضـي

والخد ذباح القلوب المرنه ..... براق مزنٍ لاعـق اللـون ياضـي

ياليت لو سني على وقم سنـه ..... بايـام مابينـي وبينـه بغاضـي

أيام جلد الذيب عندي محنه ..... نصبح وزرق الريش لهـن إنتفاضـي

ياجرح قلبي جرح وادي وطنه ..... غر المزون اللي وطنه وفاضـي

البيض قبلي محسنٍ عذبنه ..... ونمر على وضحى جرا له عراضـي

والبيض كم منٍ واحد ٍ يبسنه ..... يبسة شماشيل العذوق النفاضـي

عزي لمن غر الثنايا كونه ..... واركن على كبده كوايـلٍ عراضـي

الا ارتوى بستان قلبي سقنه ..... واخضر جنابه عقب يبست الحاضي

القلب غضات الصبايا شعنه ..... بنت الشيوخ مخدميـن الحياضـي

شوفي بعيني والخدم يركبنه ..... على زعاع يوم قوطـر وناضـي

فوق اشقح من زمل ابوها مضنه ..... ركبة عليه اتشنطح ٍ باعتراضي

وامشجر من سوق هجر مغنه ..... على خياطة نابي الارداف راضي

وين انت يامشفي على طردهنه ..... انا طويت ارشاي وقفيت قاضي

انا صدرت ووردهن عقبنه ..... على العدو مشرعـات الحياضـي

احد بوسط النار واحد بجنه ..... وترى البخيت اللي له الرب راضي

ويقال بعد مارجع الوضيحي ندم على مافعل وقال

ياليتنا من حجنــا سالمينــا ..... كان الذنوب اللي علينا خفيفـــات
رحنا نبي نخفف ذنوب علينــا ..... وجينا وعليها كثرها عشـر مــرات

بسم الله الرحمن الرحيم






تقول صاحبة القصيدة:-



إنهم كانوا ينزلون في أسفل وادي بيشة على حدود "رنية سبيع"، وكان البدو في ذلك الزمان يتنقلون من مكان إلى آخر لطلب الرعي فإذا كان المكان المراد الإنتقال إليه بعيد فإنهم يأخذون الإبل فقط ويتركون الغنم لأن الغنم لا يستطيع أن تصل إلى المكان المراد الوصول إليه في نفس الوقت، وكان في تلك السنة أن رحلوا جماعتها بالإبل وتركوها مع الغنم هي ومن معها، وكان من عادة أهل البادية إذا كان سيغادر أحدهم مدة من الزمن أن يوصي من يتكفل أهله في غيابه.



وقد أوكل أبو الشاعرة برعاية عائلته إلى أحد أبناء قبيلته وعندما نزل على هذا الرجل كان عندهم رجل يضوي إليهم بعد ما يظلم الليل ويرحل بعد صلاة الفجر، وضل على هذه الحال مدة طويلة وكانت الشاعرة تلحظة أغلب الأحيان وكم تمنت لو أن تكون مكانه لإنه كان مرتفع ويكشف المنطقة كلها ولم تستطيع الطلوع على رأس هذا الجبل إلا بعد رحيله من القبيلة.



وعندما سألته شاعرتنا عن قصة هذا الرجل قالوا لها أن هذا الرجل (جالي) والجالي عند البادية هو الشخص الذي عليه (دم) وقصة هذا الشخص أن قاتل إثنان من أبناء عمومته وهم يبحثون عنه للأخذ بثأرهم منه. وقد قالت هذه القصيدة التي نورد منها ما حفظناه:-



رقيت في مرقب(ن) عالي ***وعديت في عالي القمة



لي مدة ظايق(ن) بالي *** هموم(ن) على القلب ملتمة



والدمع من حاجر سالي *** شهرين والدمع ما ظمه




والنوم ما عاد يحلالي *** كني قريص(ن) مشى سمه



أبكي على صاحب(ن) غالي*** ما جاني أخبار من يمه



أتلى العهد ذكر نزالي **** متعدي وادي الرمه



ياطير خبره عن حالي *** معاك ياطير في الذمه



يا وا هني الذي سالي *** ماهوب متقارب(ن) همه



يا ونتي ونت الجالي *** إلي جلى من بني عمه



من أول(ن) عندهم غالي *** واليوم مطلوبهم دمه



الفارس910

*
__________________
كبرت ألف عام وأنا أطعن بخناجرهم
وكبرت ألف عام وأنا أكتشف أعماقهم
وكبرت ألف عام وأنا أمضغ تحت
أنيابهم
وكبرت ألف عام وأنا أرمى بألسنتهم
......وكبرت ألف عام أصفع بمواقفهم
وكبرت ألف عام وأنا أصمت أمامهم
وكبرت ألف عام وأنا أترفع عنهم
وكبرت ألف عام وأنا ألوح مودعة لهم
وكبرت ألف عام وأنا أغادر وطنهم
وكبرت ألف عام وأنا أعيد زراعة قلبي وعقلي وذاكرتي
فاحصوا عدد سنواتي يا أصدقائي
ألم أبلغ تحت مقصلة خذلانهم..
من العمر عتيا؟

بسم الله الرحمن الرحيم

مّماراق لي


هالقصه باللغه العاميه البحته اللي ما يعرف اي كلمه يحط تحتها خط وانا اترجمها

هذا رجال طال عمركم راح أيام الربيع وقعد يتمشى ويطالع ولا الارض زينه ومزهره والربيع منتشر والخضار عام ,
لا وبعد موافق مثل ما تقول محلات كلها خباري ومياه , ويتمشى حولها ويدور السهول ويطالع ويناظر , الرجال دقاق نظر بخيص ولا هو بعجل يتفرج ويطالع ولا والله يلقى أثر فقع قعد يدور في الفقع ويطالع جمع له شوي , والله يوم مشي وتعدي ضلعان وجبال ولقى أرض سهله وزينه ودمثه وفيها عرب منا ناس ومنا ناس نازلين اللي معهم غنم واللي معهم ابل تشطر عنهم بعيد وقام يتمشى الحاله وأثناء ماهو يتمشى مادرى إلا والله هاك الغنم يوم انهلت عليه من عند هاك الثنيه ولا وراهن هاك البنت الجميله بنت زينه عليها جلال ومتحشمه , سلم عليها من بعيد , سلام وعليكم السلام وما أدري ويش , وصارت قريبه حوله تكلمه وش انت يالاخ ومتاك جاي هنيا , قال والله جاي اتمشي واطالع و أدور إن كان هنا فقع , ولاهي معها فقع مجمعته قبل لا يجي هو , خذت الفقع اللي معها وقالت خذ هذا تفضل أنا مجمعته , قال خليه
لكم , قالت لا حنا مقيمين في البر وأنت طرقي يمكن تقعد الليله وتمشي خذ هذي الساعه المباركه ,خذاه منها وقعدت تتكلم معاه شوي ولا الحقيقه على جانب من الثقل والجمال وفيها حياء عظيم , ولا تهرج الا على شوي شوي , طالع
عيونها من ورى البرقع وجازت له عيونها بالحيل ( ما تخلون حركاتكم يالرجال ) الحاصل إنه أخذ الفقع منها , قالت له تفضل عند أهلي شف مكاننا هناك تعال تغد عندنا او تعش , واستانس منها على كرامتها وانها قلطته وقالت له تفضل , قال ان شاء الله أشوف أنا بتمشى شوي إن امداني مريت عليكم و إن ما أمداني , انتم مقيمين هنا ؟ قالت ايه والله حنا مبطي في هالمكان , المهم شعفت قلبه بكلامها وحركاتها وبثقلها ورزانتها وهو شاعر والشاعر مرهف حس ودقاق , وعقب يومين من تمشيه في البر دخل للديره ويوم دخل قام يسولف على واحد من أصدقاه يقول إني رحت كذا وكذا وحصلت وشاهدت هاك البنت الجميله وإنها قالت لي كذا وإنها حياويه وإنها تطقق اصابعها من الحياء لا ناظرت , قال يا رجال هين بس واجد قال إنها والله شعفت قلبي , قال يارجال بكره ولا عقبه تنساها , المهم لامه على قوله تلقى غيرها الحريم واجد والعشق واجد وإن تولعت في هالامور بتتعب , المهم يالربع مالكم بالطويله انتهي وقت الربيع وهو لا يزال يذكر هاك الموقع وهاك المكان وهاك الحبابه والطرافه والكلام الطيب , وعقب فتره عقب ما جاء الربيع الثاني قرر قال ابروح أزورهم في مكانهم اكيد اني ابلقاهم , اخذ معه شي من الهدايا مثل ماتقول هديه بسيطه كسوه وقال اروح اسير عليهم, فتجهز وراح يوم راح ووصل للموقع اللي هو خابر اللي هو شافهم فيه جاء ولا والله ما هم فيه ولا هم شادين ورايحين لمكان ثاني لانهم يتابعون مشاهي حلالهم, وفعلاَ ما لقى أحد هاك الليله اللي هو وصل فيها لمكانهم وما وصل الا متأخر ونام , نام في هاك المكان لكنه لا يزال يتذكر هاك الموقع اللي يوم تعطيه الفقع فيه ويوم تقابله ويوم يحكون عند هالحصاة شوي ويتقدم يتقدم عنها شوي ويتذكر يوم إنها تطق بعصا معها على هاك الحصاة الكبيره وترفع رجل وطمن رجل وتمشى وتذكر مناظرها له وكلامها الطيب له وإن كلامها يهشش القلب شوي وزين ويدخل العقل كل هالاشياء تذكرها وهو يتمشي ويطالع ويناظر أمساه الليل ونام في هالمكان لكن يوم نام وجاء تالي الليل توقظ ولا والله يسمع حس ذيب بعيد وهيضه هالذيب . وقال


الـبـارحـه جـاوبــت لـــي حـــس عـــاويذيـــب عـــوى لـجـيـت بـالـحــس ويــــاه
ذيــب يـجــر الـصــوت حـســه خـــلاويياقـلـب يالـلـي جــاوب الـذيـب بـعـواه
والصبـح بانـت فــي ضمـيـري أهــاويصوت (ن) زعجته ليت خلي توحـاه
يـــادار مـــا شـفـتــي ظــبــي الـمـطــاويأتــلــى عــلامــي بــــه غـشـنــك رعــايــاه
أنـــا عـلــى شـــوف الـحـبـيـب شــفــاويكـــأنــــه هــنـــيـــا خــبــريــنــي بــمــمــســاه
قـالـت لـــي الأوطـــان جـلــع ضـحــاويالــيـــوم رأس الــرجـــم هــــــذا تـــوطـــاه
أمــــس بــهــذا وأصــبــح الــيــوم نــــاوييـتــلــى ســلـــف بـــــدو بـعــيــد مــعــشــاه
كــشــف لــهــم بــــرق ســديــد عــشـــاوييـخـيـلــونــه يــــــــم خــــشــــم الــمــســنــاه
يـــبــــون مــــربــــاع بــــهــــاك الــــحــــراويلا زاف زمـلــوقــه وشــبــعــت رعـــايـــاه
إخذ الخبر مـا هـوب خـرص وهقـاويأعطـيـك عـلـم صويحـبـك ويــن تلـقـاه
أدنــــي مـرابـيـعـه بـخـشــم الــصـــداويوبـــيـــوت مـقـيــاضــه بــقــريــة مــبــنـــاه
ميـر اطلـب الله لــو صـوابـك مـخـاويكـــــم واحـــــد قـبــلــك عـشــيــره تـمــنــاه
يـالـعـيـن مــــا يـنـفــع كـثـيــر الـشــكــاويإلا عـل

من قصص العفو"

فقد روى كل من الشاعر رضا بن طارف الشمري أن رجلا يسمى القبيسي نزل جاراً على رجل اسمه نداء وهما من رجال البادية ، وكان لنداء اخت متزوجة وهي من الموسومات بالحسن والجمال ومن اللاتي يكلل جمالهن تاج من الطهارة والعفاف ، وكان القبيسي يعمل مع نداء بالتجارة ونداء يحرص على خدمته والاهتمام في حقوقه ، فكان يرسل الى صديقه القبيسي الرسايل ومعها ماتحويه يداه من الهدايا وكان يحفظ له الود فيرد المعروف مثله فكان يعطيه اللبن وحقه من الذبائح ومايحويه بيته من خير وحدث أن رأى القبيسي في احدى زياراته اخت نداء فافتتن بجمالها واضمر في نفسه سواءاً صوبها ، فاختفى قريباً من البيت حتى جن الليل فتسلل اليها يريد بها سوءاً غير ان زوجها احس به فتيقظ وعرف أن في البيت من يريد به مكروها فأمسك بيد المتسلل ولكن القبيسي تمكن من الفرار تحت ظلمة الليل بعد ان قطع الرجل قطعة من فروته وصاح الرجل مستنجداً عشيرته فهبوا لنجدته ولم يتمكنوا من اللحاق به ولكنهم عرفوا بفراستهم ان هذه القطعة من فروة القبيسي ، كل هذا والقبيسي مختبئ عن اعينهم يصغي لما يدور بينهم ، فلما علم بانفضاح أمره هرع إلى نداء وعرض عليه ما كان من فعله وهو يرتعد من الخوف والخجل وطلب منه أن يذبحه ويواريه التراب قبل ان يلحق به اهل زوج اخت نداء وينكلوا به شر تنكيل جزاءاً لما اقترف ، ولكن نداء يعرف شرف اخته ومبلغ طهرها ، فاخفاه عن اعينهم وأعد طعاماً وتسلل به الى بيت اخته ووضعه به دون أن يدري به احد ، وفي الهزيع الاخير من الليل قصد بيت أخته مرة ثانية فوصله مع انبثاق نور الصباح فاستقبله الناس وعلى وجوههم الاستهجان والغضب واخبروه بما حدث من جاره القبيسي واصطنع الغضب واخبرهم انه هو الذي ارسله بطعام فلما وجد اهل البيت يغطون في النوم وضعه دون ان يوقظ النائمين ولامهم على اتهام جاره وترويعه فاستغربوا من كلامه حتى تأكدوا من صدق ماقال وعرضوا عليه أن يذهبوا معه ليعتذروا له ولكنه رفض فتلمسوا ذو الجاه والوجهاء ليتوسطوا له عند القبيسي ليقبل اعتذارهم وتم ذلك ولكن القبيسي أخذ يلوم نفسه ويعاتبها على مافعل بالابيات الآتية :

جابتني النفس الخبيثة تقــــــــودني **** كما تقوّد بالخطام العســــــــــــايف
رمتني على من لامشت تتبع الردى **** من غير ميعاد لها جيت حـــــايف
على مدتي كفي مسكني حليلـــــــها **** وقطع فروتي باللي حدوده رهايف
ظهرت وايقنت ان هذي منــــيـــتـي **** جار ضعيف ولا أحد منه خــــــايف
وزبنت ندا والليل ثلثين قد مضــــى **** وحيثه يحل المعضلات العــــــنايف
لا يا ندا يا قالة قد عملتـــــــــــــــها **** وأنا على عملي كثير الحسايـــــف
قصيرك دخيلك خايف انه يقــــودني **** كما تقاد الشــــــــــــاه بين الولايف

*قصة وقصيده حزينه ....وانا لما قريتهااا حبيت انقلها لكم وهى قصه طويله بس اختصارها ،،
ان وحده تزوج عليها زوجها من وراها وجاها بالبيت وقاله أبيك تروحين معاى للسوق تشترين كل شي بخاطرك ويعجبك المهم المسكينة شرت كل شي حلو عجبها من مكياج وملابسولما جووالبيت قالها زوجها وين الإغراض اللى شريتيها قالت له ليش أغراضي قال الاغراض مولك لزوجتي الجديده وكنت ابيك تشترين الأغراض بنفسك لاني انا ما اعرف اذواق الحريم وانتى اكيد ذوقك حلو الحرمه أغمي عليها من القهر وطاحت خـمس سنين بالمستشفى فى غيبوبه سبحان الله الحرمه صحت بقدرة قادر بعد خمس سنين ولما قابلت الاطباء أسألتهم ..فيه احد زارنى ؟
قالوا لها لا محد زارك تأثرت قالت القصيده*

تكفين يا طيور الحرار افزعيلى
.......................ابى عن ديار الاهل منك اخبار

تكفين حومى فوقهم وارجعيلى
.................. وإلا ان حصل لك حومه داخل الدار
تكفين حول بيوتهم دوريلى
....................سبعة فروخ يوم اخليهم صغار
شوفى ضناى وعودى وانكفىلى
......................واشلونهم يا علهم صارو كبار
نسوا دفاي ونومهم فى شليلى
...................وش علمهم يا علهم بطول الاعمار
قولي لهم ان امكم لها عويلي
......................خمسه سنين دمعها دوم مدرار
وقولي لهم إني علي طول ليلي
........................أنوح وليا قرب الصبح أنهار
وقولي عيوني دايما له هميلي
.....................تبكي ليا شافت من الناس زوار
كل يوم اقول غدى حديهم يجيني
...................راحت سنيني مابهم واحد(ن) زار
وانا اللي من سبت سوات الحليلي
.......................حالي تردى كل ماله وينهار
وفرقا ضناي اللي تردت بحيلي
....................كني على شوفتهم اصلى على نار
ياويلي كان الله عجل رحيلي
.....................وانا لي سنين ابي لو هي اخبار
ياعونة الله من يبي يرتكيلى
.................. ليا جارت علي بأمر الله كل الأقدار
تنكروا من يدخلون الدخيلى
....................واللي بوسط ديارهم يامن الجار
قولي لهم ياطيور قلبي عليلي
.....................الله يكافي قلوبهم صارت احجار
وانا اللي لبراق الخيال استحيلي
.......................واقول ياعل ديرتهم للأمطار
تكفين وسط ديارهم صوتيلي
.................شوفي عسى لأسمي مع الناس تذكار
وقولي لمن نسيانهم يستحيلي
.....................ياللي نسيتوها ترى الوقت دوار
ياهيه ياللي بالسما لك هديلي
........................ردي خبر تكفين يكفي امرار
شوفي هاك اللي نومهم في شليلي
.....................من اذان المغرب لوقت الأسحار
شوفي هاكاللي ماتهنى في مقيلي
.........................إلا مقيل معهم كبار وصغار
وقولي لهم ان كان حملي ثقيلي
......................مره يجون وعقبها شي ماصار
وانا يتولاني كريم(ن) جليلي
........................ياعلني في جنّة وسطالأبرار

قصةوقصيده في العفة والشجاعة



هذه القصه من القصص النادره بالمروئه والشهامه عند العرب ....
بين معثم بن غبين العنزي و رجل يدعا (أبو خلف)..

فأليكم القصه :

هذه القصه حدثت لشخص يدعا معثم بن غبين من عنزه*
اصاب ديرته القحط فرحل يبحث عن المكان المناسب ليعيش فيه وهو في الطريق تصادف مع فارس اخر ليس من قبيلة معثم فسأله معثم :
ماوراك فأجابه زوجتي وابنتي وابلي وكان الفارس الاخر يدعى ابو خلف فسأل ابو خلف معثم :*
وانت ماوراك فرد معثم زوجتي وابنتي وابلي .*

وكان معثم ليس لديه بنه بل كان ولد واسمه عقيل.*

وعندما يدور في بالك لماذا معثم لم يقل ان لديه ابن أسمه (عقيل) ؟*

لأنه خاف على ان ابوخلف ان يكره قربه بسبب الفتى خوفن على ابنته من هذا الفتى.*

وتعاهدا على ان ينزلا بالقرب من بعض وان يحمي كل منهما*
الاخر وان يكونوا يدا واحده فهذه بعض صفات العرب.*

فذهب معثم واخبر زوجته :*

فرضت زوجته بالاقتراح ورضى عقيل ابن معثم

فطلب معثم من ابنه (عقيل) ان يلبس لبس فتاة وان لا يتكلم في وجود زوجة الجار او ابنته*

حتى ينتهي الربيع.*

فبدأعقيل متشبه بالفتاه يسرح مع ابنة جاره بدون ان تلاحض عليه شيء وذلك لعفته وحيائه.*
.................*

ولكن المخفي والمكتوم لم يدم فقد .........*

حصل الامر الذي يرغم الفتى بالكشف عن حقيقة وابراز شخصيته*

فقد غار قوما على الابل فأخذوها ولحق بهم معثم وابو خلف فلم يستطيعوا ان يرجعوا الحلال.*

وعندها لم يطل الصبر بعقيل فركب فرسه حيث انه كان من ابرز الفراسان ذاك الوقت.*
واستطاع ارجاع الابل .*

اصيب ابو خلف وزوجته بالدهشه فكيف انه فتى وكان ويخرج مع الفتاه .*

ولكن ارجعت الفتاه ذاكرتها الي الوراء فكانت تلاحظ ان الفتاه
التي معها لا تنظر اليها ولا ترفع عينها فيها وان ترفض ان تنزل معها في الغدير للاستحمام وكانت تدير ظهرها لها .*

هنا تأكد للفتاه عفت وشرف هذا الفارس عقيل.*

وعندما وصل عقيل الي المنازل ومعه الابل وبعض الاسرى*

قابلته الفتاه بهذه الابيات :

هلا هلا باللـي سلامـه يـداوي
ماهـو زبــون للعـلـوم الـرديـه*

اشهد شهادة حق ماهو دناوي
ولا شـبـوح العـيـن للاجنبـيـه*

عقيل من شفته خجول حياوي
من عرفتي ماباق غـرة خويـه*

فوق العبيه مثل فرخ النـداوي
ينف خيـل القـوم نـف الرعيـه*

فرد عقيل :

يـاعـم والله ماجعـلـت الغـطـاوي
ويشهد علـى ماقلـت رب البريـه*

عن طاري الشكات ولا الهقاوي
حلـفـت لــك والله رقـيـب عـلـيـه*

عـن المشكـه يازبـون الجـلاوي
شـاروا علـي بشـورهـم والـديـه*

ويـوم خـذونـا طيبـيـن الـعـزاوي
دون العشـايـر مانـهـاب المنـيـه*

وبعدها فهم والد الفتاه سبب تخفي عقيل وهي كرامة للجار خشية تنفيره من وجود فتى .*
وبعد انتهاء الربيع رحل كلا الي اهله وافترق عقيل عن الفتاه ولكنه ضل هائما في حبها .*

حتى مرض بسبب فراقها*

وعلم صديقه فهيد بان عقيل مريض فبعث بطبيب عربي لعلاجه ويدعى عيد*

وعندما احمى عيد المنشار ليكوي عقيل قال عقيل :*

يامحمـي المنشـار بالنـار خـلـه
جـروح قلبـي حاميـات مكـاويـه*

مابي مرض ياعيد لاشـك علـه
من غير شفي ماطبيـب يداويـه*

ماطيب لو تحمى المخاطر ابمله
انـا بـلا قلبـي علـى فقـد غاليـه*

الصاحب اللي عنده القلـب كلـه
علمي بدور العافيه قبل اخاويـه*

واليوم مدري وين حروة محله
فاتن ثلاث سنيين ياعيد نرجيه*

وعرف عيد سبب مرضه وتجاهل الامر واصر على ان يكويه حتى يتضح له اكثر .*
وبعد الكي قال ستطيب فرد عقيل:*

ياعيد لوكويتنـي مابـي اوجـاع
ليتك عرفت بعلتـي وش بلايـه*
بلاي غرو طول قرنه يجي باع
ياعيـد دعنـي لا تبـيـح خفـايـه*
مـادام مانـت لعلـة القلـب نفـاع
ياعيـد مالـك بـي تحمـل خطيـه*
ياما عذلت القلب ياعيد ماطـاع
اطلـب وربـي مايخيـب رجـايـه*

وبعد ان عرف بامره معثم طلب منه ان يرافقه لخطبة الفتاه*
وفعلا فقد زوجه الفتاه وقد انجبت له ولدا وهو معروف اسمه عباس ولقب ابو طاسه ولقد عرف عنه الشجاعه والبساله .*

ومن الابيات التي قالتها الفتاه على فراقهم :

اول نهـاري دمـع عينـي عصيـتـه
وتالي نهاري دمع عينـي عصانـي*
وغارب قعودي من دموعي سقيته
مـثـل همالـيـل الـبـرد يــوم جـانـي*
علـى الـذي مـن بــد حـيـه بغيـتـه
وهـو الـذي مـن بــد حــي بغـانـي*
وسبعـة مخاطـر بالضمايـر كويـتـه
وسبعين مخطـر بالضمايـر كوانـي*
وانـا الـذي طـي الشويحـي طويتـه
وهـو اللـي طـي البريسـم طـوانـي*

هذي قصة معروفة


لكن هذه الرواية قديمة ومسجلة قبل ثلاثين سنة ولم تفرغ إلا حديثاً .
وهي قصة قيعي الشليمي مع أبو خوذة .
عبدالكريم الجربا شيخ قبيلة شمر في وقته بالجزيرة ( جزيرة العراق من شمال ) الجزيرة هي المكان الواقع بين دجلة والفرات من شمال العراق .
وكان يلقب بأبو خوذه لأنه ما يرد أحد يطلب منه شيء مثلاً اذا قلت يا حلو هالحاجه قال : خوذه .
فسمي أبو خوذة (خذه بلهجة شمر )
جا وقت من الأوقات قال وش ازين البل الوضح : فقال أحد الصلبه الموجودين في مجلس الجربا ( كان عندهم صلبي من الي يدوجون ) قال احسن ماشفت من البل هالوقت اباعر الشليمي من الظفير من فرسان الظفير هذي وضح البويضوات هذي لاهي بالحمر ولاهي بالصفر ولاهي بالشعل قال هذا وين ديرتوه قال ديرتوه يم القليب ويم المنيعية ويم ديار الظفير حدر من الحنيه .
و قيعي الشليمي فارس ما يقرب منزله وحامي نياقه بذوابة الرمح ، هاك الوقت ما به بنادق والفارس على الفرس لاصارت الفرس طيبه والفارس هاب ريح يهزم له جمع . قال عبدالكريم ترانا غزو ، (المهم) غزو وراحو بالصلبي هذا دليله لنه يدل الديار ويوم قربو للديره الي هو به نط رقيبتهم ولاهو راجع عليهم قال والله شفتلي اباعر تقول جمايل ضبا ، قالوا هذه اباعر قيعي الشليمي .
وهم يجون راعيها .
قالو :الشليمي حاظر .
قال حاظر .
قال :رح خبر معزبك انا خذينا أباعره وعطوه له رحولين وخذو البل اقفوبه على الخيل (يوم) دري الشليمي وهو يلحقهم يبي يرد نياقه ، لاهو جايهم ( هاد ) . المهم وهم يجدعونه الرجال يومنهم جدعوه وخوذو فرسه وخلوه .
قعد عقب الغناة وعقب البويضوات و المراح فاضي ولاهو (مغير) يغني ويقصد مثل المستخف عقب ماراحت اباعره منه ( أباعره طيبه الوحده منهن تسوى رقبة رجال ).
ويقوم الشليمي وينخى محمد ابن دهامان ابن عمه ... شاعر من شعار السعيد من الظفير .
قال : يا محمد .
قال : نعم .
قال : اباعري عند عبدالكريم الجربا وبيك تفزعلي تردهن لي .
أنت شاعر ومعروف وبيك تقصد لي قصيدة وبيك تروح معي لعبدالكريم الجربا وعبدالكريم رجال صخي وكريم ولا يرد احد وبيك تفزعلي ( المهم ) وافق وهم يترادفون على هكالذلول ويمدون على فالهم ناحرين عبدالكريم الجربا ويروحون يمه بالعراق .
ثلاثين ليله وهم اخويا ويوم جوه بالعراق ويسألون وين بيتوه قالو هذاك البيت ويوم قربو لاهاك البيت المسوبع لافيه فرقه تجي وفرقه تروح (محدن ينشد أحد ) ،ويقعدون عنده وعند عبدالكريم تحاويل ( وفد ) من الترك وبيته كبير ومجلسه مليان ويقعدون ومحد سأل عنهم ( المهم ) قال واحد منهم حنا جالسين محدن درا عنا لكن نبي نطلع برا البيت ونبي انتهاوش ابيك (تطقني وأطقك ) ونا اخو فلانه ونا اخو فلانه نبي الرجال ينتبهون لنا .
وكل واحد هد على الثاني واحد يجر واحد .
قالو تخانقو النجادا (النجديين) ( المهم ) قال عبدالكريم تعالوا .
وقال : من وين انتم جايين قالو من نجد .
قال كم لكم ونتم تمشون قالو ثلاثين ليله قال الحين انتم لكم ثلاثين ليله تمشون سوى وتنامون سوى ماتهاوشوا إلا هنيا (هنا) قام ابن دهامان هو يهل قصيده :
يا راكبٍ من فوق حثات الأوبار
فج النحور إليا انتون كل ناوي
طفقات من مس المحاقيب عبار
لاكنهن ينهش قفاهن ضراوي
حمر ركب بظهورهن كل مغوار
عيرات من هوز المطارق سعاوي
مثل القطا عن واهج القيظ عبّار
منتحرات دار عطب الاهاوي
حيل زهى بظهورهن دشن الأكوار
وأول سمرهن من قعود اللحاوي
مدن من الداير على شبة النار
والعصر بالخابور تسع النضاوي
الداير جال ضلع بديرة الظفير مثل ما تقول ضلعان طويق هذي . والخابور شمال الجزيرة قريب من منازل الجربان .
أرقب رقيبتهن على راس سنجار
وتشوّف الجربان بهاك الحراوي
وطالع بيوت كنها زمة الطار
كبار الصحون مزبّنين الجلاوي
واللي لجا ببيوتهم ماله الثار
ما أحد عليه من المعادين قاوي
يما عطوا من سابقٍ فوق قنطار
ياما اغتنى باسبابهم من فداوي
ترثة صفوق اللي نعرفه بالأذكار
ياما تمنى قربهم من خلاوي
ادناك بدنا كان للربع تختار
عبدالكريم اليا بلتك البلاوي
تبنى له البيضا على روس الأقطار
أبيض من القطن العفر عند رواي
يقول : يوم قال هالبيت تهيض عبدالكريم من السطر والزوم ويحذف جفير السيف في الضو (النار ) .
ويلحقها محمد القصاد هالبيت اللي يقول فيه .
شواي سيف الهند في ماقد النار
من الزوم كنه بوسط البير داوي
يرجع لنا شقحا من البيض معطار
تشوش لسمعة نديه المداوي
يرده اللي للطوابير كسار
كان الشليمي للبويضا رجاوي
قال عبدالكريم : لباشة الترك اللي عنده : وش تقول يا بيك بشعر هالعربي ؟ .
قال البيك : والله أنا يا شيخ ما ادري وشو يقول ولكن لو أني أنا أنت وقال بي هالكلام أما أطيّح راسه وإلا أعطية اللي يطلب . ما أخليه يروح هاك ( لا أتركه يذهب هكذا ) .
قال عبدالكريم : لا والله ما أطيح راسه ، إلا أعطيه اللي هو يبي .
قال أنت الشليمي .
قال نعم .
قال : أبشر بنياقك : يالله يا عبيد أركبوا معه ودوجوبه على شمر اللي عندهم يعني حصص من البل هذي متقاسمينها وأجمعوا أنياقه له .
ليا شمر على ( أبو قله ) جو يجمع البادية وعربه يجمعهم الخوف هكالوقت ولكلهم نزل واحد .
وأبو قله ضليع بهاالجو .
قال الشليمي : يا عبدالكريم ما قصرت ، لكن أبنط راس الضليع ( أبو قله ) هذا وابوده وأبي منك تحشرون الحلال وللي يجي يمي ما يرده راعيه وأبي أوده يعني (ينادي لبله بصوته ) .
قالوا : يالشليمي أباعرك لها سنتين ناسيتن حسك ولاقياتن ( دويد العسل ) في الجزيرة ، الجزيرة مثل الجنه كل شيء بها . ما يجنك أباعرك .
قال الشليمي : لا أنا لي سنتين ما فضيت عن صدري وأنا كاتمن بصدري وابفضي هالضحوية عن صدري أبوده ، قال وده ولا تردون ناقة تجي يم هالرجال وبنعوض اللي تورح منه ناقة .
وهو يقوم أنت يا الشليمي ويحط أصابعه باذانه ( كنه بيذن ) ، وهو يصيح للبويضات .
يقول يوم بحروا ( نظروا ) ، ليا يوم قامن يتطلقن مثل خيوط القطن هالوضح ( الماخوذات ) ، يوم تجمعن عنده .
ويقوم الجربا ويذبح لهم هكالجزور ويحني أباعر الشليمي بدم الجزور .
ويرد أفرسه ويعطي الشاعر هاكالفرس ، قال وده لباعرك يالشليمي .
قال أحد رواة شمر :
يوم تجمعن أباعره وتفقدهن ليا كلهن وليا الحيران اللي حدرهن يوم يوخذن معهن و الحيران اللي في بطونهن معهن بعد .

قصة عن احترام الاخ الكبير وطاعته


من الصفات الكريمة والخصال الحميدة التي يشتهر بها ويحرص عليها العرب عامة وأهل البادية خاصة وهي من الواجبات التي تفرضها عادات وتقاليد القبائل ، والفارس الشجاع ميزر بن زياد من آل طوالة شيوخ الأسلم من شمر القبيلة المعروفة والغنية بالكثير من المفاخر كان له أخا أكبر منه واشتهر ميزر بحبه الكبير لأخيه وتقديره العظيم واحترامه الشديد لأخيه وطاعته العمياء له ، ويذكر أن ميزر قد كسب في احدى المعارك فرسا أصيلة فأعطاها لأخيه الكبير وذبحت تحته في معركة أخرى ثم كسب ميزر غيرها وأعطاها لأخيه وذبحت تحته أيضا في معركة أخرى ، وكان ميزر إذا صاح الصايح أو نادى المنادي للغارة أو الحرب كان أول ما يقوم به هو شد سرج فرس أخيه أولا ثم يشد سرج فرسه بعدها وكان لا يتقدم على أخيه مع تمنيه ذلك لفرط شجاعته ولكن احترامه وتقديره لأخيه يمنعه من ذلك ، ومن مواقف ميزر الطيبة الدالة على مدى حبه واحترامه لأخيه أنه كان في أحد الأيام يسير بجانب أخيه الكبير الذي كان ممتطيا فرسه وميزر يمشي على قدميه فغضب أخيه لسبب ما فضربه بالعصا وسقطت على الأرض فصاح به أعطني العصا يريد أن يضربه ثانية فلم يغضب ميزر ولم يترك أخاه بل ناوله العصا قائلا : اضربني يا أخي حتى يزول غضبك وترتاح نفسك!! ثم قال بعد ذلك هذه القصيدة التي يوضح فيها مقدار ما يكنه لأخيه من حب واحترام وتقدير حيث قال:
خيّلت أخوي اشمرةٍ تروي الأرماح === ذبحت وجبت اللي سواة المهاتي
ولانيب راكبها لامن صايح صاح === لا طنّب الراعي برأس الفلاتي
لو كان قلبي مع هل الخيل قد راح === أعنّها وأجهزه لين يأتي
وليا ضربني بالعصا والعصا طاح === أناوله مضنون عيني شفاتي
وليا نزرني نزرةٍ والغضب فاح === أغضي وكني وحدةٍ من خواتي
وليا طلبني شيء مانيب شحّاح === أرد للي خابرينٍ سواتي
هذا عضيدي ماشي لي بالانصاح === لا غبت عينه ساهرة ما تباتي
أبغيه قبل الموت غطّاط الأرواح === نأخذ على عدواننا الطايلاتي
لقد كان ميزر فريدا من نوعه وأمثاله قليلون!!

*قصة حلوة بالعامية… عجبتني ونقلتها لكم

من أول اذا بيتزوج واحد لازم يمشي معه ربعه ويسمون جنب يروحون معه المكان العرس , المهم
هذولا مجموعة من الناس يبون يروحون مع رجال ولده يبي يتزوج وهالرجال من قرية من قرى الوشم تسمى
الحريق وبياخذ وحده من قرى سدير قرية تسمى روضة سدير . عاد ابو المعرس عزم ربعه اللي حوله من أقاربه
عشان يمشون مع ولدهم للقريه ثانيه وتجهزو الشباب من ربعه , طبعان الشيبان والكبار في السن ما يروحون
معهم لأنه كلافه عليهم لكن يعزمونهم اذا جو , اذا ارجعو ومعهم المعرس وعروسته حطوا من باتسر عزيمة
ونادوا كبار السن وأمير القرية ومطوعهم والناس الكباريه لكن في حزة الجنب ما يروح معه الا الشباب ويتنقون
من الناس اللي نظرين واشكالهم زينه ( ناوين يرتزون عند أهل المرة ) حتى يصير لهم شان في العرس .
الحاصل تولموا يبي يروحون مع المعرس وابوه وأخوه الكبير وعمه وباقي الجنب من الناس الكباريه والزكرت
فهذولا اللي يبون يروحون معهم للعرس عاد تخبرون يالربع حالتهم من أول ما هيب ذيك الزود أكثر ملابسهم
الزينه سلف هذا آخذ بشت فلان وهذا متسلف ثوب فلان وخاصه الجنب القريبين من المعرس تلقاه لابس بشت
صوف والناس في القيض بس كله عشان يكشخ مع الجنب ( معليش يموت حر بس اهم شي الرزه مع الجنب )
فهذولاهم رايحين يجون في حدود عشرين إلى ثلاثين نفر رايحين على هالركايب اللي عاد معه ذلول واللي معه
زمال وكل حسب قدرته واللي اثنين مترادفين على ذلول وحده المهم , وصلو قبل المغرب لان العرس مثل ما انتم
خابرين في الليل ويصير أهل العروس حاطين عشاء واذا اقبلت على السوق اللي فيه العرس تلقى أهل البيوت
اللي في السوق من يمين ومن يسار عندهم خبر ان فيه عرس بيصير هناك في اسفل السوق ولهذا العيال
الصغيرين اذا جو وشافو الجنب مقبلين يقولون هذولاهم جو الجنب يقومون اللي في البيت عاد يتفرجون عليهم
والناس ويطالعون الجنب , الجنب يبينون يصير لهم خبة ببشوتهم ويصير لهم حس وريحتهم طيب ويصير لهم
حركه وخابرين يصير في العرس ناس يطلون تشوف الباب المنفتح شوي والدريشة المنفتحة ( حركاتنا يالحريم
مانفوت شوفة المعرس ) عاد في مجموعة الجنب اللي جايين مع المعرس شاعر اسمه ماجد بن عضيب وماجد
عاد راعي وزكرتي يلبس ثوب زين وشماغ زين وكان ما شاء الله مقتدر عنده ثلاثة بشوت ويغير ويبدل
بين البشوت فهاك اليوم يوم يروح للعرس كان كاشخ ومتزكرت ويمشي وعينه على الدريشه اللي يطل منها
سواد ويناظر وهم ماشين وصاير هو على الطرف وساكب هالبشت وعليه زهاب نعال نجديه والشماغ والمرازيم
مصلحها وريحه طيب تفوح فيوم اقبل على هاك السوق والى فيه جذع , بيتهم على اليمنى وراح ودخل على
الحريم وقال جو جو الجنب اللي مع المعرس هذولاهم اقبلو والى هاك البنت اللي ما شاء الله متعافيه وجميله
جمالها فاضح سوت نفسها انها تبي تصك الباب عاد بعض البني ترى تسوي هالحركات مثل اللي تقول شوفوني
ولا تشوفوني فجات تركض وبقبالتها على الباب الى الرجاجيل مقبلين شهقت ورجعت مثل المرتاعه ( الله من
الكيد في هالبنات ) والى بقبالة ماجد يوم شافها وهي في الباب لمحها لمحه بسيطه وراحو الجنب وحضرو
العرس وجو المعازيم اللي من الديرة نفسها وكان من ضمن المعازيم اهل الديرة شاعر ثاني اسمه جديع بن
سودان العنزي من الخشمة من قبيلة عنزة كان حاضر معهم وسولفوا ودخلوا المعرس وقهوهم وعشوهم وكان
جديع جالس جنب ماجد طول فترة العرس يسولفون ما شاء الله وش هالازوال اللي لمحناها تخبرون عاد دايم اهل
الهوى على قولتهم سوا يستعرضون قصيدهم وش قلت عقبنا من قصيد اسمعنا ومن هالكلام . المهم يالربع
رجعوا الجنب وجا عقب يومين ويقوم ماجد ويرسل أبيات لجديع يشكي له عن المنظر اللي هو شاف ( المحه
ذبحه مثل ما يقولون ) لكن ما بين في الأبيات بشكل واضح من أي البيوت البنت , الحاصل انه كتب الأبيات هذي
وارسلها لجديع يقول فيها ...
ياجديع يا مسندي بشكي لك الحالي =وش عندنا منك ياشوق الهواوية
الـجــادل الـلــي حـلـيـه ظـبــي الاسـهـالـي ســاعــة لـمـحـتـه ضـربــنــي بالـقـديـمـيـة
الـجــادل الـلــي نـهـدهـا صـــوغ فنـجـالـي الـعـيـن خــرســا كــمــا عــيــن الـنـداويــة
مــن ضربـتـه دوك فـكـر سـايـفـت حـالــي والعـيـن عــن نـومـهـا صـــارت شـقـاويـة
يالله عـســى حـبـهــا بـالـوصــل يـنـجـالـي مـــن يـــوم شـفـتـه وحـبــه بـاضــع فــيــه
الله عـلــى لـزمـتـه فــــي مــاقــع خــالــي الله عــلـــى لــزمــتــه يــاجــديــع بــيــديــة
ياجـديـع طــرد الـهـوى والصـيـد غربـالـي راعـيــه حـالــه كــمــا الـعـيــدان مـبـريــة
دايــــــم شــفــايــاه يـــبــــاس ونــحــالـــي من طردهن بالخلا في كل داوية


**** **** ****



هاه قام جديع ورد على ماجد بالأبيات التالية ..

حـي الجـواب اللـذي يـطـرب لــه البـالـي ترحـيـبـه مـــن لـبـيـب الــصــدر مـثـنـيـة
يـا صاحبـي اكتـب وزيـن كتـب الامثالـي واســطــر جــــواب مـعـنـيـنـه بـطـلـحـيـة
والـيـا شمعـتـه تـرحـل فـــوق مـهـذالـي مـا مـونـة مــن حــرار الجـيـش عملـيـة
كـلـف عليـهـا ومـــس الـكــور بحـبـالـي وارفـع جريـر الـرسـن والحـبـل مقطـيـة
يــا زيــن دفلاجـهـا مــع جـرهـد خـالــي توصـلـك فـــي سـاعــة بـنــت العمـانـيـة
ملـفـاك قــرم بــدرب المـرجـلـة عـالــي مـاجــد الـيــا عـارضــك بـــادرك بتـحـيـة
والـيــا لفـيـتـه لـقـيـت رجـــال ودلالــــي مـثــل الـغـرانـيـق فـيـهــا كــيــف بــريــة
سـلــم وقـلــه يخـبـرنـا عــــن الـحـالــي وعطـنـا مـنــه كـلـمـة حـرشــا وبـرحـيـة
بـيــن لـنــا صـاحـبـك يـاطـيــب الـفـالــي هــي ويــن مدهـالـهـا عـنــز الرمـاحـيـة
ان كـان هـي بالثمـن سقنالـهـا المـالـي لــو كــان يبـغـي ثـــلاث امـيــة فرنـجـيـة
وان كان ما اكفى جلبت البشت وعقالي وابـيـع شـقـران لــك يــا الـقـرم عـانـيـة
وان كان من دون خلك ضـرب و قتالـي لــــي لابــــة كـلـهــم لـلــحــرب مـنـقـيــة
جـيـنـاك فـــي لابـتــي حـمـايــة الـتـالــي اولاد وايـــل يـسـرونـك ضـحــى الـهـيــة
والله لــــو دونــهـــا تـسـعـيــن خـيــالــي جـبـنــاه فـرعــيــة مـاهــيــب شـرعــيــة
ساعة لفى الخط جا فـي القلـب ولوالـي جـــدد صــوابــي جــــواب كـاتـبــه لــيــة
من عقب مانيب عن طرد الهوى سالـي ذكـرتـنـي جـــادل عـاقــت بــــي صـطـيــة
بـــــس اتــوجـــد وخــلـــي مـاتـهـيـالــي واليـا عنـا لـي حكـوا فـيـه وحـكـوا فـيـه

قصة عن القهوه..

وهي سالفه مشهوره ..صارت في ديوان ابن رشيـد..

وهي سالفه علوش بن ظويهر..من قبيله عنزه..

هذا الله يسلمكم علوش كان في مضافه بن رشيد .

.وفي حدى الايام..وكان الديوان مليان..من الرجاجيل والضيوف..

قال بن رشيد صاحب الديوان بصوت عالي..

القهوه..

قاموا الصبيان يدورون على الضيوف..ويقهونهم..

وشوي وصل الدور لابن ظويهر (( علوش )).. يوم شرب من الفنجال

ما اعجبته القهوه قام كب القهوه وراه*

في اللحظه هذي شافه بن رشيـد وماعجبه فعل بن ظويهر..وقال له :

وش نوحك سفيـت الفنجال ياعلوش..===>>> يعني وراك كبيت الفنجال..:

قال علوش ..ابد طال عمرك مالي نظر في القهوه اليوم ..طبعا هالكلام ما اقنع*

الشيـخ.. قام قاله : ابداً انت لك يومين عندنا..وتشرب من قهوتنا وش نوحك اليوم..

والمهم ضغط عليه بالكلام..

الين ماقاله علوش..ابد طال عمرك بس قهوتك صايده اليوم*

..قال بن رشيد..وش يعني صايده..و يلتفت على اللي جنبه يسألهم

وش رايكم بالقهوه ..وهم يقولون ابد طال عمرك ماذقنا اطيب من قهوتك*

المهم..سأله الشيخ بن رشيد : وش هي صايده قهوتي يا علوش ؟؟؟.

.قال علوش : ابو عوف طال عمرك ..

(( ابو عوف هذا اكبر من النمله ..ويسمونه القعس ))

طبعا الامير ما عطاه بال ولا صدقه ..

ويوم علوش شاف السالفه كذا قام وقال للأمير :

رقبتي لك رهينه طال عمرك اذا ماكانت القهوه صايده ابو عوف ..

و يروحون الصبيان يكبون الخمره ==>>الدله الكبيره اللي مسوين فيها القهوه..

و يحصلون فيها ابو عوف ..و يستغرب بن رشيد قال وشلون عرفت ..

قال علوش..ابد طال عمرك القهوه صار فيها طعم حموضه من ابو عوف..

راح ابن رشيد و سأل الصبيان اللي عنده*

كم بقى له بن ظويهر في المضافه عندنا..قالوله يوم والا يومين.

.قال لهم لا تخلونه يمشي..ابيه ..

المهم و يروح الامير ويسأل اللي عنده ويقولهم :

وش اللي لو خلطناه في القهوه مايبين ؟؟؟

قالوله ورق العرفج..

و أمرهم انهم يحطونه في القهوه اللي يتقهوى منها علوش

ويوم تقهوى ابن علوش*

سأله بن رشيد : ها ياعلوش ..

تتطعم بقهوتنا شيء ..

و يقول ايه طال عمرك القهوه صايده ورق عرفج*

ويروح بن رشيد ويسأل ربعه نبي شئ ما يعرفه ..

المهم و يقولهم يحمسون فنجال محروق وفنجال ني..

ويخلطونهم ويسوون القهوه منها ..

ويسألونه ,,, ويقول لهم علوش : بها طعم نياه وطعم حراق*

المهم و يفكرون بشئ مايكشفه..

و يحطون الراك..(( قشر المسواك ))..

و يسأله بن رشيد ها يا علوش تطعم بقهوتنا شئ ؟؟؟

..و يقوله ايه طال عمرك..بها طعم مسواك*

قاله ابن رشيـد تدري ياعلوش..

كل ماشفت الهلال مثل الباكوره في القبله وجهك واشوف..====>>>يعني تعال عندي.. وترى كل ماينوب قهوتك ومعاميلك علينا ..

وكان من التواجديـن محمد الذويبي من حرب فقال هالقصيده...

.*.*.*.*.*.*.

تستاهل الكيف الحمر يابن وايل
انت الذي تستاهل الكيـف كلـه*
اللي نقدته وسط ديـوان حايـل
لولاك ياعلوش محدن فطن لـه*
بدلال من يقعد صغا كل عايـل
الضيغمي ريف الايدين المقلـه*
الضيغمي مردي المهار الاصايل
يامنقطع في ساقته مـن سجلـه*
يابن ظويهر مابها قـول قايـل
تستاهل الفنجال لا جـا محلـه*
ياناقـد الفاقـد بحكـم الدلايـل
ياريف هجنٍ والمزاهـب مقلـه*
ربعك بني وايل مـذاد القبايـل
اهل الجموع الراسيه والمظلـه*
زبن الدخيل اللي تواطاه طايـل
الجمع دونه والرمـك منكهلـه

http://up.3dlat.net/uploads/12877912789.gif

http://www.m5zn.com/uploads/2011/7/1...91jxfacwm9.gif

كان هناك شاعر متقدم فى السن... ولكن بعد ان كان شاعر غزلى مبدع... إلا أن حظه كان يعاكسه ولايمشي مثل مايحب...
وبعد سنين طويله من تركه لشعر الغزل. .!!

وهو فى السوق وطبعا تعرفوا اسواق زمان كيف كانت..الرجال ماشئ وشاف حرمه ومعها ولد صغير..
. الولد ماشاء الله عليه القذله الشقرا والثوب ويجرى خلف امه.. وامه استحسن منظرها الشاعر.. وكان يبى يتودد ويتقرب منهم... وفكر يقترب ويشيل الولد ويسلم عليه...
ولكن الام حست.... والتفتت الا والرجال قريب ويبى يشيل ولدها كان الرجال فى نيته يشيل الولد ويسلم عليه
المهم يوم اقترب... الام ثنت نفسها وشااااالت ولدها... وهى ثانيه نفسها انكشف عن ذراعها واساورها وحليها الى بذراعها ولقطت الولد ومشت وقفت عن الرجال...
الموقف اثر فيه... واوجعه بقلبه.. وعرف ان الحظ مازال عكسه..فهيج هالموقف نفسه وقال قصيدته التى يشبه الام فيها بالبكره... والولد بالحاشي...

يـــــوم الـمـقـاديــر والاســبـــاب سـاقـتــنــي وانا عن اهل الهوى مقف(ن)ومنحاشي

الـبـكــرة الــــى تــبــوج الــســـوق لاقـتــنــي تمشـي علـى هونـهـا يـبـرى لـهـا حـاشـي

اســرعــت ابــاجــود الـحـاشــي وعـاقـتـنــي يــــوم انــهــا تـلـتـفـت وتـنـاظــر الـمـاشــي

حـلــيــهــا بـــــــان والـــذرعــــان شــاقــتــنــي درت بى انـى مـن اهـل الصنـف قماشـي

اطـمـعــت ابــــى بـوقـهــا لاشــــك بـاقـتـنـي وانــا نـصـوح(ن) لـهــا مـانــى بغـشـاشـي

قــلــب الـخـطـايـوم عـاقـتـنـي ولااسـقـتـنـي هافـت غصـونـه وزرع القـلـب عطـااشـي

يـوم انـى اقنـص وبــارودي عـلـى متـنـي وانــــا تــــراي اخــــذ الـشـوكــه بمـنـقـاشـي

والـــيـــوم صـــديــــت والايـــــــام اراقــتــنـــي مـاعـادلــى بـالـهــوى ومـتــابــع الــلاشـــي

عـديــت فـــى مـرقــب الـعـشــاق وارقـتـنــي راعـــي الـهــوى لوتـعـلـى فـيــه مـاعـاشـي

http://www.alnadawi.com/vb/core/images/icons/icon12.png قصة وقصيده هي قصيره لكنها رائعه

07-12-2000, 06:24 AM


اليكم هذه القصه :

يقال ان رجل يريد ان يذهب الى المقناص فارسل الى احد العبيد
من الذين يملكهم فقال.

يافلان انا ناوي اذهب الى المقناص خلك عندعمتك ( زوجته )

واقضي لها مطالبها ولاتذهب عنها حتى اعود

وفعلا جلس عند عمته مدة ثلاثة ايام .

وعاد عمه صاحب البيت من المقناص

فقال له كيف حالك وكيف سويت مع عمتك

فقال هذه القصيده :


البارحه باليل جاني مرادي***** زين الحلى ياكامل كل لاوصاف
خميته خمه بكل الايادي ****** واسقيت زرعاً عقب لاحشا لافاح

غضب عمه فقال له اش تقول

فاكمل :

يوم تنبهت وطار عني رقادي **** ولاني بنجد وسيد عيني بالارياف


وسلامتكم

طلال الاحمدي
جـــده




منقوووول

السلام عليكم ورحمة الله وبركاته

هذه قصه قصيره مع قصيده تحكي معاناة انسان قٌتل بسبب غلطه غير مقصوودة

(سلطان بن رباح) كان له اخ لم تلده امه اخ دين ودنياا .. وهو (محمد بن عقيل)
كانت خوتهم على وضح النقااا .. ومن زود ما يغلي محمد سمّى ولده البكر محمد على اسم خويه ..
كانوااا يعشقووون الصيد .. وفي رحلة من رحلاتهم وفي فتره الظهيره ..
كان محمد يجهز الغداء وسلطان ينظف السلااااح ومن غير قصد وبدون علم بوجود الطلقه في
مخزن السلاااح انطلقت الرصاصه
لتسكن في قلب محمد وترديه صريعاااااا ..
ولم يكن عندهم احد .. ليشهد على الحادثه وعن كيف تم قتل ابن عقيل
وضع سلطان في السجن .. وبدات المشايخ بالوفود على اهل محمد لكي يصفحووو عن سلطان
ولكن بدون فائده ..
وصدر الحكم عليه بالقصاص ....
وبعد التنفيذ .. وقعت المصادفه و صار قبر سلطان في جنب قبر محمد رحمة الله عليهم جميع

وهذيـ القصيدهـ قيلتـ على هالقصهـ



يــا فــلاح الـهـم خـيّــم فـــوق قـلـبـي يـــا فـــلاح
كـيـف تبغـانـي اسـولـف وانــت خابـرنـي علـيـل

ويـش قولـك فـي عليـل ٍ فـي حياتـه مــا سـتـراح
تنتـثـر دمـعــة عـيـونـه لاظـلــم الـلـيـل الـطـويـل

حالـتـه لا مــا تبـاعـد حــال ( سلـطـان الـربـاح )
بالخـطـا راحــت حيـاتـه والـخـطـا مـالــه مـثـيـل

كــان ويّــا صاحـبـه اثـنـيـن فـــي أرض ٍ بـــراح
يطـردون الصيـد دايـم مــن صـبـح لـيـن المقـيـل

اجمعتـهـم صحـبـة الدنـيـااا عـلـى جـــد ومـــزاح
مـــا يـهـابـون اللـيـالـي والـحـمـول الـلــي تـمـيـل

مــا قـتـل عـامـد ولـكـن ثـــوّر ابـلـيـس الـســلاح
بالخـطـا ثــار الـسـلاح ويـــن يـلـقـى لـــه دلـيــل

انعـقـد سجـنـه .. وربـعـه تنتـظـر فـــك الـســراح
والاكيـد انـه سجيـن ومـا رضــووا ربــع القتـيـل

هــل دمـعــه يـــوم صـلّــى ركعـتـيـن فالـصـبـاح
فـي نهـار الجمـعـه الـلـي مــن ثقـيـل ٍ فــي ثقـيـل

هـلّـل وكـبّــر .. ونـفـسـه تـذكــر الـلــي راح راح
كـان فـي ربعـه عـزيـز .. وذلّــه الـوقـت الذلـيـل

(لا مـحـمـد لا تـهـانـي لا سـعــود ولا صـــلاح )
كلـهـم كـانـوا عـلـى بـالـه وهـمّـه فــي ( هـديـل )

طـفـلـة ٍ مـــا كـمّـلـت عـامـيـن صايـبـهـا كـســاح
وانـتـثـر دمـعــه وحـالــه مـــن سبايـبـهـا نـحـيــل

حان تنفيـذ القصـاص .. وغطـوا الـراس بوشـاح
وجـاك سيّافـه يشيـل السـيـف ابــو حــد ٍ صقـيـل

ارتخـى راسـه .. وزاد الموقـف الحامـي صـيـاح
بيـن نـوح وبيـن دمـع وبـيـن صيـحـات وعـويـل

وارتفع صـوت الحشـود .. وزاده محمـد وصـاح
يــا يـبـه تكـفـى دخيـلـك تستـمـع قـــول الـدخـيـل

يـا يـبـه وشـلـون نصـبـر كـيـف نهـجـع بارتـيـاح
وانـت مـن دنيـااا عيـالـك مـاخـذك مــر الرحـيـل

يـا محمـد .. هـاك علمـي واحفظـه قـبـل الـمـراح
انـتـبــه لاخــوانــك وبــالــك عـلـيـهـم لا تـعــيــل

والله الله .. فـالـصـلاة وفـالـصـيـام وفـالـصــلاح
والله الله .. ف( امـكـم ) والله لـكـم بـعـدي كـفـيـل

غـمّــض عـيـونـه ونـفـسـه تـطـلـب الله الـسـمـاح
رافـــع ٍ سـبـابـتـه .. ( مـظـلــوم ) والله الـوكـيــل

ســل سـيّـاف الصـفـا سـيـفـه ودقـــه ثـــم طـــاح
راس (سلطـان المـراجـل ) وانتـثـر دمــه يسـيـل

غسلـوه .. وكفنـوه .. وفــاح طـيـب الـسـدر فــاح
وبالمصادف صار قبره جنب قبر ( ابن العقيل )

يـا فـلاح .. الكارثـه مـا هـي سـوالـف يــا فــلاح
خـلـنـي سـاكــت ودوّر غـيــر هالـقـصـه بــديــل

وسلامتكم

بسم الله الرحمن الرحيم

http://omaniaa.co/mwaextraedit2/frames/tr11.gif		http://omaniaa.co/mwaextraedit2/frames/tl11.gif
	قصة عواء الذيب من اجمل قصص البادية هذه الحكاية مجهولة الأبطال , وذلك نظراً لمضي وقت طويل عليها أو لأن أبطالها ليسوا من المشهورين كالأمراء والفرسان والذين يحرص على أسمائهم قبل حكايتهم . . . يقول الراوي كان هناك رجل بالبادية متزوج من امرأة ليست من قبيلته , بل كانت من قيبله أخرى مجاورة لقبيلته . . . ومرت عليه فترة سنه هو وزوجته يعيشان بأحسن حال . . . وقد اختلفت القبيلتان وحصل بينهما نزاع وكان زوجها طرفاً فيه . . . وكان اخوتها من الجهة المقابلة أطرافاً بهذا النزاع واشتدت الأزمة بين طرفي النزاع مما حدا بإخوان الزوجة أن يأخذوها ليلاً من بيت زوجها نكالاً له . . . وهي لم تكن راضية بفراقها لزوجها وكذلك زوجها الذي كان يحبها حباً كبيراً أيضاً . . . ومرت فترة طويلة بعض الشيء على فراق الزوجين والكل منهم كان يريد الآخر ولكن النزاع الحاصل حال بينهما ضاقت الأرض بالزوج , فهو يريد زوجته ولا سبيل لوصوله إليها , ففكر بطريقة . . . أن يرسل إليها إحدى عجائز القبيلة تبلغها برغبته بلقائها . . . ورسم لها خطه للقاء . . . وبالفعل ذهبت العجوز للزوجة وأبلغتها بذلك فرحبت الزوجة بالفكرة ولما كانت الليلة الموعودة حيث كان الوعد بينهما بعد غياب القمر جاء الزوج للمكان المتفق عليه .... بحيث لا يراه أحد . . . ثم أخذ بالعواء كعواء الذيب ثلاث مرات متتابعة . . . عرفته الزوجة حيث كانت تعلم بالخطة سلفاً وذهبت إليه وجلسا بعد طول الفراق يشكو كل منها حاله للآخر بعد الفراق حتى إذا ما جاء الفجر افترقا وعاد كل منهما لقبيلته مضى على هذا اللقاء فترة أشهر . . . ويقسم الله سبحانه أن تحمل المرأة من زوجها كنتيجة لذلك اللقاء . . . ويكبر بطنها فيراه أخوها ويهددها بالقتل فمن أين لها بهذا الحمل وقد فارقت وزجها منذ فترة طويلة ولم تكن حاملاً ؟؟؟ فأعلمت شقيقها بحقيقة ما حصل بينهما وبين زوجها ووصفت له المكان وأعلمته بكل ما جرى . . . فقال الأخ سأذهب أنا لزوجك وأتأكد من حقيقة ما حصل فإن لم يكن صحيحاً فليس لك عندي غير السيف ولم تكن القبيلتان على وفاق فكيف يذهب . . . فكر الأخ واهتدى إلى طريقة . . . فلما جن الليل تنكر وذهب إلى قبيلة زوج أخته ودخل مجلسه وجلس ولم يعرفه أحد . . . ولما سكت المجلس تناول الربابة وأخذ يغني عليها يا ذيـب يللـي تالـي الليـل عويـت ثلاث عوياتـن على سـاق وصـلاب سايلـك بالله عقبـها ويـش سويـت يوم الثـريا راوسـت القمـر غـاب وغنى هذه الأبيات على الربابة ثم توقف ووضع الربابة مكانها وعاد إلى مكانه . . . فعرف الزوج أن هذا أخو زوجته وفهم أن زوجته حامل كعادة البدوي سرعة اللمح وشدة الذكاء . . . فتقدم وتناول الربابة وأجاب: أنا أشهـد إني عقـب جوعي تعشيـت وأخـذت شاة الذيب من بين الاطنـاب على النقـا وإلا الـردى ما تهقويـت ردو حلالـي يـا عريبيـن الأنسـاب فلما فرغ الزوج من أبياته فهم الأخ أن أخته كانت روايتها صحيحة وانسحب بدون كلام . . . وفي الصباح أعادوا له زوجته

http://omaniaa.co/images/iconn1.png قصة وقصيدة من الماضي

---

قصه وقصيده
بطل قصتنا شاب قيل أن أباه من شيوخ البادية , هذا الشاب أحب فتاة من عرب جديع بن قبلان


فوقف أبوها بينها وبينه بعد أن تقدم لخطبتها لسبب أو لآخر
ولم يستطع الشاب الابتعاد عنها بعد
أن رحلت قبيلته إلى مرابعها بعد أن كانوا يجتمعون بالصيف حول موارد المياه .
الشاب بعد أن

رحلت قبيلته تركها وعاد إلى منازل قبيلة جديع بن قبلان والتجأ إلى عجوز بالقبيلة أعطاها مالاً مما


معه , وأودع عندها فرسه وملابسه وأحضرت له ملابس رثه فتنكر بها وقصد مجلس جديع بن قبلان مادحاً
فأراد جديع أن يعطيه , فرفض فسأله جديع عن مطلبه فقال أريد أن أعمل عندك
مقابل أكلي وشربي ومبيتي . فعرض عليه عدة مهن فرفضها وسأله عن طبعة العمل التي


تناسبه فقال أصنع القهوة . فضمه عاملا للقهوة , واستمر في خدمته . فكان إذا مضى جزءمن الليل ونام جديع ومن معه سحب نفسه بهدوء حتى يقترب من بيت محبوبته فيكمن ويعوي كعواءالذيب فتعرفه وتضع طرف عباءتها على النار وترفعها كإشارة له فيقترب ويجلس معها يتحدث حتى
بزوغ الفجر فيعود لبيت جديع وينام .

وهكذا وفي أحد الأيام فطنت له زوجت جديع , فقالت لزوجها أن المقهوي ((أي عامل القهوة)) يقوم معكم للعشاء ولكنه يمد يده ولا يرفعها لفمه , وإذا نام الجميع سحب نفسه باتجاه بيت فلان و يعود مع الفجر . فتعجب جديع من صنيعه ومن فطنة زوجته أيضاً حيث أنهم لم يلاحظوا أكله ولاحظته المرأة .

ولما كانت الليلة التالية انتبه له جديع فإذا كلامها صحيح ,
ولما نام الجميع أخذ جديع يراقبه .
فلما سرى الشاب سرى خلفه حتى إذا
ما دخل بيت الفتاة جلس بالقرب منها وقد كان الظلام دامساً فلم يرياه .
وكان بينهما وبينه رواق بيت الشعر فجلسا باتجاه بعضهما ولم يلمس كل منهما الآخر , وأحضرت له طعام العشاء كالعادة فأكل ولما فرغ أكلت هي ,
ثم جلسا يتحدثان يشكو كل منهما للآخر فرط الهيام . فسرد عليها قصته وكيف تنكر وأصبح عاملاً بعد أن كان أميراً من أجلها ,
وجديع يسمع . وكان الشاب يحمل معه عصا صغيرة فقال لها إلمسي طرف العصا وسوف ألمس الطرف الآخر , ولأن حبهما عذري رفضت الفتاة لمس طرف العصا. فقال لها إذا استمرت الحال على ما هي عليه فإني هالك لا محالة , فقالت إن هلكت فلا حاجة لي بالدنيا بعدك .
ولكن عليك بجديع بن قبلان فلن يحل مشكلتنا غيره هو الذي يدركني لك بأحد الأحمرين , وهي تقصد أحمر الذهب أو أحمر الدم , فقال لها


في هذا الصباح سوف أخبره . هذا كله وجديع يستمع لهما . ولما اقترب الفجر توادعا وعادكل منهما إلى مكانه , وعاد جديع لمكانه فإذا زوجته تنتظره لتستفسر عن الخبر فأخبرها بالحكاية وأخبرها أيضاً عن عزمه على تزويجهما لبعضهما بأحد الأحمرين كما قالت , وبينما هما يتحدثان كان الشاب قد عاد لمكانه وأمسك الربابة وأنشد يقول

يــا راكــب الـلـي تـــودع الـعـبـد قـربــي

جـدعـتـيــن تــدنـــي بــعــيــد الــســرابــي

الـيـا ارتـخـت ذرعـانـهـا عـقــب كـربــي

حمـص وحـلـب أدنــى مـنـازل أقـرابـي

يا جديـع بـن قبـلان خـان الدهـر بـي

خــانــت ليـالـيـهـا مــــع أيـامــهــا بـــــي

طير الهوى يا ستر موضـى شهربـي

يـــــــم الــثــريـــا والــكــواكـــب رقـــابــــي

يهـوم بــي يــا جـديـع شـرقـن وغـربـي

والله عــلــم يــــم الـشــمــال انـتـحـابــي

وبادق من سلك العنكبوت انحدر بي

ليمـا علـى نقـرة حضـوضـا رمــى بــي

شــــوك عــاقــول وحـلـفـنـا بــــدر بــــي

تغـطـلـسـت دنــيــاي والــنـــور غــابـــي

مـالــي صـديـقـن يفـتـهـم كـــود قـلـبــي

لا قـلــت لـــه هـــات التمـاثـيـل جـابــي

ول يـــــا غــريـــن بـالـمـحـبـة كـفــربــي

لا هـو بذابحـنـي ولا أشـفـى صـوابـي

نــاح الحـمـام وجــر الألـحـان طـربــي

وطـــــوح عــنـــاه بـعـالـيــات الــنــوابــي

وكـظـمـت بـالأنـيـاب مــمــا اسـتـقـربـي

ليمـا غـطـس فــي شفـتـي راس نـابـي

جـابــوا طـبـيـب درابـــي وافـتـكــر بــــي

ولا ظـنـتــي غــيــر الـشـهــادة لـقــابــي

اختتم الشاب قصيدته ونام في مكانه . وجديع وزوجته يستمعان له ولم ينم جديع بانتظار الصباح.

ولما كان الصباح لم يوقظ جديع الشاب كالعادة لصنع القهوة فتركه يشبع من النوم ,
وعمل هو القهوة بنفسه , وأرسل في طلب والد الفتاة , ولما حضر واجتمع المجلس عند جديع أمر أحد الموجودين أن يوقظ الشاب . ولكن الشاب لم يتحرك فقام له جديع وقلبه فإذا هو جثه هامدة

فقد أسلم الروح بعد نهاية قصيدته تأكيداً لآخر بيت فيها .
عض جديع على ناجده وتذكر
كلامهما ليلة البارحة . فأرسل أحد خدامه إلى بيت الفتاة يطلب منهم الفأس وكان البدو نادراً ما يستعملونه فقال إذا سألوك لماذا أخبرهم أن مقهوينا توفي وهو يقصد إخبار الفتاة . وما هي إلا لحظات حتى جاءت الفتاة تركض وقد شقت جيبها ناسيةً الحياء. فأمر جديع الناس أن يبتعدوا عن جثة الشاب ليفسحوا لها المجال , فلما رأته وقعت فوقه جثة هامدة هي أيضاً .
فأمر جديع بدفنهما بقبر واحد لأنه لم يستطع جمعهما وهما حيَّان فجمعهما بالقبر.

وسلامتكمـ

هذي قصة معروفة لكن هذه الرواية قديمة ومسجلة قبل ثلاثين سنة ولم تفرغ إلا حديثاً .
وهي قصة قيعي الشليمي مع أبو خوذة .
عبدالكريم الجربا شيخ قبيلة شمر في وقته بالجزيرة ( جزيرة العراق من شمال ) الجزيرة هي المكان الواقع بين دجلة والفرات من شمال العراق .
وكان يلقب بأبو خوذه لأنه ما يرد أحد يطلب منه شيء مثلاً اذا قلت يا حلو هالحاجه قال : خوذه .
فسمي أبو خوذة (خذه بلهجة شمر )
جا وقت من الأوقات قال وش ازين البل الوضح : فقال أحد الصلبه الموجودين في مجلس الجربا ( كان عندهم صلبي من الي يدوجون ) قال احسن ماشفت من البل هالوقت اباعر الشليمي من الظفير من فرسان الظفير هذي وضح البويضوات هذي لاهي بالحمر ولاهي بالصفر ولاهي بالشعل قال هذا وين ديرتوه قال ديرتوه يم القليب ويم المنيعية ويم ديار الظفير حدر من الحنيه .
و قيعي الشليمي فارس ما يقرب منزله وحامي نياقه بذوابة الرمح ، هاك الوقت ما به بنادق والفارس على الفرس لاصارت الفرس طيبه والفارس هاب ريح يهزم له جمع . قال عبدالكريم ترانا غزو ، (المهم) غزو وراحو بالصلبي هذا دليله لنه يدل الديار ويوم قربو للديره الي هو به نط رقيبتهم ولاهو راجع عليهم قال والله شفتلي اباعر تقول جمايل ضبا ، قالوا هذه اباعر قيعي الشليمي .
وهم يجون راعيها .
قالو :الشليمي حاظر .
قال حاظر .
قال :رح خبر معزبك انا خذينا أباعره وعطوه له رحولين وخذو البل اقفوبه على الخيل (يوم) دري الشليمي وهو يلحقهم يبي يرد نياقه ، لاهو جايهم ( هاد ) . المهم وهم يجدعونه الرجال يومنهم جدعوه وخوذو فرسه وخلوه .
قعد عقب الغناة وعقب البويضوات و المراح فاضي ولاهو (مغير) يغني ويقصد مثل المستخف عقب ماراحت اباعره منه ( أباعره طيبه الوحده منهن تسوى رقبة رجال ).
ويقوم الشليمي وينخى محمد ابن دهامان ابن عمه ... شاعر من شعار السعيد من الظفير .
قال : يا محمد .
قال : نعم .
قال : اباعري عند عبدالكريم الجربا وبيك تفزعلي تردهن لي .
أنت شاعر ومعروف وبيك تقصد لي قصيدة وبيك تروح معي لعبدالكريم الجربا وعبدالكريم رجال صخي وكريم ولا يرد احد وبيك تفزعلي ( المهم ) وافق وهم يترادفون على هكالذلول ويمدون على فالهم ناحرين عبدالكريم الجربا ويروحون يمه بالعراق .
ثلاثين ليله وهم اخويا ويوم جوه بالعراق ويسألون وين بيتوه قالو هذاك البيت ويوم قربو لاهاك البيت المسوبع لافيه فرقه تجي وفرقه تروح (محدن ينشد أحد ) ،ويقعدون عنده وعند عبدالكريم تحاويل ( وفد ) من الترك وبيته كبير ومجلسه مليان ويقعدون ومحد سأل عنهم ( المهم ) قال واحد منهم حنا جالسين محدن درا عنا لكن نبي نطلع برا البيت ونبي انتهاوش ابيك (تطقني وأطقك ) ونا اخو فلانه ونا اخو فلانه نبي الرجال ينتبهون لنا .
وكل واحد هد على الثاني واحد يجر واحد .
قالو تخانقو النجادا (النجديين) ( المهم ) قال عبدالكريم تعالوا .
وقال : من وين انتم جايين قالو من نجد .
قال كم لكم ونتم تمشون قالو ثلاثين ليله قال الحين انتم لكم ثلاثين ليله تمشون سوى وتنامون سوى ماتهاوشوا إلا هنيا (هنا) قام ابن دهامان هو يهل قصيده :
يا راكبٍ من فوق حثات الأوبار
فج النحور إليا انتون كل ناوي
طفقات من مس المحاقيب عبار
لاكنهن ينهش قفاهن ضراوي
حمر ركب بظهورهن كل مغوار
عيرات من هوز المطارق سعاوي
مثل القطا عن واهج القيظ عبّار
منتحرات دار عطب الاهاوي
حيل زهى بظهورهن دشن الأكوار
وأول سمرهن من قعود اللحاوي
مدن من الداير على شبة النار
والعصر بالخابور تسع النضاوي
الداير جال ضلع بديرة الظفير مثل ما تقول ضلعان طويق هذي . والخابور شمال الجزيرة قريب من منازل الجربان .
أرقب رقيبتهن على راس سنجار
وتشوّف الجربان بهاك الحراوي
وطالع بيوت كنها زمة الطار
كبار الصحون مزبّنين الجلاوي
واللي لجا ببيوتهم ماله الثار
ما أحد عليه من المعادين قاوي
يما عطوا من سابقٍ فوق قنطار
ياما اغتنى باسبابهم من فداوي
ترثة صفوق اللي نعرفه بالأذكار
ياما تمنى قربهم من خلاوي
ادناك بدنا كان للربع تختار
عبدالكريم اليا بلتك البلاوي
تبنى له البيضا على روس الأقطار
أبيض من القطن العفر عند رواي
يقول : يوم قال هالبيت تهيض عبدالكريم من السطر والزوم ويحذف جفير السيف في الضو (النار ) .
ويلحقها محمد القصاد هالبيت اللي يقول فيه .
شواي سيف الهند في ماقد النار
من الزوم كنه بوسط البير داوي
يرجع لنا شقحا من البيض معطار
تشوش لسمعة نديه المداوي
يرده اللي للطوابير كسار
كان الشليمي للبويضا رجاوي
قال عبدالكريم : لباشة الترك اللي عنده : وش تقول يا بيك بشعر هالعربي ؟ .
قال البيك : والله أنا يا شيخ ما ادري وشو يقول ولكن لو أني أنا أنت وقال بي هالكلام أما أطيّح راسه وإلا أعطية اللي يطلب . ما أخليه يروح هاك ( لا أتركه يذهب هكذا ) .
قال عبدالكريم : لا والله ما أطيح راسه ، إلا أعطيه اللي هو يبي .
قال أنت الشليمي .
قال نعم .
قال : أبشر بنياقك : يالله يا عبيد أركبوا معه ودوجوبه على شمر اللي عندهم يعني حصص من البل هذي متقاسمينها وأجمعوا أنياقه له .
ليا شمر على ( أبو قله ) جو يجمع البادية وعربه يجمعهم الخوف هكالوقت ولكلهم نزل واحد .
وأبو قله ضليع بهاالجو .
قال الشليمي : يا عبدالكريم ما قصرت ، لكن أبنط راس الضليع ( أبو قله ) هذا وابوده وأبي منك تحشرون الحلال وللي يجي يمي ما يرده راعيه وأبي أوده يعني (ينادي لبله بصوته ) .
قالوا : يالشليمي أباعرك لها سنتين ناسيتن حسك ولاقياتن ( دويد العسل ) في الجزيرة ، الجزيرة مثل الجنه كل شيء بها . ما يجنك أباعرك .
قال الشليمي : لا أنا لي سنتين ما فضيت عن صدري وأنا كاتمن بصدري وابفضي هالضحوية عن صدري أبوده ، قال وده ولا تردون ناقة تجي يم هالرجال وبنعوض اللي تورح منه ناقة .
وهو يقوم أنت يا الشليمي ويحط أصابعه باذانه ( كنه بيذن ) ، وهو يصيح للبويضات .
يقول يوم بحروا ( نظروا ) ، ليا يوم قامن يتطلقن مثل خيوط القطن هالوضح ( الماخوذات ) ، يوم تجمعن عنده .
ويقوم الجربا ويذبح لهم هكالجزور ويحني أباعر الشليمي بدم الجزور .
ويرد أفرسه ويعطي الشاعر هاكالفرس ، قال وده لباعرك يالشليمي .
قال أحد رواة شمر :
يوم تجمعن أباعره وتفقدهن ليا كلهن وليا الحيران اللي حدرهن يوم يوخذن معهن و الحيران اللي في بطونهن معهن بعد

هذا الموضوع عن تقلب الأيام حمانا الله وإياكم منها ومن تقلبها

هذه الحكاية لفتاة من الباديه يقول الراوي . . .
أن هذه الفتاة دارت الدنيا على أهلها وكانت ابنة شيوخ معروفين وحصل أن أغار قوم وقتلوا أهلها كلهم وهربت هي وعبدها من القتل . . .
وهناك رواية أخرى تقول أنها رحلت من قبيلتها إلى قبيلة أخرى وكان معها عبدها يقوم بخدمتها ووصلهما الخبر وهما بالطريق
أن والدها قتل
خلاصة الحكاية أن العبد تجبر على عمته بعد أن عرف نكبتها بأهلها وبدلاً من أن يخدمها أصبح يأمرها بخدمته وبالغ بإذلالها
وفي ليلة سهرت وهي تبكي على ما جرى لها وعلى دورات الأيام . . . فأمرها العبد بأن تنام . . .


فأنشدت تقول
هنيكـم يـا أهـل القلـوب المريحـة
وما لوم عينـي لو جـرى دمعهـا دم
أبكـي هلـي أهـل الـدلال المليحـة
وأخوانـي اللـي كـل ما قلطـوا تم
يا لعبد هذي من حكـايات الفضيحـة
خل السهـر لي وأنت يا لعبـد قـم نم
مـن أولـن نامـر تجيـب الذبيحـة
واليوم يا عبد الخطـا صـرت لي عم

وفي الصباح راح يوقظها فوجدها جثة هامدة .


م ن

قصه وقصيده قصيره لنمر العدوان

---

السلام عليكم ورحمه الله وبركاته


كان هذا الرجل فارس معروف على مستوى العرب والبدو عموما ومشهور بشجاعته وعنده ربع كثيرين ... وقد سمع بجمال فتاة
ونوى الاتجاه صوبها لغرض رؤيتها ... فذهب اليها ومعه احد الشباب الذين يعملون عنده (وفي روايه الشاب كان ابنه)
فعندما رئتهما وكعادة العرب قالت يالله حيهم وقالت لنمر العدوان عزب خويك لانها توقعت ان الشاب هو الامير لان مظهره الطف
فقالت له افرش الفرش واعطته الفاس ليحطب ويعلق النار ... فقال نمر العدوان قصيده ظلت تتناقل الى يومنا ...


يابنت يلي على ايدك نقاريش ..... امر الله البادي وامرك على الراس
لو ردتني فراش افرش مفاريش .... ولو ردتني حطاب اعطيني الفاس
لايعجبك بالفرخ صفوة الريش ... طير الحباري يااريش العين قرناس
الفرخ ليا ضرب ياخذ الريش ... والقرناس ليا ضرب يشلع الراس



القصه منقوله مادري من وين اخوكم المزوحي

قصة قصيدة (عيون المها بين الرصافـة والجسـر)
قدم علي بن الجهم على المتوكل - و كان بدويًّا جافياً - فأنشده قصيدة قال فيها :
أنت كالكلب في حفاظـك للـود و كالتيس في قراع الخطوب
أنت كالدلو لا عدمنـاك دلـواً من كبار الدلا كثيـر الذنـوب
فعرف المتوكل قوته ، و رقّة مقصده و خشونة لفظه ، وذ لك لأنه وصف كما رأى و لعدم المخالطة و ملازمة البادية . فأمر له بدار حسنة على شاطئ دجلة فيها بستان يتخلله نسيم لطيف و الجسر قريب منه ، فأقام ستتة اشهر على ذلك ثم استدعاه الخليفة

لينشد ، فقال :
عيون المها بين الرصافـة والجسـر **جلبن الهوى من حيث أدري ولا أدري
خليلـي مـا أحلـى الهـوى وأمـره ** أعرفنـي بالحلـو منـه وبالـمـرَّ !
كفى بالهوى شغلاً وبالشيـب زاجـراً ** لو أن الهوى ممـا ينهنـه بالزجـر
بما بيننا مـن حرمـة هـل علمتمـا ** أرق من الشكوى وأقسى من الهجر ؟
و أفضح من عيـن المحـب لسّـره ** ولا سيما إن طلقـت دمعـة تجـري
وإن أنست للأشياء لا أنسـى قولهـا ** جارتها : مـا أولـع الحـب بالحـر
فقالت لها الأخـرى : فمـا لصديقنـا ** معنى وهل في قتله لك مـن عـذر ؟
صليه لعل الوصـل يحييـه وأعلمـي ** بأن أسير الحب فـي أعظـم الأسـر
فقالـت أذود النـاس عنـه وقلـمـا ** يطيـب الهـوى إلا لمنهتـك الستـر
و ايقنتـا أن قـد سمعـت فقالـتـا ** من الطارق المصغي إلينا وما نـدري
فقلت فتـى إن شئتمـا كتـم الهـوى ** وإلا فـخـلاع الأعـنـة والـغـدر
فقال المتوكل : أوقفوه ، فأنا أخشى أن يذوب رقة و لطافة !


منقوووول

قصه قصيده الاصمعي ( صوت صفير البلبل )

---

http://omaniaa.co/yazan/user1_p.gif

هذي قصة حدثت في عهد الخليفة المنصور وكان الخليفة يقيم مجلس للشعر والشعراء واشترط على الشعراء أن يأتوا بقصيده لم يسمعها قط ويعطيهم عليها وزنها ذهب.
وكان الخليفة ذكي يحفظ القصيدة إذا سمعها من أول مره وكان عنده غلام يحفظ القصيدة إذا سمعها من ثاني مرة وعنده جاريه تحفظ القصيدة إذا سمعتها من ثالث مرة فكان كل مرة يأتيه شاعر ويلقي قصيدته يقول الخليفة إنها قصيدة قديمه وأنا سمعتها وأحفظها وقام الخليفة وألقى القصيدة له فالشاعر متفاجئ لم يصدق قال الخليفة لم تصدق نادوا على الغلام وجاء الغلام وقال الخليفة هل سمعت هذه القصيدة قال نعم سمعتها وقام وألقى القصيدة أمامهم والشاعر لم يحرك ساكنا فقال الخليفة نادوا على الجارية فقال للجارية هل سمعتي هذه القصيدة قالت الجارية نعم وقامت وألقت القصيدة فقال الخليفة للشاعر إذا فأنت تسرق الأشعار اخرج ولا ترجع لي فكان كل ما يأتيه شاعر عمل الخليفة نفس الفعل حتى لا يعطيهم الذهب فالشعراء أفلسوا وكان رأس مالهم ألسنتهم.
وفي يوم من الأيام عندما كان معظم الشعراء في مجلسهم دخل عليهم الأصمعي وقال ما بكم فأخبروه بالقصة وقالوا كلما نعد قصيدة ونأتي لنعدها للخليفة نجده حافظا لها هو وغلامه وجاريته فقال الأصمعي: إذا في الأمرحيلة.
فأعد قصيدته الشهيرة ودخل على الخليفة في مجلسه متنكرا واضعا عباءة على وجهه حتى لا يعرفه أحد فقال للخليفة إن عندي قصيدة سألقيها عليك فقال الخليفة أتعرف الشروط قال نعم اعرفها قال فألقها علينا.
يقول فيها الأصمعي:

صـوتُ صَفـيرُ البـُلبـُلِ = هَيـّجَ قــلـبي الثّمِـلِ
المــاءُ والزهــرُ معــا = مـع زهـرِ لحـظِ المُقَـلِ
وأنتَ يا سيـــدَ لــي = وسيـــدي ومولى لـي
فكـم فكــم تـَيّمُ لـي = غُـزيـّلٍ عَـقَـيّـقَـلي
قـطفتـهُ مـن وجنــةٍ = مـن لثـمِ وردِ الخجــلِ
فقــال : لا لا .. لا لا لا = وقـد غــدا مُـهـرولِ
والخُـوذُ مالـت طربــاً = من فعــلِ هـذاَ الرَجُـلِ
فولولــت وولـولـت = فلـي ولـي ، يـا ويـلا لي
فقلــتُ : لا تولــولي = وبيّني اللـؤلـــؤ لــي
قالت له حينــا كــذا = انهـض وجِــد بـالنُّقَـلِ
وفتيـةٍ سـقــوا نـَني = قهــوةٌ كـالعسـلَ لـي
شَـممّـتُـهـا بـأنـَفي = أزكـى مـن القَـرنـفـلِ
في وسـطِ بستـانٍ حِـلي = بالـزهـرِ والسـرور لـي
و العـود دن دن دنـا لي = والـطـبـل طب طبَ لـي
طب طَبِطَب،طب طَبِـطَب = طب طَبِـطَب،طب طابَ لي
والسقف قـد سق سق لي = والـرقـصُ قد طـابَ إلـي
شـوى شتوى وشاهِ شو = عـلـى ورق سُـفـرجَـلِ
وغـردَ الغمـِر يصيـح = مـلَـلٍ فــي مــلَـلِ
ولـو تـرانــي راكـبٍ = عـلـى حمــارٍ أهــزَلِ
يمشـي علـى ثـلاثــةٍ = كمـشـيـة العـرَنجـِلي
والنـاس ترجـم جَمَـلِ = فـي السـوقِ بالقُـلقُـلَلِ
والكلُ كعـكع كَعـي كع = خَلـفـي ومـن حُويـلَلي
لَكـن مشيـتُ هاربــاً = مـن خَشيـة الـعَقَنقَـلي
إلـى لـقــاءِ مـلـكٍ = مُـعـظـمٍ مُـبـجَــلِ
يأمـرُ لــي بخـلعــةٍ = حمـراءُ كـالـدم دَمَـلـي
أجــرُ فيهـا ماشيــاً = مُـبَـغـدِداً لـلــذِيـَّلِ
أنــا الأديب الألمعــي = مـن حـي أرض الموصـلِ
نظِمـتُ قِطعــاً زُخرِفَت = تُعـجــِزُ الأدبُ لــي
أقــول في مَطلعِهـــا = صوتُ صَفــيرُ البُـلبُـلِ

وبعد ما انتهى الأصمعي من قصيدته حاول الخليفة أن يجمع شي من القصيدة فلم يستطلع إلا صوت صفير البلبل وقال نادوا على الغلام قال: يا غلام هل تحفظ القصيدة قال لا والله فقال: نادوا على الجارية يا جارية هل سمعت القصيدة من قبل قالت لم أسمعها من قط فقال الخليفة: يا أعرابي ما رزقك إلا من عند لله هات ما كتبت عليه القصيدة قال لقد كتبتها على لوح من الرخام وأريد من يساعدني على حمله وبعد وزنها اخذ الأصمعي كل ما في خزينة الدولة من ذهب وبعدما خرج الأعرابي قال أحد الجالسين في مجلس الخليفة والله إنه للأصمعي فقال الخليفة: إإتوني بالأعرابي فلما جاء قال للأعرابي أزل العباءة من وجهك فلما أزالها ظهر الأصمعي فقال الخليفة أعد الذهب فقال الأصمعي: أرجعها على شرط قال الخليفة: ما هو؟؟ قال: أن تعطي كل شاعر أتاك ثمن قصيدته
وأتمنى أن تكون القصة والقصيدة أعجبتكم.
__________________

سلام عليكم ليس لي عنكم غنى

هذه قصّة قصيدة

قالها رجل من البادية يدعى أبو القنص وقد كان محباً للصيد وقد رزقه الله ولداً على كبره بالسن بعد أن توفي أبناءه الأربعة وكان اسم الولد فهد وكان محبا للصيد مثل والده على الرغم من صغر سنه. وفي أحد الأيام خرج أبوه للصيد فقام الولد بأخذ بندقية من البيت ولحق بوالده دون علمه. وفي الطريق قام الفتى باصطياد طير حباري وكان الجو حاراً جداً ولم يجد الولد شيء يستظل به سوى طير الحباري حيث نشر جناحاه فوق رأسه. وصادف أن أبو القنص لمح طير الحباري الذي فوق رأس ابنه من بعيد وقام بالرمي عليه دون أن يلاحظ ابنه فقتله خطاً وشعر بشيء يمس قلبه لحظة أن أطلق وفوجىء أنه قتل ابنه فحمل ابنه وبكاه. وفي ذلك الوقت كان نمر بن عدوان يبكي زوجته التي ماتت فأرسل أبو القنص له هذه القصيدة .

يا راكب الملحا لها الكور شدي = قم يا وليفي واعتلي فوق هياف
تسبق نسيم الريح يومن تمدي = وأسرع من اللي بالسما ريشها أرداف
ودي تزور السند والهند ودي = وتدور الدنيا من الكاف للكاف
ودي لأبن عدوان مكتوب ودي = يا نمر ياللي للخطاطير وقاف
يا نمر وين اللي بنى قصر جدي = وين الصحابه يا نمر وين أهل كاف
وين السليم من النيا والتعدي = والبين ما لطم اخدوده ولا شاف
من قبل منك مرود العين صدي = والعين تذرف دمعها جواز وأرداف
على جنين بأول العمر مدي = هو مهجتي يا نمر من ورا القاف
صيده حباري والحر زايد بشدي = وناثر من الجنحان على الراس رفراف
كن لاحلي بالزول مثل المهدي = مشعل فتيله وناهضه بين الأكتاف
علمي امغيظه ما تغالط بيدي = ثار الطلق من ثوعته والقلب خاف
يومن حظنته وهدب عينه مندي = يخبط حمر من وجعة القلب نساف
شلته بيدي والتقيته بزندي = ودمعي نزل من مقلة العين رشاف
ناديت بجنح الليل على أم فهدِ = هيي لقدر ما نشى البين باطراف
راحت ورجعتلي وما به تحدي = وتقول عزراييل ما ظن حدا عاف
الموت ما ينحاه كثر التفدي = يرميك ولو أنك على راس مشراف

شاعرة من قبيلة عتيبه ..*

وتدعى بـ قمره ( المرهوصه ) من الدعاجين من عتيبة ,, امرأه اشتهرة بشاعريتها وجمالها بين نساء عتيبه ..*

ولكنها كانت سليطة لسان .. وذات يوم صادفت قمره على العد ( الماء ) رجل ويدعى زيد ابن صالح من العصمه من عتيبه ..*

وتولع بها وعشقها ( عشق شريف ) وهي كذالك بادلته بنفس الشعور واستمرة فترة عشقهم الى سنه تقريباً ..*

الى ان قرر زيد ان يتقدم بخطبة قمره .. وكلم والده ولكن والده خشى على ابنه من قمره وسلاطة لسانها..*

فأقسم على ابنه زيد ان لايتزوج من قمره .. وأعطاه ريالات ذهبيه وقال له تزوج ماتشاء من اي بنات القبيلة بدلاً من قمره ..*

ولكن زيد لم يكن يرغب الا بالزواج من عشيقته قمره .. ولكنه لا يستطيع كسر حلف والده فرضى بالمقسوم ..*

وذهب لعشيقته قمره واخبرها برأي والده وأعطاها الريالات الذهبيه وتركها ..*

وحذفت قمره الريالات الذهبيه بالماء وانشدة تقول /*

يامل قلب من هـوى زيـد مطـروق
طـرق الحديـد ملـيـن ٍبالضـويـا*
امسيت قلبي في واصبحـت مسـروق
وثـوّرت فـي قلبـي عميـل ٍعـيـا*
يفدى عشيـري كـل برقاعلـى روق
واللـي بعيدالـدار والـلـي هنـيـا*
ويفداه من يركب على الخيل بعـروق
مع خيل ابـن هنـدي وخيـل المحيـا*
ويفداه من يمشي على الارض من فوق
والـلـي يشـوفـون القمروالثـريـا*
ويفداه حضـر ٍلجـوا العصربالسـوق
وابن رشيداللـي علـى الحكـم عيـا